Ayub 24:25 - Eipomek

²⁵ Narye arup talak, ‘Awinilul ning nirya ara, winibuka winipnamle,’ nyapmasin yupu nirya ara, anggunce, ‘Aning ara, dipkoprob kum winipnamtue. Anye birye nyapmasil ning ara, talye yupu uk nyanmasile,’ tenepmunyopura, yatanye birye, ‘Aning nirya ara, kum winipmanto ning nyabuka, nong koprop nirya ara, elce laka nyapsutuba, el tenelul ning ara, diba teneptibye do? Na kanye ara, aning ara kum nyapmanto. Arup arye nyapmasin ning nirya ara, dipkoprob nong upnamlarya, nyapsine. Ayupu nirya ara, Ayub ap, Zofar ap arye nyaprike.

Ayub 24:25 ပူးပေါင်းရင်းမြစ်များ

Ayub 25:1

Ninye el si Bildad, elce tonap tamubuka Ayub biti nyabuk. Allah ara, weik tonun erebuka deice tam ulirye, aning-aning nirya talibuka, mikip weiknye ulule. Ati ara, nun tukwak mutuku unyap ninye nirya arye elti, ilil weik unamsile. Allah el mikip weik ati, elce talibuka ululak, im deice tam babye, pia tunim abuka teleb un ning ati kwelilula ati, aning nirya ara, telebuk ulule.

Ayub 6:28

Bukni, wini talak ara, anggunce nati, pia moubuka dipdenululume! Narye anggunti, ton tilila yupu nyasunun do, kum do? Kume, na dam tikmatumbuk, narye anggun urasin eipnirye, tilila yupu kum nyapsitinye!

Ayub 9:24

Na kanye teninuna ara, ani. Atukwak mutuku noutam ara, Allah arye aning nirya dobuka, malye winin nang, sik deice akunum deibuk. Winibukopura, sik ninye yupu bokolina deiyok nang nirya ati, “Aning ara, malye winipnin banamalume. Aning ara, pia teleb winipnin banamalume,” nyabuka, yupu bokolin nang nirya, sik deice ara, asing kun ning arebukba, ninye malye winmakce ning ati, “Anggun malye winipmalum ning ara, ani,” nyabuka, teleb kum kilisinyake. Aning nirya ara, Allah arye aning nirya kum winiplyopura, yatanye birye aning nirya winiptu do? Kume, aning nirya ara, Allah elcuka!