Ayub 19:18 - Eipomek

¹⁸ Tonda, bisik banmace mapu arye, na bisik banmanye talak ara, tong kekepnikirye, yep-yep aninyake. Tonda, natikniba eipnikirye, akutuninyake.

Ayub 19:18 ပူးပေါင်းရင်းမြစ်များ

2 Raja-Raja 2:23

Elisa birye amutuku batakuka, bobinmoka tamubuka Betel mutuku yanamoka ati, bisik yanganmokba, amutuku mapu eibikce, “Dilou, dilou yanmale. Dawelebinulyame,” nyabuka nalilmikce akutunmek.

Ayub 19:17

Weik uk dinulula deice arye, ton nyaniliba, na kil babye, na tong kekepnilirye, dukmanto ulule. Tonda na kayapu nun tonok mun pum tam sakamupu nang babye, ‘Anye bira nun lik’ tenen, sikce na damak kum yanganyake.

Ayub 19:19

Na kayapu koprop, narye sikti, bico tenelamse nang arye, na ikin weik wamnuk talak arye, deiyok koubuka, wini talak babye, nati ton bico kum tenenikirye, ‘Anye bira nun lik’ tenen, yuk tam kibuka banyake. Sikce natibuk, yanininyake.

Ayub 30:1

Bukni wini talak ara, amutuku unyak wel nang arye, nati nalibuka akutunikyake. Min talak ara, narye sik ni yapu ati, dipdesirye, ‘Kume, sikda pia malye nang unyaka ati, sikda na domba basam wein dam ara, kam ap neika kum uptinge,’ tenelamse.

Ayub 30:12

Na diksukum babye, sik malye winin nang ara, yupa weik tikilyakirye, olyanganinyake. Sik amalye nang arye, na opnikceba, sakuka poulbanak babye, ‘Anye yatu obibyeba, asukum poulbinamale,’ tenepmakirye, nyapmace sukumuk, sakuka poulbalule.

Mazmur 50:20

Tonda, anggun du yapu nang koproba ap, anggun weit capu koproba ap ati, pia malye yupu nyabuka, sik deice nyalulume. Ara, anggun babye, anggun ni yapu arye deiamik mapu, anggun yala nang koproba ati, malye yupu nyalulumce, sik nong deice ara, ikin ning delilulume.

Yesaya 3:5

Wininamak talak ara, amutuku noutam unamlum nang ara, yanipsiceba, ikin weik unamlume. Ninye deiyok nang arye, yuk nang ati, yupu nyabicopura, aning nirya ton, kum kekepdakirye, sik yupu ara, talye yanilanuk unamake. Aning atonun, ton tam nang arye, sik dam unyak nang ati, yanilanuk unamake. Anggun mutuku mapu arye, anggun mutuku wisi nang ati, ‘Sik wisi nang arye, nyalamsice yupu ara, kum kekenamake. Anggunda, talye nanguk ululume,’ nyabuka, malye yupu nyanamake. Tonda, pia amu tam ukirye, malye-malye unyak nang arye, sik pia teleb, diksukumuk unyaka deiyok nang ati, malye yupu nyabikirye, ‘Anggunda mambul nang kum ululume. Sikda bataknyapeʼ, nyabuka nalinamake.