Ayub 32:6 - Eipomek

⁶ Yu ubukba, Bus yalanye, el si ara Barakheel birye deiamuknye, el si ara, Elihu birye ayupu nyabuk. Na kwit capuo. Anggunda akunum kele. Nara welnye unun bukni, anggunda akunum nepnulumce, wisi nang ululuma ati, anggun kel weik bikna nang ululume. Ati ara, na tenenun ning ara, ani. ‘Sik awisi nang dam babye nyapnun do? Kum nyapnun do?’ tenina deice arye, narye tenipman ning ara, anggun dam kum nyapmane. Nara, ilil upnukba, alye dakdasa ati, yupu ton min kum nyapsise bukni, wini talak ara, narye tenepman yupu ton nyapnusine.

Ayub 32:6 ပူးပေါင်းရင်းမြစ်များ

Ayub 12:12

Tonda, nunce tenenyaba ara, ‘Nong akunum wisi dananyak nang ara, kel weik bikina ap, tenen ning ap ara, akunum bikinyak,’ tenenyabe. Tonda, keting tamun weik arye, akunum kam ulamik nang ara, aning-aning nirya ati, ‘E, deiyok ara, aniʼ tenen, akunum bikamik. Bukni, anggun na dam yanmalum nang ara, aning babye, min kum biknamlum do?

Ayub 15:10

Na kanye ara, abikupu ning ara, nun unyaba kan-kan ara, akunum min arye nebuka, wisi danamikce, kul potong tikamuk nang ton aulamikce bikamike. Nun babye atonun tenenyabe. Tonda Ayub, an kabul talak ara, an ni koproba kum ulamuk talak, sik akunum ulamikce bikamike. Ati, nun tenenyap touk, nun tam nang ara, weik aunyab bukni, ance tenepminye ning ara, an tonoka.

Ayub 15:7

Ayub, ance, ‘Nara mambul weiknye unune,’ tenepdalum do? Ara, ance, ‘Tukwak mutuku noutam nirya ara, yuk nang kum deiamik talak arye, nara min akunum deiamniknye unune,’ tenelyam do? Tonda, ‘Allah arye atukwak bukuk mutuku kon nirya kum kwepdeiamuk talak arye, nara min kwepdeiamnuk ati, nara mambul weiknye unune,’ tenelyam do?

Ayub 32:2

Bukni, Bus yalanye, el si Barahkeel, elce deiamuknye, el si ara Elihu birye, yupu ton nyabuk. Barahkeel bira, Ram yala nang arye deiamikba, deipdanin yangalamik nang arye, Barahkeel deiamik. Barahkeel birye deiamuknye bira, Elihu, elce yupu tonap dukdongobuka nyabuk. Elihu birye, yupu nyabuka deiyok ara, ani. Ayub birye, ‘Nara diksukumuk wininibuk, Allah arye deiyok kum uamukbuk, ikin ning na deice deipnuk,’ tenebukce, nyabuk. Nyabuka deice arye, Allah ati, si malye kipdeipmanto ubuka ati, el kwit Elihu yu ubukba, Ayub biti wabuk.

Ayub 32:5

Bukni, sik awinilye nang, sik yupu nirya akunum nyabikopura, Elihu kekebukce, ‘Kume, sikce nyanmak yupu ara, Ayub ikin weik unmala ara, ‘Deiyok ara aniʼ tenen, kum laka nyanmake tenebukce, sik anang ati yu ubuk.

Ayub 34:1

Elihu birye awinilye nang ati, nyabuk. Anggunda, kel weik bikina arye moubuka teneplumce, aning nirya aweik kunum kel bikamlum nang ululume. Tonda, anggunda aning-aning nirya, deiyok ning akunum bikluma ati, narye anggunti nyapnusin yupu nirya ara, moubuka kekepnululume.

Ayub 35:1

Elihu birye Ayub biti, ayupu ton dukdongobuka nyabuk. Ayubo, ance, “Nara Allah el dinmalak arye, na malye kum ulamse touk, tuba malye kum unune,” nyapmasilam ara, pia dipkoprob yupu arye nyapmalam do? Pong-pong ana deice arye talye yupu nyapmalam do?

Ayub 36:1

Elihu birye, ayupu ton dukdongobuka nyabuk.

Imamat 19:32

“Tonda dan aik do nirya, anggun bukmunye talak, sik wisi nang babye, wisi kilapu babye, ato nang anggun bukmamunyak yacopura, adiparyuk, tikuka, ‘Telebe,’ nyabuka, kinamlulume. Aning atonun, nara anggun ni Allah ununa ati, ‘Nun ni Allah el si Yahweh, elda weik mambule’ tenen, nati ilil upsilyeba, anggunce na siuk, erenamnulume. Nara Yahweh, anggun ni koproba, Allah arye nyapsine,” nyabuk.

Roma 13:7

Yata deiyok ninye do nirya ati, anggunce, “Amutuku una ati pajak umum areplulume,” nyabikcopura, adiparyuk arenamlulume. Sikce, “Abona dolona ati, pajak tabakna yo bok ton areplulume,” nyabikcopura, arenauk unamlulume. Aning atonun, ninye deiyok nang nirya awininyak touk, ‘Anggunda mambule’ tenen, sik amu tam umunce, sikti, pia moubuka si erenamlulume.

1 Timotius 5:1

Ara, yuk yupu ton nyapnukine. Wisi nang ati ara, mikip arye wenena ap, derelana ap, meme. Aning kum bukni, ‘Anang ara, na ni yapu atonun unyak,’ tenebuka, nimalye arye, “Naio, winina telebe,” nyabuka, peterenalyame.

Titus 2:6

Arup nyapmakin touk, ance sik kam nang ati ara, melibuka peterenamlyame. Ara, sik kanye noutamak patalul ning, ‘Talye luparabuka winipnun,’ tenena kum diparyuk, ‘Malye winibibyak’ tenen, sik wininyak ning ati bita dipdandekirye, sik mining kanye atibuk, diksukumuk unamake. ‘Winibuka unamak’ tenen, ance sik kam nang ati, anyapkanin yupu peterenamlyame.

1 Peterus 5:5

Asurat deice arye, “Yuk nang ati, nimalye arye sik amutamak unamlulume,” nyapmasin touk, anggun wisi danana kum arye, kam nang atonun nang ati, ayupu nyapsine. Ara, sik wisi nang amutamak umunce, sik yupu kekebuka nimalye arye unamlulume. Buku Amsal yupu noutamak sekeipsik yupu aupmala ati nyapsine. Ayupu ara ani. ‘Sik kanye erebuka, dildanyak ninye ara, Allah arye aninye ati bataklirye, sik yupu sekelule. Bukni, sik kanye darabuka, talima nimalye arye amutamak unyak ninye ati ara, bico tenepsilirye, talye luba kibuka melisulule.’ (Amsal 3:34) Ayupu tuba awamsuka ati, anggunce yuk ninye nirya ati, anggun bidamnye kanye darabuka, talima nimalye arye teleb ubuka unamlulume.