Ayub 37:3 - Eipomek

³ Im tam nirya ara, eitamuk ulul bukni, aning ara amu tam, tukwak mutuku im sirya, mutuku sirya nirya ara, Allah elce bebeya laklamle ning ara, dopdeiplyeba, lelim weik kekenyabe. Allah elce liman nyan ning babye, bebeya lakne ning babye dopdeiplyeba, alelim ap, abebeya lakne ning ap ara, mutuku sirya im sirya ara, dabalule.

Ayub 37:3 ပူးပေါင်းရင်းမြစ်များ

Ayub 28:24

Aning ara, Allah elda mutuku sirya, im sirya nirya moubuka dilule. Im deice tam ap, tuku amu tam ap, anoutam ulul ning nirya ara, Allah elcuk moubuka elilirye, bikilule.

Ayub 28:26

Allah arye, ‘Winibuka mok ceplirye, tukwak mutuku deice sakanamle mutuku ara, ani,’ tenyamuk touk kwepdeibuk. Tonda, Allah arye, ‘Bebeya ap, liman nyana ap, asukum aunamle,’ tenyamuk touk, sik bisik ati kintinip deibuk touk, tuba aulule.

Ayub 37:11

Allah elce dua noutam ara, mok kitibuka delilule. Tonda, dua kan-kan noutam arye, bebeya lakuka balule.

Ayub 37:12

Allah elce nyaplyeba, dua bum ap, mok ap, el ap, kumanya ap, bebeya lakne ning ap ara, mutuku sirya, im sirya nirya tobuka balule. Ara, tukwak mutuku noutam nirya, ninye tukwak nang unyak mutuku noutam nirya ara, Allah arye arelul ning nirya, tobuka banauk ulule.

Ayub 37:4

Allah elce bebeya lakne ning ara, dopdeiplyeba, el weik lelim nyalul yupu deice arye nyaplyopura, weik lelim nyaplyeba, nun nirya kekenyabe. Ara, Allah arye, el yupu nyalye talak ara, liman nyaplyeba, lelim weik nyalul ning atonun lelim ara, kekenyabe. Atalak ara, ‘Bebeya laklamle ning ara, mitik tonun arepnamne,’ pia kum tenelule. Weik tonun arelule.

Ayub 38:13

Ance, ‘Malye winin nang arye, malye-malye wininyak ning nirya bataknuyak’ tenen, ance nyalamlumba, adiparyuk bereklamukba, tukwak mutuku nirya dirina weik ulamukce, malye winin ning nirya kum danamuk do? Tonda, ninye arye amsuna deice, ‘Butbuta ap, malye ning ap, palepmalye ning kum danul’ tenen, dobuka bolboloklamak atonun, ance nyapdeialumba, tukwak mutuku dana-dana nirya, malye ning kum dayuk do?

Ayub 38:35

Atonun, ance liman lepnulye talak ara, bebeya laklamle ati, “Bebeya laklyame,” nyaptumba, bebeya laktu do? Tonda, bebeya laklamle ning arye anti, “Nun deiyoknye, nun aunmabe. Ance tenesilyam touk wininamabe,” nyapkiting do?

Mazmur 77:13

Diba, ance melibuka winilamsulum ning nirya ara, moubuka tenilenamne. Tonda, pia mikip deice arye, ninye kum winipmanto ning melilamsulumce, pil dolamsulum ning nirya babye, pia moubuka tuba teninamne.

Mazmur 97:4

Allah arye bebeya dopkwetepliba, bebeya laklyopura, tukwak mutuku, im sirya, mutuku sirya nirya ara, dirina pia weik tonun ulule. Winiplye talak ara, ninye tukwak nang nirya, aning ebikirye, ilil upliba, mambul kanye bobuka, sik nong nirya sirim talilule.

Yesaya 11:12

Allah Yahweh elce sik Israel yala kum nang, im sirya, mutuku sirya nirya unyak nang eibicopura, kel biknamakʼ tenen, laka kilina ati winiryuk ninye deiyoknye erepdeipnamle. Ara winipmanto, ninye arye, ‘Asukum ara, ninye nirya bulubuka dilyanamakʼ tenen, bendera cang weik yo arye ikuka, im dup noutam delilamak touk, Israel yalanye ton, winiryuk ninye deiyoknye erepdeipnamle. Tonda, min talak yu nang arye, Israel tam ulamik nang ap, Yehuda tam ulamik nang ap, obikce bobuka yuk pera mutuku bobinamikba, tukwak mutuku dana-dana tam nirya daulamik. Bukni, Allah arye, im sirya, mutuku sirya dana-dana tam ulamice sukum arye, anang dobuka, sik mutuku boyalirye, yanuka bulubuka deiplyeura, tonok kibuka unamake.

Matius 24:27

Nara, Ninye Mi Koprop Atonunye yanamne talak ara, keting yangan tam arye bebeya, lakliba keting wekelban tam balamle touk, winibuka yanamne. Lak noutam aryuk yanamna anya arye, ninye nirya arye elinamniyake. Yesus arye nyabuk. Nyabukopura, ayupu ton nyabuk.

Wahyu 11:19

Sik 24 wisi deiyok nang arye ayupu nirya nyabikba, kekepse. Kekepse talak aryuk im deice ning bukni, Allah el si erena aik buplan kukeibikba, anyaik pum bisik ara, marikna pum bisik deipmeka eipse. Amarikna pum bisik ara, minop talak Allah arye Musa ati, “Na mapu nirya ara, wininamak ning ara, ani, malye ati kum wininamak ning ara, ani,” nyabuka, pala keil deice sekiamuk ning deipmek ning ara eipse. Eipse talak ara, liman ap, bebeya una ap, lelim weik ap, mutuku lulukna ap, im noutamak arye dekne dukduka puru mok sakanmok ning ap, anirya eipse.