Ayub 23:8 - Eipomek

^8-9 Narye, ‘Allah elda, dan sukum ulul do?’ tenen, el bitinye bukni, elti, keting panalyangan tam babye, keting kumulban tam babye, outam babye, eitam babye elbinamne bukni, kum elbitinye. Na urasin tamuk dipdetinye bukni, atam kum uplyeba, kum elinune. Aning atonun, na tam dipdetinye bukni, atam kum uplyeba, kum elinune. Bukni, atam-atam nirya babye, Allah ara, asukum kum ulule. Ati ara, narye Allah aunmatua babye, narye elti, kum eiptinye.

Ayub 23:8 ပူးပေါင်းရင်းမြစ်များ

Ayub 34:29

Allah arye, ‘Nara tunim abuka diltaknauk unirye, malye wininyak nang, min kum wenepnamane,’ tenebuka utopu ura, yata nang arye sik adeiyok nang ati wenepting do? Tonda, Allah arye, ‘Ninye ara, na wininye ning kum eipnikcakʼ tenen, el urasin duknuptu ura, yata tonye birye, el urasin eiptu do? Tonda, tonok weik mutuku noutam unyak nang arye, Allah eipting do? Akumopura, tonoknye biryuk, Allah el urasin eiptu do? Kume, ara kum winipmanto.

Ayub 35:14

Ati ara, Ayub ance mania kanye bobuka, pia talye-talye yupu nyaminya deice arye, “Allah ara kum elinune. Na dam yanuka kum melinulule. Tonda, nara ikin weik ununa ati, ‘Allah arye, dan talak aning nirya eibuka, na melibuka lyana ati, na dam yanuka melipnamnil do?’ tenen, tuba-tuba dinauk unune. Tonda, dan talak, Allah arye na dam yanuka, diksukum ubuka, yupu bokeipnilirye, tonap teleb kilinamnil do?” nyabuka, malye nyalyame. Ati moubuka tenipnulyame. Sik talima erepdakirye, maknya kintinibuka wininyak nang arye, Allah ati morotinga babye, sik malye un ning ati kum kekelule. Sikda mitikto malye wininyake. Bukni, ance pia malye yupu nyalyama ati, anda malye weik winilyame.'’ Ati, ance Allah ati pia talye-talye yupu ara, tuba-tuba nyalyam bukni, dipkoprob Allah arye, pia kum kekenamkile.

Ayub 9:11

Allah arye, na Ayub urasin dam yanukba, narye el nong ap, urasin ap ara pia kum eipse. Aning atonun, elda, na dam yalirye, otam banmaliba, narye el ton eibuka kum bikse.

Mazmur 10:1

Se, nun ni Allah Yahweh, yata deiyok ati, ance nunti yukak tikmanalimne, kum melisilyam do? Tonda, yata ati, nun ikin weik unyap talak ara, ance yanuka kum melibuka lyesilyam do? Winipmanto ara, anda duknupmamince, luba kiltakasinauk winisilyame.

Mazmur 139:5

Aning atonun, Allah ance nati, atalak-atalak nirya, ‘Malye ning arye, na mi ati, malye kipdeiplyak’ tenen, warikuka antanap dongopnimince, kalikinilyame. Tonda Allah an mikip weik deice erebuka umince, na melina ati, an taruk arye, na nong deice talipnulumba, nara an amu tam, teleb ubuka unune.

Yesaya 45:15

Yeremia birye nyabuk. Sik Mesir mutuku nang ap, Sudan mutuku nang ap, Syeba mutuku nang ap nyanamak yupu ara ani. “Israel ninye si erenyakba sik lyelul Allah ara, laka kum ulule, elda duknubuka ulule.

1 Timotius 6:16

El tonok ara, kum diptue, pia kamuk unamle. El ulya ara, ninye tukwak ninye kum binmanto ak, weik dirina noutam ulule. Yata mutuku ninye do nirya, el nong pia kum elilamik, tonda, pia kum eiptinge. Na Paulus arye nyapmakine. Na pia patanulul ning ara, ninye mutuku-mutuku nirya, el siuk pia erenamake. Tonda, el weik mikip arye aning-aning nirya ap, ninye nirya ap, talibuka unamle. ‘Aning ara, dipkoprop upnamle’ tenen, Amin nyapne. Na Paulus arye sekeibkine.