Ayub 29:16 - Eipomek

¹⁶ Tonda, sik talye bona utotoa talina kum nang ati, pia weik tonun melibuka arelamsa ati, nara sik ni koproba atonun ulamse. Tonda, sik ninye asik tikilyangan nang ati, nara wilibuka, sik tamnye atonun ulamsirye, na tam nang ati, “Ninye asik tikilyangan nang nirya ara, teleb kibuka melinamabe,” nyabuka, yupu nyalamse.

Ayub 29:16 ပူးပေါင်းရင်းမြစ်များ

Kejadian 39:19

Akil arye el akanye Potipar biti, ayupu ton laka nyabukce, “Winira, an pil melinanye birye, winipmanil ning ara, biklyame,” nyabuka tilila yupu nyabukura, Potipar kekebukce, yu weik ubuk.

2 Samuel 14:8

Nyabukura, ninye deiyoknye Raja arye, akil ati nyabuk. “Anda, tamubuka, an asik binulyame. Aning nirya ara, narye yupu tenipnirye, anti, ‘Winipnamlyame,’ nyapdeipnamakine,” nyabuk.

Ester 2:7

Mordekai el weit birye deiamuk kilmu, el si ara, Hadasa ulamuk. Awel kil Hadasa, el li ap, el lin ap diamdikba, Mordekai birye, ‘Akil ara, na kilmu atonun unamle. Na aryuk, akilmu melibuka kalikinamne’ tenen, el ap neika ulamikba, Mordekai el mapu koproba, elce deiamne atonun uamuk. Hadasa bira, el urasin ap, el nong ap, pia teleb wel kil ulamuk. Akil tonok bukni, el si ton Ester nyalamik.

Ayub 24:4

Sik amalye wininyak nang aryuk, sik talye bona utotoa talina kum nang ati, “Nun banamap bisik ara, anggun ton abisik ara kum bitume. Anggunda kisikdoplulume!” nyabuka, yupu sekelongonyake. Ato ning weik tonun tuba winiyaka ati, sik bona utotoa talina kum unyak nang ara, ‘Sik yu nang arye, ikin weik ning, nun nong deice deipsicakʼ tenen, sik mutuku noutam ara batakuka, yukak bikirye, dungnubuka unyake.

Ayub 30:25

Tonda, na winilamse ning ati tenipnilyame. Nara kanye imun uplyeba, engelulnye ap, neika bukuka kum engenyama ati do? Tonda, narye aning yala-yala nirya, kum uplyeba, kanye imun kanye bobuka ululnye biti, bico upnilyeba, kum melinuna ati do?

Ayub 31:18

Aning ara, kum winilamse. Aning kum bukni, amapu ara, sik mitik talak arye, sik ni yapu koprop deiamikce nang arye, kalikuka melilamaka atonun, na babye melibuka din arelamse. Aning atouk, na nin deiamnuk talak arye diprongobuka, na kam wel tuba ulamse talak noutamak nirya ara, youwak kilapu ati melilamse. Bukni, aning nirya kum winilamtinirye, kum melilamtinyopura, aning ati Allah arye, wenebuka opnutue.

Ayub 31:31

Sik minop danirye melibuka, na aik pil dolamnik ninye ara, na aik delinun din ning ara, sik dobuka, talye dilamika anya arye, sik din ton, kum patalamuk. Bukni, na pil melin nang do, yuk asik nang do, din patalamuk talak ara, na din ning awamnutu bukni, eibuka bikmatiniryuk, bataklamtinyopura, aning ati Allah arye, wenebuka opnutue. Bukni, aning babye, kum winilamse.

Ayub 31:32

Aning kum bukni, ninye asik nang, na dam yanopura, ‘Anggunda bai tamuk maplulume,’ kum nyalamse. Atalak-atalak nirya ara, na aik bublan kukipnaba, talye mangkau kibuka wekneura, na aik din dibuka manyake. Bukni, anyapman yupu ati, na pil dona melin nang arye, ‘Elda aning kum usulule,’ nyalamniting toura, Allah arye wenebuka opnutue.

Ayub 4:3

Ayubo anda minop talak ulamlum ning, luba kina meme. Tuba tonap pil dolyam ning tenipdenulyame. Ninye yuk nang weik kekelamika ak peterelalume. Tonda, mikip kum mitang ulamuk ninye weik, ance mikip kililamlume.

Mazmur 68:5

Anggun Israel yala nang nirya ara, Allah ati, “Anda pia teleb ulyame,” nyabuka, mot deice arye, el siuk erenamlume. Ara, im deice arye, dua deice bukuka banmalanye, nun ni Allah ati, kanye lon mot nyamunyak arye, el siuk erenamlume! Nun ni koproba Allah, el si ara, Yahweh ulule. Ati, Allah Yahweh el dam yamunyopura, kanye deibuka unamlume.

Keluaran 18:26

Musa birye, sik anang wipdeibukura, Israel ninye kan-kan noutam ulamikce, Israel ninye sik malye una kanam to upne ning ara, sik anang aryuk kekebuka, yupu lipsiskuka bokolilamik bukni, ikin weik upne ning ara, aninye arye bobuka Musa dam binura, Musa birye aikin ning nirya ara, lipsisikuka bokolilamuk. Bukni, Israel ninye arye, sik malye una caknamto ning ara, adeiyok nang dam yanuka, lake nyalamikba, sik anang aryuk, yupu talibuka, lipsiskuka bokolilamik.

Amsal 25:2

Allah ara, weik deiyoknye ulula ati, elce, ‘Aning lakak arye, laka kum nyanamne. Aning ara dungnupnamne,’ teneplyopura, el deiyok aulula anya arye, teleb uka. Winilula ati ara, ninye tukwak ninye nirya arye, elti, ‘Se, elda dipkoprob aning-aning nirya talibuka deice tam Weik Deiyoknye ulule,’ tenekirye, el siuk erenyake. Bukni, ninye tukwak ninye talibuka, ninye deiyok kibuka unyak nang ara, Allah arye duknyamuk ning ati, ‘Se, aning ara moubuka kel biktibye’ tenen, moubuka dipdekirye, ‘Deiyok ani’ tenen, mitik anun arye kel biknin banyake. Wininyaka ati ara, sik amu tam unyak ninye arye aRaja nang ati, kibuka si erenyake.

Amsal 29:7

Teleb ubuka ukirye, dipkoprob ninguk talibuka diksukumuk unyak nang ara, mikip pia kum ninye ap, bona utotoa talina kum ninye ap ati, ‘Diksukumuk ubuka ubirye, aninye ati teleb kilin ning ara, ani-ani,’ tenebuka, moubuka kel bikinyake. Bukni, malye ninguk talibuka unyak nang ara, bona utotoa talina kum ninye ap, mikip pia kum ubuka ulamice ninye ap ara, sik patalamle ning ati, pia kum tenenyake.

Yesaya 22:21

Narye Sebna an ninye deiyoknye bikilina ati ongon baju, bai tam ning ap, deiyatinga ap ara, dopropnirye, Elyakim el deice deipnamne. Ara Raja una ati, bikilina ati baju ap, deiyatinga ap ara, an pil talibuka dominya ara dobuka, el arepnamna atia. Na Allah arye an Sebna biti, ‘Ninye deiyok pil donamleʼ tenen, pil dona deiyok ning areamse ning ara dobuka, anye Elyakim elti, arepnamne. Ati, Elyakim bira, Yerusalem mutuku weik asik noutam unamak nang ap, Yehuda mutuku tam unamak nang ap nirya ara, sik ni koproba atonunye, sik deiyoknye unamle.

Efesus 5:1

Allah arye, anggun nirya ati, ‘Na mapu unyak,’ tenepsilirye, kanye talima melisiliba, anggunda el mapu akunum ululuma anya arye, Allah pia diksukum ulye touk, kel kipmunce, ‘Nun babye, atonun unamap’ tenen, unamlume.

Ulangan 13:14

Nyabikiba, kekebikcopura, ‘Dan sukum arye aning ara wininamak do?’ tenen, moubuka dilbinulyame. Tonda amutuku ulamikce nang ati, moubuka asipdenulyame. Winipmince, anyapman ning, moubuka bikmince, ‘Aning ara, dipkoprob na unun mutuku noutam arye amalye winin ning ara, winipmakeʼ tenen, biknululume.

Yakobus 1:27

Nun ni Allah el kanye ara, ‘Diksukum diba tenena ning, talibuka una ning ara, malye ning nirya tabakuka, una kum ulul ning atia. Winibuka diba tenenyak nang arye, sik teleb unyak ning ara ani. Ara, sikce kwaknamne mapu ap, youwak kilapu ap ati, bico tenebuka melinyake’ tenelule. Tonda, anang ara diba tenena kum ninye arye, talibuka ulamice malye ning atonun ning, pia talibuka kum unyake. Diksukumuk unyake.