Ayub 37:12 - Eipomek

¹² Allah elce nyaplyeba, dua bum ap, mok ap, el ap, kumanya ap, bebeya lakne ning ap ara, mutuku sirya, im sirya nirya tobuka balule. Ara, tukwak mutuku noutam nirya, ninye tukwak nang unyak mutuku noutam nirya ara, Allah arye arelul ning nirya, tobuka banauk ulule.

Ayub 37:12 ပူးပေါင်းရင်းမြစ်များ

Ayub 36:32

Allah arye bebeya lakne ning ara, el mining taruk arye talilule. Aning talilulce, ‘Asukumuk saknamle’ tenelye touk, dopkwetepliba, el akunum tenebuk touk, dipkoprob atuku sukum sakalule.

Ayub 37:3

Im tam nirya ara, eitamuk ulul bukni, aning ara amu tam, tukwak mutuku im sirya, mutuku sirya nirya ara, Allah elce bebeya laklamle ning ara, dopdeiplyeba, lelim weik kekenyabe. Allah elce liman nyan ning babye, bebeya lakne ning babye dopdeiplyeba, alelim ap, abebeya lakne ning ap ara, mutuku sirya im sirya ara, dabalule.

Mazmur 104:24

Se, nun ni Allah Yahweh, ance pil dolyam ning aning-aning nirya ara, pia weik awinilyam ning ara, ninye arye kum nuktibye. Anda dipkoprob weik kel bikna deice arye, aning-aning nirya kwepdeiamsulume. Winibuka winipsulumba, tukwak mutuku noutamak nirya, ance kwepdeiamsulum ning, ayala-yala nirya weik aulule.

Mazmur 147:15

Allah arye, tukwak mutuku ap, tukwak mutuku unyak nang ap ara, ‘Na yupu biknamake’ elce teneplye ning ap, el yupu nyaplye ning ap ara, tukwak nang arye kekenyake. Allah elce nyaplye yupu nirya, tukwak mutuku sirya, im sirya, Minopce balule. Tukwak mutuku unyak nang nirya arye, kekenamake.

Mazmur 148:8

Se, bebeya lakliba, uku lalamle ning ap, weik mok purwu saklamle ning ap, dua ap, mikip weik arye balul kumanya ap, mok ap, dou ulamle talak ap, aning-aning nirya ara, Allah arye, “Winipnamlulume,” nyabuka nyalilye touk, Allah Yahweh el yupu uk kekebuka unyake.

Yesaya 14:21

Ati, wini talak ara, anggun nirya kekeplulume! Raja Babelnye, elce deiamuk mapu ap, elce deibukba, dadeipdanin yangalamik nang nirya ap ara, anang nirya ara, sik ona ati, akunum kintiniplulume! Ara talye ati kuma. Raja Babel birye deibukba, dadeipdanin yangalamik nang nirya ara, anggun ni yapu arye, malye winilamik ning ara, pia weik ati, anggun mapu nirya obobyeba, dipnamake. Ara, min obuka sirya dakmunyeura, sikce deiamik mapu ara, aminyan talak, sik yala nang ton weik upnin bakirye, ninye deiyok nang tuba kibikceura, tonap, mutuku sirya, im sirya nirya, talipnamakca! Ayala nang arye, ninye deiyok kibikcopura, tukwak mutuku sirya, im sirya nirya noutam arye, weik asik ton dobikirye, daunamaka ati nyapne. Ati, Raja Babel, el yala nang nirya, anggunce obuka, sirya daknamlume!

Yesaya 27:6

Doyanamle talak noutam nirya ara, sik Israel Anang arye, winipmanto, yo yating tukwak bilirye, ayo weik tonun neplirye, atukwak mutuku noutam nirya ara, duk pia weik tonun moulamlirye, tukwak mutuku, im sirya, mutuku sirya nirya, unyak nang arye dolonamake. Ara, Allah arye Israel nang ati, teleb kipdeipnamla deice arye, ninye tukwak nang, mutuku sirya, im sirya nirya ton, teleb kipdeipnamle.

Yeremia 14:22

Nun ni Allah, nun kele. Mutuku-mutuku nirya arye, kwemdina ning Isa Mutuku Dongonye si erenyak ning ati, ‘Mok arepsilyame,’ nyabuka moroptibye babye, mok kintinibuka kum arepsutue. Tonda, im noutamak ulul ning aryuk, mok tukwak mutuku kum dopkweteptue. Aning nirya kum bukni, Allah ancuk, nun patapsilye ning nirya arisilyame. Ati ara, nunce an deiceuk, nun kanye delinyabe. An dem aryuk, aning-aning nirya arisilyame.” Israel ninye arye, Allah ati ayupu nyabik.

Yoel 2:23

Aning atonun, anggun Sion mutuku ululum ninye nirya, weik kanye deipmunce, pin-pin asa arye unamlume. Ara, anggun malye winin ning nirya kum kipdeipniba, teleb kibuka winimunya deice arye, na Allah disinirye, anggun nong deice kanye deibuka, teleb kilisunune. Tonda, narye li ning arisinye touk, dou arepmasinya ani, ton talak ara, mok aresunune. Aning atonun, ton talak ara, mok arepmasinye touk, dou li ton aresunune. Ara, min yuma talak, narye melibuka arelamse touk, wininamsine.

Amos 4:7

Tonda atonun, anggun wa wibuka koulamlum noutam, mok ton kum arelamsisirye, mok pia cena kum li areamsise. Anggun wa koulamlum ning ara, wala winilye tonap, akunum uptopura, anggun wa wibuka kouamlum ning, yongobuka lilamtum bukni, mok kum arelamsisa ati, anggun wa wibuka kouamlum ning nirya ara, koululamuk. Tonda, anggun asik dobuka, ulamlum mutuku noutamak ara, ton ninye arye, wa wibuka kouamik wa win dam ara, mok arelamse. Bukni, ton aik ninye ara, wa wibuka kouamik wa win dam ara, mok kum arelamse. Winilamsiba, ton tam nang, sik wa wibuka koulamik ning ara, nong ulamuk bukni, ton tam ninye, sik wa wibuka koulamik ning nirya ara, koulunauk ulamuk.

Wahyu 11:6

Anang bitinye ara, mikip deiyok ning, sik nong deice akunum ulula anya arye, sikce Allah el yupu nyanamdak talak nirya, sik nyapdica deice arye, mok pia kum cenamle. Tonda, sik tenepdice talak nirya ara, sik mikip deice arye yupu nyaprikba, tukwak mutuku mek nirya ara, ining biuk unamle. Tonda sikce nyapdicopura, tukwak mutuku im sirya, mutuku sirya nirya unyak ninye ati, kanye imun upnamle uk, ayala-yala nirya weik dinamle.