Ayub 39:1 - Eipomek

¹ Tonda, mutuku deice ulul kambing basam mi deipnamalya ati, mi deiyok donmalye talak ap, rusa basam mi deiyok donmalye talak ap ara, ance akunum eibuka kel kilyam do?

Ayub 39:1 ပူးပေါင်းရင်းမြစ်များ

Ayub 39:2

Kambing mi bomlya ani, ‘Atalak ara, mi deipnamle’ tenen, ance el deipnamlye wala nukdebuka bikilyam do? Tonda, mutuku deice ulul kambing ap, rusa ap, mi deipnamalye sum ara, bikilyam do?

Mazmur 104:18

Weik arye erebuka bukuk mutuku dupak, bai tam kambing, keil si deice balirye aulule. Tonda, ‘Mutuku bukdika amu tam, keil amu tam unamak’ tenen, mutuku dup keil deice balamle ning, el si ara ayam mana (pelanduk) kwepdeiplume.

Mazmur 29:9

Allah Yahweh arye, el yupu pia mikip arye nyaplyopura, bai mutuku yo kan-kan noutam, weik tonun tiklamuk yo nirya ara, weik kumanya arye yanuka, pu nyabuka, ayo nirya ara, lokukaplirye, pumalikliba, ayo bok nirya, adiparyuk daksaklirye, kum danin balule. Winiplyopura, Allah Yahweh el si eren aik pum noutam unyak nang arye, ‘Se, Allah ara, pia telebuk ulule,’ nyanamake.

Yeremia 14:5

Tonda, maning palamle ning babye, ton pia kum aupnamle. Selal seplirye, kum danamle. Winipliba, rusa basam kil ara, el mi winiryuk deipmaliryuk, batakuka bindopnamle. Ara, abasam el dipmanto maning winiryuk palamle ning pia kum ati, batakuka binamle.

Ulangan 14:5

Tonda, rusa basam yala nirya ap, bura domba basam ap, bura kambing ap, kijang ap weik mutuku dup dam unyak domba basam ap ara, aning nirya obuka dinamlume. Ayala ning ara, teleb ning ati, ur obuka dinamlume.

1 Samuel 24:2

Kekebukopura, Saul birye Israel ninye ulamik noutamak, yin talin nang, sik yupa ara, tiga ribu nang wipdeibuk. Wipdeibukce, Saul ap, ayin talin nang ap arye, ‘Daud ap, el yin bon nang ap ara, dan sukum unyak do?’ tenen, bai mutuku elbinmek. Amutuku ara, sik amutuku ulamik nang arye, ‘Buru mutuku yim kambing weik ulul mutuku, tonda keil si ngelul mutuku,’ nyalamik mutuku, Saul ap, el yin bon nang ap, amutuku welebuka Daud biti elbinmek.