Ayub 17:6 - Eipomek

⁶ Wini talak ara, ninye nirya arye, yuk nang kekecak binuka nati, malye yupu nyaninyake. Anggunce, “Moubuka tenipnamlulume, kumopura, Ayub pia imun kanye bobuka ulamu touk upkilyak atia,” nyabuka, nalinikirye, akutuninyake. Ayupu atonun nyaninyake. Tonda, sik anang nirya ara, na dam yakirye, na asok deice maka tululininyake.

Ayub 17:6 ပူးပေါင်းရင်းမြစ်များ

Kejadian 31:27

Yata deiyok ati, kunusa kibuka, na batakuka duknupmalamce binmamu do? Yata ati, ‘Binamane,’ nyabuka, laka kum nyapnulum do? Aning nyapmanutum toura, nun nirya arye anggunti, “Telebe dabilulume,” nyabuka, dopdeipsitinye. Tonda, kanye deibuka, mot sebuka, bung-bung ana, el si ara kecapi arye, mot sebuka bokdeipsitibye.

1 Raja-Raja 9:7

Anggun wenena ati wininamsin ning ara ani. Ara, narye na mapu Israel ninye ati, ‘Amutuku unamlume,’ nyalamsirye areamsise mutuku ara, tuba tamubuka dopropnamsine. Tonda ance dopnulum aik, ‘Na mambul weik aik unamle. Anyaik pum tam ara na si erenamniyakʼ’ tenen, na si anyaik deice akunum deipman bukni, anggunce na bataknumunyopura, na babye anyaik arye batakuka bindopnamne. Winipniba, ninye yuk mutuku nang nirya arye Israel ninye ati, malye-malye nyabikirye, nalibuka akutunamake. Tonda Israel ninye ati, ‘Anggunda talye nang dem,’ nyanamake.

Ayub 12:4

Bukni, aning babye akunum teninune. Minop talak ara narye Allah ati, “Naio, melipnilyame,” nyabuka, morolamse talak ara, Allah kekepnukce, adiparyuk yanuka meliamnuke. Nara, diksukumuk ulamse ati, yuk nang arye nati, ‘Elce malye winilamuk ning ara, nunce eibupu ning ara, ani, ani,” nyabuka, nati kum nyapnitinge. Malye ning ton, pia kum winilamsiba, Allah arye melilamnuk bukni, wini talak ara, ninye nirya eipnikirye, akutubuka, nati nalipnikirye, akutuninyake.

Ayub 17:2

Tonda, na dana-dana tam nirya ara, sik yuk nang arye nati, malye yupu weik nyaninyake. Ara, “Elda malye ululnye ati, mereukuka ikin weik ukulule,” nyabuka, nalipnikirye, akutuninyake. Anggunce nati, ‘Winilulnye,’ nyabuka, luluninyak ning ara, ‘Yata yupu ton tabakuka nyapnamniak do?’ tenen, akunum narye moubuka, eipnirye kekenune.

Ayub 30:10

Wini talak ara, narye sik dinye talak ara, sikce nati, yu uplirye, ‘Elda malye tonye biti, malye ulule,’ nyaninyake. Utenekinirye, na eipnikce talak ara, talye lubakibuka, na asok deice maka tuluninyake.

Ayub 30:9

Bukni, atalak ara, sik aunyak nang arye, na dam yakirye, nati nalibuka akutunikyake. Sikce nati ara, nalibuka malye kinikirye, akutuninyake.

Mazmur 44:14

Sikce winipsika ati, nun dana-dana tam unyak nang nirya eipsikirye, nalibuka akutubuka, malye yupu weik nyasinyake. Diba, nun dana-dana tam unyak nang arye, ‘Israel yala nang ara, dauplye,’ nyabuka, nunti, akutubuka nalisinyake.

Mazmur 44:15

Tonda nun ni Allah, ance bataksulumba, yuk mutuku yu nang oplopsika ati, sik yuk-yuk pera mutuku nang, anti kum bikamik nang babye, “Se, sik Israel nang ara, weik imun kanye bon ning dopropmik touk, ‘Nun babye atonun upsilyak’ tenen, ilil usulule,” nyanyake. Ara, anda Allah ati, kum bikamikce, an si kum erenyak nang babye, nun Israel yala nang ati tenepsikirye, ‘Se, Allah arye anang ati, weik arye wenepnusil’ tenen, ilil usulule.

Mazmur 69:11

Nara, Allah antibuk, din dina kum deice arye, engenauk unirye, an si erenauk unune. Bukni, wininye talak ara, sik malye wininyak ninye nirya arye, “Anye bira, yata ning ati ulul do?” nyabuka, akutupnikirye talak, doninyake.

Yesaya 5:12

Sik anang arye, weik kwalya kwalibuka dinmace talak ara, mot sena ati, lelim len ning, el si kecapi ap, gambus ap, tonda rebana ap, suling ap onmakirye, kanye wangalamak mek, anggur mekuk dinyake. Wininyak deice sikce, ‘Se, nun ni Allah Yahweh, elce amambul pil donamleʼ tenen, sikce elti, moubuka bita tenebikirye, el taruk arye mambul pil dolamuk ning ati, si kum erenyake.

Bilangan 12:14

Atalak ara, Allah el si Yahweh arye Musa biti nyabuk. “Winipmanto ning ara, el li birye el kilmu asok deice, maka tulupdeiptopura, like tekbarye alye kum uptu do? Aning ati ara, Israel ninye anggun doltakna aik dam arye batakuka, el yuk bai bilirye unmalye buk, like tekbarye sum akunum uplyopura, ila tamubuka, anggun asik damuk tamubuka yatue. Ara, el wenena ati nyapne,” Allah arye nyabuk.