Ayub 3:25 - Eipomek

²⁵ ‘Aning ara, na dam yanilyak’ tenen, ilil ulamnuk ninguk, minopce na damak akunum yangalule. Tonda, ‘Se, ikin ning upnilyak’ tenen, ilil ulamnuk ninguk, na damak akunum pirinulule.”

Ayub 3:25 ပူးပေါင်းရင်းမြစ်များ

Ayub 1:5

Akunum kwalibuka dipdopneura, Ayub mapmana beren tam arye bukdopna arye, el mapu sik yuk-yuk ati nukuka, domba basam opnarye, Allah morona ati memepdeiamukak, bobuka uku dalbalamuk. Winilamukce, sik ni Ayub birye tenelamuk ning ara, ‘Na mapu sik mangkau arye malye upmak do? Tonda sik kanye talima noutamak arye, ‘Allah ati mambul kume,’ tenepmak do?’ tenen, amalye winipmanto ning, ‘Winipmak do?’ tenen, aning pununa ati, kam ning obuka, Allah ati arelamuk. Aning ati ara, ‘Narye Allah moropneba, sik Allah dam malye wininyak ning nirya lyepnamle’ tenen, winilamuk.

Ayub 30:15

Ikin weik, na deice yanuka, darapdongopnuke. Na ulamsebuk, si erelamnik ning ara, kum yalirye, mok purye sakuka, maning deice dupmaliba, bobalamle touk uninyake. Tonda, na kanye teleb taleamse ning ara, dua bum atonun yangalya ani, adiparyuk tunim alamle touk ubuka, kum dandopnuke.

Ayub 30:26

Winibuka teleb ulamik bukni, nara, ‘Kanye teleb upnamnile, tonda na deice ara, dirina ninguk unamnile,’ tenyamse. Bukni, na dam ara, kanye imun ninguk yanganulule.

Ayub 31:23

Bukni, arup anyapman ning nirya ara, ‘Allah weik arye wenebuka opnilyak’ tenen, ilil ulamnukba, pia kum winilamse. Tonda, Allah ara pia teleb, Weik Erenanye ulula ati, amalye winin ning nirya kum winilamse. Tonda wini talak babye, malye pia kum wininune.

Ayub 9:28

Winibuka nyaptinye bukni, winipnyopura, na ilil weik unulule. Deiyok ara ani. Na kele, Allah ance na Ayub biti, na wininun ning nirya elinilyama ati, ance, “Elda malye winilulnye,” nyabuka, ‘Weik tonun wenebuka opnamnilyamʼ tenen, kanye ikin unulule. Ati, arup nyapmanu yupu, tonap kum nyanamne.

Yehezkiel 11:8

Tonda, anggun amutuku ululum Israel yala nang ara, ‘Se, nun osinyak nang ara, dan talak yakirye, sik yu parang ya arye opnamsiak do?’ tenen, pia ilil weik usulule. Ati, na Allah arye, aning-aning nirya talibuka, Pia Mikip Weik Deiyoknye unirye, anggun ilil weik tenelamlum ning dobuka, anggun deice deipnamsine. Winipnamsina ati, yuk mutuku yu nang arye, sik yu parang ya dobuka, olyanamsiake. Diba, narye nyapsinyeba, ayu nang arye, anggun dam yanuka mal olyanamsiake.