Ayub 36:1 - Eipomek

¹ Elihu birye, ayupu ton dukdongobuka nyabuk.

Ayub 36:1 ပူးပေါင်းရင်းမြစ်များ

Ayub 32:6

Yu ubukba, Bus yalanye, el si ara Barakheel birye deiamuknye, el si ara, Elihu birye ayupu nyabuk. Na kwit capuo. Anggunda akunum kele. Nara welnye unun bukni, anggunda akunum nepnulumce, wisi nang ululuma ati, anggun kel weik bikna nang ululume. Ati ara, na tenenun ning ara, ani. ‘Sik awisi nang dam babye nyapnun do? Kum nyapnun do?’ tenina deice arye, narye tenipman ning ara, anggun dam kum nyapmane. Nara, ilil upnukba, alye dakdasa ati, yupu ton min kum nyapsise bukni, wini talak ara, narye tenepman yupu ton nyapnusine.

Ayub 34:1

Elihu birye awinilye nang ati, nyabuk. Anggunda, kel weik bikina arye moubuka teneplumce, aning nirya aweik kunum kel bikamlum nang ululume. Tonda, anggunda aning-aning nirya, deiyok ning akunum bikluma ati, narye anggunti nyapnusin yupu nirya ara, moubuka kekepnululume.

Ayub 35:16

Winilyama ati ara, an Ayub biti nyapkine. Anda tuba-tuba talye yupu nyalyame. Dipkoprob ning ara, Ayub ance yupu weik tonun nyalyam ning nirya ara, moubuka kum tenepmincuk, talye yupu nyalyame. Ayupu nirya ara, Elihu birye Ayub biti, nyabuk.

Ayub 36:2

Narye yupu tonap tabakuka nyapnusina ati, anggun ton moubuka kekepnululume. Weik tonun ton kum nyapnusine. Ara, Allah el ulye ning ati, yupu mitik tonun ton, laka nyapnukina ati, ance ayupu moubuka kekepmince, moubuka tenipnamlame.