Ayub 4:12 - Eipomek

¹² Nyabukce, ayupu ton nyabuk. Tonok talak, ninye diplamak nang sik kanye, na damak yayukce, dungnubuka na amul pum bisik nyapnuke. Yupu mur-mur anmokba kekepse. Ayupu dungnubuka, nyapnukba, amul arye kekepse.

Ayub 4:12 ပူးပေါင်းရင်းမြစ်များ

Ayub 13:1

Ayub birye tonap dukdongobuka, el kwit capu ati, ayupu nyabuk. “Aning ara diba, arup nyapmasin ning nirya ara, na asing arye akunum elinune. Tonda, anggunce nyapmanulum yupu nirya babye, akunum kekenune. Tonda aning nirya ara, dipkoprob na kele.”

Ayub 26:14

Bukni, aning-aning nirya laka nyapmakin ning ara, mikip weik aulul bukni, ‘Allah el mikip arye pil dolul ning ara, akunum,’ tenena kume. Aning nirya ara, mitik tonunuk nyapmane. Nun ninye arye, Allah el winilye ning ara, mitik tonunuk kel bikinyabe. Winipmanto ara, Allah arye winilul ning ara, ninye arye, nun amul pum tam ara, mur-muran yupu uk nyasinyak ning atonun ulule. Nunce elinyap ning ara, Allah el mikip weik ulye ning kel bikina ati, laka kililule. Weik ning ara, kum laka nyapmanto. Allah elda, pia mikip weik arye winilul ning ara, nunce kum kel biktibye.

Ayub 33:15

Winipmanto ning nyapnukine. Nun ninye ara, lukunyan wi talipsilye ati, mabipye talak ara, Allah elce lengdar deice ap, lengdar mana deice arye, nun dam yanuka, yupu nyalisulule.

Mazmur 62:11

Tonda, ‘Yata ning arye melipnutu do?’ tenen, ‘Yuk nang ati, ikin ning, sik nong deice deipnyopura, sikce namin kin yo bok weik arepnitinga deice arye, aning melipnamnile,’ tenena kume. Atonun, ‘E, yuk nang, sik bona, ‘Naʼ tenen delinyak sukum weknirye, aning nirya ubula dopropnyopura, aning nirya arye melipnamnile,’ tenena kume. Tonda, aning atonun, aminyan talak sik bona weik upnin baliba, bona talin nang umunyopura, ‘E, na yo bok ap, bona ap, weik aupmanilba, talinuna deice arye, bona talinanye akunum ununa ati, aning arye melibuka lyelonamnile,’ tenena pia kume.

1 Korintus 13:12

Ayupu nyapmasina ara, deiyok ani. Mek kwen pum bisik dipdekirye, sik mining urasinuk yalyopura, kanya eibikirye, mitik teleb ubuka elilamak touk, wini talak ara, aning-aning nirya mitik anun kanya atonun elinyabe. Bukni, ninye epdanduka miningdam epdakirye, pia teleb ubuka urasin laka elilamak touk, aminyan sirya talak ara, aning-aning nirya lakak aryuk eibibirye, teleb ubuka nong noutamak ning moubuka kel kipnamabe. Wini talak ara, mitik anun bikamse, ton ning ara, kum bikamse bukni, Allah arye nati, na wininye ning ap, tenenun ning nirya ap, teleb ubuka kel bikinilye touk, aminyan sirya talak ara, na babye aning-aning nirya, moubuka kel bikuka unamne.