Ayub 38:21 - Eipomek

²¹ Ance dipkoprob aning nirya ara, kel kiamlum do? Aning-aning nirya kintinibuka delinmase talak ara, an ton akunum deiamkik do? Tukwak mutuku ap, aning-aning nirya ap, kwelinmase sum arye, dipdongobuka wini talak nirya, aupnin yangalyamnye ulyam do? Winibuka, Kam Una Deiyoknye ulyam do? Ayub anda, aning nirya akunum kel bikaminyopura, nyapnilyame.

Ayub 38:21 ပူးပေါင်းရင်းမြစ်များ

Ayub 15:7

Ayub, ance, ‘Nara mambul weiknye unune,’ tenepdalum do? Ara, ance, ‘Tukwak mutuku noutam nirya ara, yuk nang kum deiamik talak arye, nara min akunum deiamniknye unune,’ tenelyam do? Tonda, ‘Allah arye atukwak bukuk mutuku kon nirya kum kwepdeiamuk talak arye, nara min kwepdeiamnuk ati, nara mambul weiknye unune,’ tenelyam do?

Ayub 38:12

Tonda, an nin deipkuk talak arye diprongobuka, ayangalamuk talak noutamak nirya ara, ance, “Winipnulyame,” nyapdeialumba, berekamuk do? Berekna ati, ance, ‘Bereklyame,’ nyaplumba, berekelul do? Tonda bereknulya ati, tulik bisik yana ara, ance, “Anyak yanamlume,” nyalaluma deice arye, yanuka ulamukce, tuba yalul do?

Ayub 38:22

Mourye li talak noutamak, weik mok ceplirye, tererem alamle, el si salju nyalamak ning ara, aning el delinak ara, an akunum bikamlum do? Tonda, ‘Mok dumduma sakanamle’ tenen, kintinibuka deilinunak ara, an eiyalumce, bikamlum do?

Ayub 38:4

Ayub anda, tukwak mutuku, im sirya, mutuku sirya ap, tuku amu tam yangan keil ap nirya, kwelinmase talak ara, an asing koproba arye dinmalum do? Atalak ara, an dan mutuku ulamlum do? Ara, mutuku kwepdeipnuse ati, mutuku yangan keil deiyok koubuka deipsak ara, akunum kel bikaminyopura, laka nyapnamanilyame.