Ayub 3:18 - Eipomek

¹⁸ “Tonda, mal olan talak olanmaca ani, mikip nang arye ton tam nang nirya obisibikirye, ton nang tomobuka, sik mutuku bobikiba, binuka ukirye, sik amu tam ikin pil dobuka ulamice nang babye, dibicopura, dikdik sena uk unyake. Akunum dibicopura, ikin pil dilamice nang, sik yupu tonap kum kekenyake.

Ayub 3:18 ပူးပေါင်းရင်းမြစ်များ

Ayub 3:17

Malye ulamice ninye dibikiba, weibicopura, tonap tamubuka kum malye unyake. Atonun, weik ikin pil bolamlinye dipliba, binuka weibice talak ara, apil tonap tamubuka kum donyake. Dikdik selbana uk unyake. Dibiceba weibicopura, ikin ning nirya, sik dam kum yatue. Na babye winyamtinye.”

Ayub 3:19

Ninye akunum dibicopura, weik nang babye, bona utotoa talina kum nang babye, atonun wininyake. Tonda, talima erena kumce, pia amu tam unyak nang ara, sik deiyok nang damak batakikirye, telebuk unyake. Sik anang nirya ara, ikin kum unyaka ati, na babye winyamtinye. Atonun, ton nang ara, wenena aik noutamak dongobikiba, imun kanye bobuka bunyak ninye babye, tonda sik anang ati, ‘Bicak’ tenen, bublan dam kalikinyak nang babye, sik nirya dibicopura, tonok sukumuk unamake. Na babye winyamtinye.”

Ayub 39:7

Abai tam keledai basam ara, ninye lelim lelamak sukum ara, pia kum kekenyake. Tonda, kuda basam arye, libuka bobalye ning deice bukuka, balulnye birye, yupu nyalye ning ara, bai tam unyak keledai basam ara, pia kum kekenyake. Akeledai basam ara, bai tam ulula anya arye, asik noutamak unmace ning nirya ara, kum tenelule.

Hakim-Hakim 4:3

Raja Yabin ninye olbana ati, kuda basam lipdakuka, tuku deice balamak ning, kereta kuda yupa ara, sembilan ratus (900) deiamuk. Aning nirya ara, besi kat ning arye domik. Winibika ati, Raja Yabin el mikip weik ulamukce, keting tamun yupa nagup deikin dua puluh tahun (20) deice arye, Israel ninye taleamukce, sik nong deice ikin ning weik delilamukce, yu weik ulamuk. Winilamuka ati, sik Israel ninye ara, imun kanye bobuka ikin weik, ulamik. Raja Yabin ulamuk talak nirya ara, Israel ninye nirya arye malye nyalamikce, Allah el si Yahweh ati, ‘Se na nio, lyepsilyame,’ nyabuka morolamik.