Ayub 30:9 - Eipomek

⁹ Bukni, atalak ara, sik aunyak nang arye, na dam yakirye, nati nalibuka akutunikyake. Sikce nati ara, nalibuka malye kinikirye, akutuninyake.

Ayub 30:9 ပူးပေါင်းရင်းမြစ်များ

Ayub 12:4

Bukni, aning babye akunum teninune. Minop talak ara narye Allah ati, “Naio, melipnilyame,” nyabuka, morolamse talak ara, Allah kekepnukce, adiparyuk yanuka meliamnuke. Nara, diksukumuk ulamse ati, yuk nang arye nati, ‘Elce malye winilamuk ning ara, nunce eibupu ning ara, ani, ani,” nyabuka, nati kum nyapnitinge. Malye ning ton, pia kum winilamsiba, Allah arye melilamnuk bukni, wini talak ara, ninye nirya eipnikirye, akutubuka, nati nalipnikirye, akutuninyake.

Ayub 17:6

Wini talak ara, ninye nirya arye, yuk nang kekecak binuka nati, malye yupu nyaninyake. Anggunce, “Moubuka tenipnamlulume, kumopura, Ayub pia imun kanye bobuka ulamu touk upkilyak atia,” nyabuka, nalinikirye, akutuninyake. Ayupu atonun nyaninyake. Tonda, sik anang nirya ara, na dam yakirye, na asok deice maka tululininyake.

Ayub 30:8

Sik anang ara, ninye ton, ‘Aunyake,’ tenen, si kel bikina kum nang ulamik. Tonda sik anang ara, mambul nang kum ati, amutuku nang nirya arye, sikti, ‘Se, sikda talye nang uka,’ tenelamikce, sik anang ulamik mutuku arye, yakdonokamik.

Mazmur 44:14

Sikce winipsika ati, nun dana-dana tam unyak nang nirya eipsikirye, nalibuka akutubuka, malye yupu weik nyasinyake. Diba, nun dana-dana tam unyak nang arye, ‘Israel yala nang ara, dauplye,’ nyabuka, nunti, akutubuka nalisinyake.

Yeremia 20:7

Allah Yahweh ance nati, ‘Kanye bokoltona kum diparyuk, narye nyapdeipnamkin yupu uk, nyanamlyame,’ nyabuka, mikip arye nyapnuluma ati, an nyapniminye yupu uk, nyanune. Anda pia mikip weiknye ulyam bukni, nara mikip kumnye anya arye, ance nyapdeipmaminye ning, aninguk nyanune. Ayupu dobuka, yuk nang ati, binuka nyapnya babye, kum kekebikirye, natibuk malye yupu nyabuka nalinyake. Ara, asum-asum nirya, yuk ninye nirya arye, nati, ‘Elda pia walwal aryuk nyalulnye,’ nyaninyake.

Ratapan 3:14

Na tam nang nirya arye, nati akutulamnike. Tonda, tonok sum noutam nirya ara, batakna kum aryuk, sikce na tonok, mot nyana deice arye, nyek-nyek nyabuka nalilamnike.

Ratapan 3:46

Nun dana-dana tam unyak mal olan nang nirya arye nunti, malye nenesinyakce, nalibuka akutusinyake.

Ratapan 3:63

Na tonok sum arye yukubuka, yupu talininyak ning ara, beren tam arye dipdongobuka atalipmakca ani inilule. Winikirye, sik bukikce talak babye, tikuka banmace talak, mot nyana yupu deice arye, na tonok nalibuka akutuninyake.