Ayub 26:4 - Eipomek

⁴ Ati ara asipdeikine. Yata kelnye birye, anti, ‘Nyapnulyame, nyapnulyame,’ nyabuka, nyapdekukba, adeice arye ance nati, akunum nyapmanilam do? Tonda, yatanye birye, el kanye tenen ning arye, ‘Anda ayupu nyapmince, anye bira peterepnulyame,’ nyapkuka ati, el yupu dobuka nyapmanilam do? Ayub birye, Bildad biti nyabuk.

Ayub 26:4 ပူးပေါင်းရင်းမြစ်များ

Ayub 20:3

Ara, dipkoprob ance nyasilyam yupu yuma deice arye, na kanye ara, na dam malye yupu nyabuka nyanilyama arye, yaninilyama ati, ‘Se yata ati do?’ tenen, malye kanye bopnarye, uapkine. Bukni, narye anyapminye yupu, tamubuka, an dam nyana ati ara, na kanye tenen ning arye, ‘Deiyok ara ani,’ tenen akunum bikmana ati, narye anti tamubuka nyapkitinye.

Ayub 26:3

Tonda, tenipdenulyame. Ance nati, yupu weik tonun akunum nyapmanuluma deice arye, kel weik bikina deiyok yupu arye melinilyam do, kum do? Ance nati, ‘Elda pia walwalnye ulule,’ tenenilyam bukni, kel yupu deice arye min kum melipmanilame. Ance nati, ‘E, teleb winin ning ara, ani. Winibuka winipminyopura, teleb kinamkilarya nyabuka, peterena teleb yupu weik tonun min kum nyapnutume.

Ayub 26:5

Ayub birye el yupu nyabukura, Bildad birye tamubuka Ayub biti, ayupu nyabuk. Akunum diamik nang wekelbanyak mutuku unyak ninye kanya nirya arye, Allah ati tenebikirye, ilil ulirye, yok sirim talilirye, berber anyake. Tonda, tukwak mutuku amu tam, weik mekwen deiamuka ap, amekwen pum tam unyak ning nirya ara, Allah ati tenibuka, lukdakirye, ilil weik ulule.

Ayub 32:18

Ara, na tenenun ning ara, pia tunim abuka, tuba kum unamne. Narye an dam nyapnamakin yupu ara, weik aupmanila ati, ayupu nirya ara, darapdongobuka kum uptinye. Na kanye talima noutam ara, ‘Aning nirya ara, adiparyuk lakak nyapnulyame,’ nyanulula ati, wini talak nyapnukine.

Penghotbah 12:7

Aning atonun, nun ninye nong ara, tamubuka tukwak min kum danmapye talak ap, nun kanya tamubuka el arepsuknye Allah dam min kum binmapye talak ara, nunce Allah atibuk tenenamabe. Ayupu nirya nyapmakina ara, talye ati kume. Ara, ‘Na wisi daniryuka’ tenena meme, kam tuba unmaminye talak aniryuk, Allah diba tenebuka el si erepmince, ‘Allah atibuk tenebuka kentinilinamlyame’ tenen, nyapkine.

1 Korintus 12:3

Winibuka ulaluma ati, narye ayupu nyapsine. Anggunce, ‘Aning ara, Allah arye, yanganmasil do, kum do?’ tenen, piripdelumba, kel biknamtum ning ara, ani. Ara, yata ninye do nirya, Allah El Dib Kanye, el mikip arye, aninye talibuka melilya deice arye, anggunce, “Yesus ara, talinye ulula ati, Allah weneplirye, uku din mutuku dopkwetepnamtue,” nyabuka, Yesus ati malye yupu nyabuka, pia kum yaniptinge. Aning atonun, yata ninye do nirya, talye nang arye, “Yesus ara, dipkoprop, nun Weik Ninye Deiyoknye usulule,” nyabuka, dipkoprop ning kum nyaptinge. Aning ara, Allah El Dib Kanye, el mikip deice melilya deice aryuk, ayupu dipkoprop ning nyaptinge.