Ayub 37:4 - Eipomek

⁴ Allah elce bebeya lakne ning ara, dopdeiplyeba, el weik lelim nyalul yupu deice arye nyaplyopura, weik lelim nyaplyeba, nun nirya kekenyabe. Ara, Allah arye, el yupu nyalye talak ara, liman nyaplyeba, lelim weik nyalul ning atonun lelim ara, kekenyabe. Atalak ara, ‘Bebeya laklamle ning ara, mitik tonun arepnamne,’ pia kum tenelule. Weik tonun arelule.

Ayub 37:4 ပူးပေါင်းရင်းမြစ်များ

Ayub 26:14

Bukni, aning-aning nirya laka nyapmakin ning ara, mikip weik aulul bukni, ‘Allah el mikip arye pil dolul ning ara, akunum,’ tenena kume. Aning nirya ara, mitik tonunuk nyapmane. Nun ninye arye, Allah el winilye ning ara, mitik tonunuk kel bikinyabe. Winipmanto ara, Allah arye winilul ning ara, ninye arye, nun amul pum tam ara, mur-muran yupu uk nyasinyak ning atonun ulule. Nunce elinyap ning ara, Allah el mikip weik ulye ning kel bikina ati, laka kililule. Weik ning ara, kum laka nyapmanto. Allah elda, pia mikip weik arye winilul ning ara, nunce kum kel biktibye.

Ayub 28:26

Allah arye, ‘Winibuka mok ceplirye, tukwak mutuku deice sakanamle mutuku ara, ani,’ tenyamuk touk kwepdeibuk. Tonda, Allah arye, ‘Bebeya ap, liman nyana ap, asukum aunamle,’ tenyamuk touk, sik bisik ati kintinip deibuk touk, tuba aulule.

Ayub 37:2

Se, anggun nirya ara, Allah arye nyalul yupu ara, anggun ton moubuka kekeplulume! Allah arye weik yupu deice nyapsilye talak ara, winipmanto ning ara, weik liman lelim weik nyalamle touk ulule. Alelim ara, Allah el si pum bisik arye, kutuka yangalula ati, elce nyalul yupu moubuka kekeplulume.

Ayub 37:3

Im tam nirya ara, eitamuk ulul bukni, aning ara amu tam, tukwak mutuku im sirya, mutuku sirya nirya ara, Allah elce bebeya laklamle ning ara, dopdeiplyeba, lelim weik kekenyabe. Allah elce liman nyan ning babye, bebeya lakne ning babye dopdeiplyeba, alelim ap, abebeya lakne ning ap ara, mutuku sirya im sirya ara, dabalule.

Ayub 37:5

Allah el weik yupu deice arye nyaplyopura, nun ninye arye, pia kum winipmanto ning ton winilule. Tonda, nun ninye arye, pia kum bikmanto ning ap, ‘Nong noutam ara aniʼ tenen, kum tenepmanto ning ap, pil dolule.

Ayub 40:9

Ayubo anda, na mikip weik unya atonun ulyam do? Tonda, na yupu nyapnyeba, weik liman nyalamle touk, an yupu ara aning atouk mikip weik arye nyaptum do?

Mazmur 18:14

Diba, Allah Yahweh anda im deice arye tukwak mutuku yalum talak ara, im noutam arye, weik liman nyabuk. Atalak ara, an Allah, aning-aning nirya deice tam talibuka umince, Pia Mikip Weik Deiyoknye ulyama ati, ance weik yupu deice arye nyaplumba, tukwak nang nirya kekebik.

Mazmur 68:33

Anggun yuk-yuk mutuku sirya, im sirya nirya, talibuka ululum ninye deiyok nang nirya ara, buluplumce, Allah ati, “Anda pia telebuk ulyame!” nyabuka, el si erenamlume. Diba, aning-aning nirya talibuka, mikip weik ulya deiyoknye ulula ati, nun nirya arye, Allah ati, “Anda pia telebuk ulyame!” nyabuka, el si erenamabe.

Ulangan 33:26

Nyabukopura, ayupu ton nyabuk. Israel ninye ati kalikuka melilul Allah ara, el atonunye ton, pia kum ulule. El tonoka. Sik yuk yala ninye yuk-yuk Isa Mutuku Dongonye si erenyak ning ara, talye ninguk. Israel yala ninye, sik si erenyak Allah, elda pia teleb, mikip weiknye ulule. Sik ni koproba Allah arye, ‘Israel ninye melipnamne’ tenen, im ap, dua ap, deice arye, yanuka melisulule.