Ayub 38:34 - Eipomek

³⁴ Aning atonun, dua im deice tam ubuk ning ati, ance, “Mok arepnilyame,” nyaptumba kekepkuturye, mok arepkutuba, weik arye ceptu do?

Ayub 38:34 ပူးပေါင်းရင်းမြစ်များ

Ayub 22:11

An dam ara, kuna weik akunum yanmala ati, akunum dam upkilyeba, tuba tonap dirina ara, teleb ubuka kum eipnalame. Tonda, mek weik obuka, an dam akunum yalirye, mek wekmanto upnalame.

Ayub 38:37

Aning atonun, yata weik kelnye birye, dua nirya nuktu do? Tonda, yata kelnye birye, mek makau kwebuka, im deice tam deiamuk ning dobuka, diklopliba tamubuka, mok celye ning ara, bikiamuk do?

Amos 5:8

Nara Allah, na si Yahweh unune. Na aryuk kurya im deice tiklamle ning ara, kwepdeipse. Ara, kurya nirya ap, tonda ninye weik bikamik kurya si ara, Kartika ap, Belantik ap ara, naryuk kwepdeipse. Atonun, na Allah aryuk lukunyan noutam kuna ara, tonap tuba tamubuka dirina kilinune. Tonda, keting noutam arye tamubuka lukunyan kilinune. Tonda, weik laut mekwen deipse noutam arye, mek weik dopropnirye, dou tam kipdeipniba, mok cepliba, tuku deice mok ceplirye, mek sakalule. Aning-aning nirya winilulnye bira, na uka. Na si ara, Allah Yahweh, naryuk wininune.

Zakaria 10:1

Kwapu youbuka bongon li talak kiplyopura, anggunce Allah Yahweh ati, “Mok arepsilyame,” nyabuka moropmunyopura, Allah el si Yahweh arye, dua kunukna ning arepsiliba, kunuklirye, weik mok ceplirye, tukwak mutuku saklibuk, ninya wa wibuka koulamak ning nirya bongoplirye, bok teleb ubuka palule. Winiplyopura, Allah arye tukwak im sirya, mutuku sirya nirya, unyak ninye nirya ati, bongobuka palamle ning aning-aning nirya bokeipliba, talibikirye, teleb kanye bobuka unyake.

Yakobus 5:18

Winibuka morobukura, dou malamukba, nabi Elia arye, ‘Ila tamubuka mok ceptu’ tenen, Allah morobukopura, tamubuka mok celamuka ani, ninye arye koulamik ning palamuk.

1 Samuel 12:18

Nyabukabukce, adiparyuk Samuel birye, Allah el si Yahweh ati, morobukba, kekebukce, asum aniryuk Yahweh arye, weik liman ap, mok ap, dopkwetebukba, sik nirya dinmek. Winibuka ati ara, sik Israel ninye nirya, kel kibikce, el Yahweh ap, Samuel ap ati, ilil weik ubukba, sik nirya arye, ‘Se, sikda weik mambule,’ tenebik.