Ayub 38:16 - Eipomek

¹⁶ Ara, anda laut mekwen deibuka noutam duk-duk ton koulukuka balalumce, eiyalum do? Tonda weik laut mekwen adeibukak noutamak ton, koulukuka balalumce, eiyalum do?

Ayub 38:16 ပူးပေါင်းရင်းမြစ်များ

Kejadian 7:11

Atalak ara, Nuh el keting tamun yupa weik, 600 tahun akunum ubuk talak, tonda wala bitinye ning noutamak tujuhbelas (17) hari ubuk sum arye, deiyok koubuk. Asum dem aryuk laut mekwen pum tam ara, weik mek pu dobuka panabuka welebuk. Tonda, im noutamak danirye pia weik mok celamuk.

Kejadian 8:2

Ura, laut mekwen pum bisik uamuk mek pu ap, im deice arye, dolkwetenmok mekwen ap ara, Allah arye, nyapdeibukba, anirya cepdobukba, kum dayuk. Tonda, weik mok celamuk ning ara, kum dayukce, dou mabuk.

Ayub 41:32

Tonda, Lewiatan ara, laut mekwen deice balyeura, elce amek pum tam mek kekuka balamle bisik nirya ara, mek kait kurun ning weleplirye, tukwak welelule. Winipmanto ara, pia wisi akunum dace nang ara, sik kisok deice arye, kul potong pia tikilul ning tiklamle touk, amekwen deice ara, mek kait kurun ninguk weleplyeba, kurun ulule.

Ayub 9:8

Tonda, im tam ap, im noutam ulul ning babye, yatanye birye, el mikip weik taruk deice arye kwepdeibukba, aning nirya aubuk do? Tonda, yata tonye, elcuk tukwak noutam bukni, weik laut mekwen kwepdeibukba, mek kait ara, welebina, koulukuka binapna kiptuba, anye birye, aning nirya yaniptuba, kum uptu do? Aning nirya ara Allah elcuka!

Mazmur 77:19

Mikip weik kum yayukce, kumanya weik dobukba, amutuku palamuk ning nirya, lokuka pounmokce, bebeya lakuka piripna dobuka, amutuku nirya dirina weik ubukce, weik liman lebuka, lelim ton nyabuk. Aning nirya winibuka ati, atalak ara tukwak mutuku sirya, im nirya ara, lulukuka, long-long abukba, lulukunmok.

Amsal 8:24

Allah arye, pia weik pala laut mekwen nirya, min kum kwepdeibukba, laut mekwen kum deiamuk talak arye, nara min yuma kwepdeiamnuke. Tonda, mek pu ap, balamle mek ayala-ayala nirya ap, min kum kwepdeiamuk talak arye, nara min yuma kwepdeiamnuke.

Amsal 8:28

Tonda Allah arye, ‘Daud bira, im alip tam unamle’ tenen, kwepdeibuk talak ara, na aunmasirye, dinmasibuk winibuk. Aning atouk, pia weik laut mekwen karu pum tam noutamak kutukuka balamle mikip mek pu dona nirya kwepdeibuk talak babye, na aunmasirye, dinmasibuk aning nirya kwepdeibuk.

Yeremia 51:36

Ati ara, Allah Yahweh arye, sik Yerusalem mutuku ninye ati, nyabuk. “Narye pia dobuka, sik melibuka kwang dakna ati, sik Babel mutuku nang arye, anggun Yerusalem mutuku ninye olyangasinyaka ati, wini talak ara, sik Babel tam ninye ati, wenebuka opnamne. Winipnamne talak ara, sik Babel mutuku noutam dinyak mek pu ap, balamle weik mek nirya ap ara, adiparyuk cepdeipyopura, sisal lepnamle.