Ayub 3:24 - Eipomek

²⁴ Anyapmana ara, urdem ati kum nyapne. Deiyok ara, winipmanto ning teleb din ning do, yuk teleb un ning do, na dam ton pia kum yanganulule anya arye, kanye imun pia weik unulule. Ati, ‘Se, na kanye imun unulule,’ nyabuka ngalukunune. Tonda, makau arye mek kwebikiba, langdipmalibuk, dikiltaklamak tonun, kanye imun weik unilye ning ati, ngalukunirye, malye nyanune.

Ayub 3:24 ပူးပေါင်းရင်းမြစ်များ

Ayub 30:16

Wini talak ara, na dipna dam akunum upnuke. Kanye imun ning, na deice akunum yanukba, na kanye talima noutam ara, kum upmanto unune. Ikin weik akunum dopropse ning ara, pia min kum winipmanto upnuke.

Ayub 33:20

Weik uk dilulnye bira, din teleb ning babye ton, ‘Adin ning dobuka diptinyeʼ tenen, patan pia kum ati, aning pia kum dobuka dilule. Piato nyalamle din babye, anye bira adin ning eiplirye, adiparyuk dukmanto ulule.

Ayub 6:7

Winipmanto ara, to nyan ning kum bukni, pia malye din ara, na patana kum ati, pia kum diptinye. Narye adin ning atonun diptinyopura, dukmanto ubtinye. Aning atonun ton, anggunce nyapmanulum yupu ara, kekepnirye, ikin kanye bobuka unune. Ayupu ara, pia kum melinulula ati, tuba kum kekepsitinye.

Ayub 7:19

Se na nio, ance like tonok talakuk, namin kum kipnutumba, talyeuk kum winiptinye do? Tonda, nati, pia tuba-tuba kalikiniminye ning ara, ance nati kalikuka kum dinimimba, alo noutam arye, na maka dipkweteptinye do? Pia kaliknauk tuba unamnilam do?

Mazmur 102:9

Yu nang arye, ‘Anye opnuyabe,’ tenen, pia dinauk uninyak nang ara, asum-asum nirya, nalipnikirye, malye yupu nyaninyake. Nati, malye weik nyanyak nang arye, ‘Yuk nang ati, malye kipdeipnuyap’ tenebikirye, “Anye pia ikin weik uplyeura, nong malye ulamle touk, sik babye atonun upnamlarya!” nyabuka, na amot nyana deiyoknye si deice arye, sunininyake.

Mazmur 32:3

Allah arye melipliba, telebuk wininamak ninye ara, ani. Ara, malye winin ning weik winilamik bukni, Allah Yahweh arye, sik malye winilamik ning ati, akunum kilibukce, sik malye winilamik ning nirya, kum kipdeiamukce, ila tuba tonap aning ati, pia kum tenelule. Dipkoproba, aninye ara, weik kanye deibuka, kil-kil asa arye unamake. Aninye ara, tilila yupu nyana kum aniryuk, tenepce arye winina ap, duknubuka, malye winina ap, pia kum wininyakce, diksukumuk wininyak ninye nirya ara, pia weik kanye delinamake. Bukni, na malye wininye ning, kum laka nyalamse talak ara, atalak noutamak nirya, aninguk tenelamsirye, ikin kanye bobuka ulamsebuk, bol malye weik bolasiba, na mikip kum danin balamnuk. Atalak noutamak nirya ara, pia malye nyabuka, engenauk ulamsirye, bol malyeuk bolamse.

Mazmur 38:8

Deiyok ara, na nakina weik talinulula ati, na nong buppu pia weik unulule. Tonda, na nong pum tam nirya ara, akunum nakina weik dinulula deice arye, pia mitang diamuk unulule.

Mazmur 80:5

Na ni Allah Yahweh ara, aning-aning nirya taliplumce, im deice yin talin malaikat nirya, sik weik deiyoknye ulyamce, an mapu nirya arye anti, “Nun yan melipsilyame,” nyabuka morokinyak ning ati, dan talak arye kekepnamsilam do? Nun malye ulamupu ning ati, Allah ance derepsulum ning ara, yata talak tonap atonun derepnamsilam do?

Yesaya 59:11

Nun nirya ara, ikin weik upsiliba, ilil deice engena ap, tonda bicoto touk, ngalukunauk unyabe. Nunda, ‘Se Allah arye lyepsutue. Elce nun mal olan nang dam arye lopdeisutuba bitibyeʼ tenen, dinauk unyap bukni, aning pia kum eilinyabe. Tonda, Allah arye, nun ikin weik usilye ning ara, kum kipdeipsuturye lyepdopsutueʼ tenen, dinauk unyabe. Bukni, aning nirya ara, kanam kum upsuke. Nunda aning patasiliba, teninyap ning ara, pere sukum atonun ulula anya arye, aning ara talye atibuk teninyabe.

Ratapan 3:8

Narye Allah ati, “Melibuka lyepnilyame,” nyabuka, ngalukulamsirye morolamse bukni, elce na yupu kum kekepmanto ulamnuke.

1 Samuel 7:6

Israel ninye nirya, Misba mutuku bulubuka, wekik talak ara, mek kwebuka kintinibikce, Allah el si Yahweh, el si erena ati, tukwak dikdeibik. Tonda asum ara, din dina kumce, bulang asa unmekce, ‘Allah namin kipnamsil’ tenen, sik malye winilamik ning ati, “Kume, nunce nun ni Allah, el si Yahweh yaniptabuka, dipkoprob pia malye winilamupu ning ara, aning ton, aning ton,” nyabuka, laka nyabikce, aning nirya batakik. Israel ninye nirya arye, Allah ati si erenmekce, nyanmek talak ara, Samuel birye, sik yupu lipsisikuka bokolina deiyoknye kina ati, deiyok kibukce, Allah morobuk.