Ayub 23:4 - Eipomek

⁴ Neika epdanimirye, na unun ning ap, na teninun ning nirya ara, Allah el dam binuka, laka nyaptinye. Nara el dam bitinirye, na si bambol deice arye, “Naio, nara malye kum wininune,” nyabuka, yupu weik nyaptinye deice arye, Allah ati asinibuka laka nyaptinye.

Ayub 23:4 ပူးပေါင်းရင်းမြစ်များ

Kejadian 32:12

Ilil upmanil bukni, ance nyapnulume. “Na dipkoprob nyapkine. Weik arye melipkinyebuk, an unalam ning nirya ara, telebuk winipdeipnamkine. Tonda, narye melipkinibuk, ance deipminba, dadeipdanin banamak ninye ara, weik laut kup-kup keil wininga nukmanto kum ulamle touk, an yala nang babye atonun unamake. Nyapnuluma anya arye, anti moropmakine.” Yakub birye, Allah ati nyabuka morobuk.

Ayub 13:18

Na nyapnamakin yupu nirya ara, ‘Aning nyapnun do, aning nyapnun do?’ tenen, moubuka teneipsirye akunum kintinipse. Na kanye ara, ‘Aning nirya laka nyapnyopura, Allah arye kanye deipnilirye, ila tamubuka teleb kilinamnile,’ tenenune. Malye ton kum ununa ati, Allah arye kekepnilirye, “Elda malye ulule,” nyabuka, ‘Kum wenepnamnile,’ tenenune.

Ayub 13:3

Bukni, na weik patanulul ning ara, ‘Allah dam nyaptinyeʼ tenen, patapnile. Allah pia deice tam erebuka, aning-aning nirya talibuka, pia mikip weiknye ulula ati, ‘El dam ara, “Na ikin unulul ning ara, yata ati na dam yanmanil do?” nyabuka, na yupu nyaptinye,’ tenenune.

Ayub 23:3

Se, ‘Allah el ululak ara dan do?’ tenen, na kel bikamtinye toura, na kanye deipnutue. Tonda, ‘Na adiparyuk el ululak kel biktinirye, el dam bitiniba epdatinimnye,’ tenenune. Utenenuna deice arye, elti, weik tonun patanulule.

Ayub 23:5

Aning nirya laka nyaptinyopura, Allah elcuk nati, tamubuka nyapnutu yupu uk, moubuka kekeptinirye, ‘E, nyapnilʼ tenen, kekebuka kel biktinye. Allah arye na dam yata yupu tamubuka nyapnutu yupu ara, ‘E, ayupu nong ara, anyeʼ tenen, na kekepnirye, ‘Deiyok ara, anyapmanileʼ tenen, biktinye.

Ayub 37:19

Allah arye nunti wenebuka, yupu bokeipnamsil talak ara, el dam nyan yupu ara, ance nunti, “Ayupu tamubuka nyapminyopura, kekepnululume,” nyabuka, peterepsutum do? Nunce, ‘Atalak ara, yata yupu nyaptibyeba, kekepsutu do?’ tenen, pia kum bikupu. Aning nirya ara, nunce kum biktibye ati, aning kum laka nyaptibye. Na kanye ara, an babye, aning nirya pia kum teniptume.

Ayub 40:2

“Ayubo, anyapnukin yupu ara, kekepnilyame. Nara, aning-aning nirya talibuka deice tam unirye, Erena Deiyoknye, mikip weiknye ununa ati, anda ninye sirika bukni, ‘Allah ara, malye winipmal’ tenen, mania kanye bobuka, na dam wenebuka asipdenutum do? Ati ara, anda na dam yaminyeba, narye asipdenamkin ning ara, ance, ‘Nong ara ani,’ nyapnamnilyame,” Allah arye nyabuk.

Mazmur 25:11

Se, na ni Allah Yahweh, yuk nang nirya arye, anti, ‘Se, el si ap, elce winiulul ning ap ara, pia mambule,’ tenenamakʼ tenen ati, narye malye weik ulamse ning nirya luba kipnimince, ‘Kum kipdeipnamnilam’ tenen, morokunune na nio.

Mazmur 43:1

Na ni Allah, anti diba kum tenekinyak ninye arye, nati tilila minina yupu nyaninyaka ati ara, ance yanuka melipnilyame. Allah anda, na tam kipmince, nati, ‘Optibye,’ teneninyak ninye ap, tonda minin yupu nyaninyak ninye ap, malye winin ning weik wininyak ninye ap, nirya ara, ‘Allah ance kum daneipnamlyame’ tenen, moropkine.

Yesaya 43:26

Anggun ap, na ap arye, neika tenipdenamabe. Anggun minop talak malye winilamlum ning ara, tuba tonap tenipdenamabe. Anggun malye winilulum ning ara, yupu neika talipnamabe. Anggun Israel ninye arye, ‘Kume nun malye una kumce, telebuk ulamupu,’ nyapnumunyopura, kekepnamsine. ‘Nunce malye winin ning tonok babye kum winilamupu,’ nyapnutumba, kekepsitinirye, ‘Dipkoprop ulamike,’ teneptinye bukni, aning kum nyapnutume.