Ayub 19:22 - Eipomek

²² Tonda, na kayapu ati nyanune. Allah arye na dam ikin ning delinulula atonun, na kayapu sik babye, ‘Elda diplyopura, kum tenenamabe. Luba kipnamabe. El ti weik arye wenenamabe’ tenen, na dam ikin ning tabakuka delinumunye ning ara, yata ati do? Allah ati nyalamse. “Ance tamubuka, na deice ikin ning deipnulum ning ara, aning akunuma, tenepse bukni, na kam uning babye, dopropnamnilam do?” nyabuka asipdese. Ati, anggunda na kayapu nang, anggun babye aning atonun, tenenululum do?

Ayub 19:22 ပူးပေါင်းရင်းမြစ်များ

Ayub 10:16

Bukni, wini talak ara, na akunum malye upniba nong upnilyopura, ance, ‘Anye akunum malye unmal do?’ tenen, yata talak do nirya, ance pia nati ebuka dobolbalamnulume. Winipmanto ara, bai tam yu weik ulamlye pus, el si singa arye, ilil kum aryuk, ‘Yata ning ton obuka diptinyeʼ tenen, malye kanye bobuka, dobolbalula atonun unilyame. Tonda, winipniminyopura, ‘Anye biti, ikin ning el nong deice deipnamaneʼ tenen, an mikip weik deice arye, mambul ning na dam deliniminya deice arye, wenebuka onilyame.

Ayub 13:24

Se, na nio. Anda yata deiyok ati, na duknunimince, na dam yanuka, pia kum melinilyam do? Tonda, yata deiyok ati, ance nati, ‘Anye bira, lik tenenilyamce, malyeuk winilula ati, elti, weik wenebuka opnamne,’ tenenilyam do?

Ayub 13:25

Winipmanto ara, yo bok kolupmalya ati, koulupmalye ning, kum mikip doplirye, ayo bok dakuka bobiliba, anda yata deiyok ati, talye koulubuk yo bok ati, ilil weik ning arenamlam do? Aning atonun, gandum duk teikikceba, sung-sunga saklyeba, kum doplirye, asung-sunga bobalamle touk, ance talye sung-sunga ati, ‘Dopnunʼ tenen, dobolbinuka dolbinutum do? Aning atonun, na babye mambul pia kumnye bukni, yata deiyok ati, ance tuba dobolbinimince, wenenilyam do? Tonda, yata deiyok ati, ance na dam winipniminba, lukdanuka ilil upnilirye, ‘Se yukak bikbik abuka binirye duknuptinyeʼ tenen, unun do?

Ayub 16:11

“Winibuka malye yupu nyabuka, oninyaka ati, na kanye ara, Allah elce na bobuka, sik pia malye unyak nang deiceuk, bobuka akunum nyapdeipnuke. Tonda, Allah arye na dobuka, pia malye kibuka malye unyak nang, sik dam bininuka bataknuke.

Ayub 19:28

Bukni, anggun na kayapu nang arye, nati, “El malye ulamuka deice arye, tuba-tuba ikin ning, el deice yangaliba dololule,” nyabuka dobonululume. Nyanululum bukni, anggun babye pia malye-malye un ninguk tenebuka, winilulum nang anya arye, ‘Aminyan talak ara, Allah arye nun ton wenepsilyak’ tenen, ilil asa unamlumca.

Ayub 19:6

Aning atouk tenenumunya ati ara, kekepnululume. Allah arye, na dam ikin ning akunum deipnuk ning ara, el wena youlamle atouk upnuk. Winipnuka ati, Allah aryuk, nati, ‘Malye ubuke,’ tenepnukce, ikin ning na nong deice deipnuke. Deiyoknye bira, el tonoka.

Ayub 2:5

Ati winipmanto ara, Ayub el nong deice malye winipdeipminyeura, dipkoprob an si kum erepkutue. ‘Allah arye malye kipdeipnila ati, elda malinye,’ nyabuka, an damak malye yupu nyapkuturye, adiparyuk batakutue,” Isa Mutuku Dongonye arye, Allah ati nyabuk.

Ayub 30:21

Allah ance nati, tuba kum bico tenenilyame. An weik tonun yu upkilyeba, an taruk mikip arye, na deice ikin weik ninguk delinilyame.

Ayub 31:31

Sik minop danirye melibuka, na aik pil dolamnik ninye ara, na aik delinun din ning ara, sik dobuka, talye dilamika anya arye, sik din ton, kum patalamuk. Bukni, na pil melin nang do, yuk asik nang do, din patalamuk talak ara, na din ning awamnutu bukni, eibuka bikmatiniryuk, bataklamtinyopura, aning ati Allah arye, wenebuka opnutue. Bukni, aning babye, kum winilamse.

Mazmur 69:26

Winipminba, aninye sik aik dobuka, unyak mutuku nirya ara, oldemuk uplirye, bipla papnamle. Amutuku noutamak ara, aik ap, ninye ap, ton pia kum unamake.

Mazmur 69:27

Na ni Allah, aning ara, talye ati kum nyapkine. Deiyok ara, an mapu dib tenebice nang ati, “Malye upmale,” nyabuka, nun nong deice ikin ning deipsikirye, nalibuka akutusinyak nang ara, sik wenena ati, ikin ning delilyame. Tonda, an mapu wenepminba, sik nong deice ikin ning ulul ning ati, amalye wininyak nang arye, akutubuka malye nyasinyaka ati, ‘Aninye ara, weik arye wenepnalam’ tenen, moropkine.

Yesaya 51:23

Narye minop talak, anggun ikin upnaba, kanye imun kanye bobuka ulamsuk ning nirya ara, narye dopropnirye, anggun nong deice ikin ning delilamsik nang, anggun mal olan nang ati ara, sik deiceuk aning tamubuka deipnamne. Ara, anggun oldana ati yangalamik nang arye, anggunti, ‘Tuku deice mapmunyeba, anggun nong deice yanibuka binuyabe,’ nyabuka, anggun deice yanilamsik yu nang ati, narye wenepnamne. Sik anang arye, anggunti, ‘Tuku deice mapmunyeba, anggun nong deice yanibuka binamsiyabe,’ nyabika deice arye, winipmanto ara, anggunce tuku deice mapmunye talak ara, sik ayuk mutuku nang arye yanuka, anggun deice yanipdongopsike. Anggun deice ara, talye tuku bisik deice atonun ubuka, anggun nong deice yanibuka balamik. Bukni, wini talak ara, anggun Israel nang ati, ikin weik ulamsuk ning nirya ara, dopropnirye, anggun yanilongolamsik nang ati, sik deice deipnirye, weik tonun wenepnamne

Mika 3:3

Tonda, winipmanto ara, anggunce na mapu koproba Israel yala ninye ati, sik tup noutam, aubuk ning dobuka, dipnumunye talak ara, sik aninye nirya ati, yok cebuka batakmumce, sik tup kulolulume. Tonda, sik bol nirya sekuka, batakalulume. Winipmanto ara, basam tup toubukabikirye, makau pum bisik dongolamak touk winilulume. Aning atonun, basam toubuka mitik-mitik kibuka, yangalin ning, el si ara kuali deice arye, dabuka dilamak touk, anggunce na mapu koproba ati, winibuka dilulume.