Ayub 38:10 - Eipomek

¹⁰ Aning atonun, narye, ‘Laut mekwen mutuku nirya kum deipnamle’ tenen, kintinibuka deipsirye, tuku pilipdongopse ning ara, an eiyamlum do? Winipmanto ara, aik dona deiyok nang arye, anyaik bublan ap, kat ayukumna ap, abilinga ap nirya ati, ‘Winibuka dopnamabe,’ tenelamak touk, narye laut mekwen nirya ati, narye, ‘Winibuka deipnamne,’ tenelamse touk, kwepdeipse.

Ayub 38:10 ပူးပေါင်းရင်းမြစ်များ

Kejadian 9:15

Eipnyopura, narye anggun tukwak mutuku ululum ninye ap, kam ulye ning ayala-ayala nirya ap ati, “Tuba tonap weik mekwen deiplirye, tuku tam kam ulye ning pia kum dipnamsile,” nyabuka, nyalin yupu nyapmasina ara, pia tenenamne. Kum luba kipnamne.

Ayub 26:10

Tonda, weik laut mekwen deibuka deice ara, Allah elce wilin ning akunum kintinip deibuk. Ara, kunukukak arye, dirina doprobukce, bokuka kuna yuk, dirina yuk, kibuka bokeibuk. Bikina ati, aning bitinye ara, wililonak ati, bokeibuk.

Ayub 38:11

Tonda, narye alaut mekwen ati, ‘Anda narye kintinibuka deipkise sukumuk deipnalame. Bisibuka yuk-yuk mutuku nirya bamince, kum singnildongonamlyame. Anda na yupu ton kum bisipnamnilyame. Tonda, mek kamula bulamle ning babye, mikip arye talye kum welenamlyame. Tonok sukumuk unalame,’ nyapdeiamse talak ara, an ton kekalum do? Akumopura, atalak ara, dan sukum ulamlum do? Anya arye, ance aning kel bikaminyopura, nyapnilyame.

Ayub 38:9

Aning ara, na Allah arye amekwen el singnina ati ara, dua arye kitipdongopse. Tonda, el amekwen lelildongona ati ara, kuna arye singnipdongopse.

Ayub 41:14

Tonda, yatanye, el mania kanye bopturye, aweik buaya bal, el si bam bol dam binuka, tapu arye koupdongopting do? Kume, el si bambol aklyopura, danoutam ara, weik yu si yupa pia weik ulula ati, ninye arye aning eibikcopura, ilil weik uplyeba, el si bambol koupdongopmanto kum upnamake.

Mazmur 104:9

Ancuk mek delilbinamukak akunum kintinibuka deiamlum touk, asukumuk tuba ulule. Tonda, ‘Asukumuk deipnyopura, deibuka langdibuka kum dinipnamle’ tenen, kwepdeiyalum touk, weik pala laut mekwen ap, yuk mekwen ap ara, ‘Aunamle,’ tenyamlum touk deiplume. Awiniplum ning ara, ‘Mek langdepsaklirye, ninye ulamica damak yanuka deiplirye, diplyak’ tenen, winiplume.

Mazmur 33:7

Tonda, Allah arye, weik pala laut mekwen nirya bulubukabukce, tonokak deibuk. Atonun, laut mekwen nirya bulubukabukce, ‘Amek ara, asukumuk unamle’ tenen, weik laut mekwen delinak, yuk kwepdeibukba, amek ara, yukak kum bitue. Asukumuk ulule.

Amsal 8:29

Allah arye, ‘Weik pala laut mekwen deilinak ara, asukumuk deipnamle’ tenen, amek ati, “Anda narye kwepdeipkinak uk, asukumuk deipnalame. Yukak ton leibuka kum deipnamlame,” nyabuk talak ara, na aunmasirye, dinmasibuk winibuk. Tonda, ‘Tukwak mutuku amu tam buknamle’ tenen, pia weik mutuku yangan keil nirya, kwepdeibuk talak ara, na babye aunmasirye, dinmasibuk winibuk.

Yeremia 5:22

Anggun nirya moubuka teneipdelulume! Nara, Allah Yahweh ununa ati, yata deiyok ati, anggunce nati, ilil kum usulul do? Dipkoprop ning ara, anggunce na dam yamunce, nati ilil upsutuba, ‘Se, adiparyuk nun wenebuka opsilyakʼ tenen, anggun nong nirya memepdopnamtume! Tonda, moubuka teneplulume! Na mikip weik aryuk, weik laut mekwen delinak kwepdeipsirye, ‘Amekwen ara, talye balulʼ tenen, amekwen wililona ati, laut mekwen kup-kup outam ara, keil wininga el si pasir, akunum kintinip deipse. Akintinibuka deipsak ara, laut mekwen arye deiplirye, pia unamle. Ati ara, laut mekwen weik arye deiplirye, mekwen mikip mek ombak, kibuka welepnamle bukni, pasir kup-kup, kum bisipmanto ulule. Tonda, ‘Laut mekwen deiamlyak, binuka sukulbinamleʼ tenen, wilipdopse sukum ara, kum deibisipnamle. Asukumuk pia aunamle.