Ayub 16:20 - Eipomek

²⁰ “Atalak ara, na kwitcapu nang koproba arye nati, ‘Kume el Ayub bira, dipkoprob malye weik winilamuka ati, Allah arye wenelule. ‘Aning ara, mereukuka ikin weik ulule’ tenen, yap-yap nyabuka akutubuka, nalininyake. Wininikceba, na asok erebuka, Allah ati, ‘Melipnilyame’, nyabuka, engena deice arye, na asing meka weik sakanilirye, Allah ati pia moronune.

Ayub 16:20 ပူးပေါင်းရင်းမြစ်များ

2 Raja-Raja 20:3

Raja Hizkia engen dol-dol deice arye nyabukce, Allah ati morobuk, “Na ni Allah Yahweh, ance nati tenepnulume. Na nimalyap arye, kanye amu tam kibuka unirye, antibuk tuba talikunune. Yuk talye ning ati, si pia kum erelamse. Tonda, ance nyapdeipsulum yupu uk, moubuka talipsirye, an piluk akunum donune. Tonda, na ni Allah, yuk ning tenina kumce, an teneminye piluk, pia pi deibuka donune,” nyabuka morobukce, engenmok.

Ayub 16:16

Nara pia engena uk unyeba, na asok ara, ining bi kinulule. Tonda, na asok bola ara, sukubuka nena uk unulule.”

Ayub 16:21

Winipmanto ara, ninye tonoknye ton, el kwit koproba ati, kwa dipdanuka, yupu sisikuka wilalamak touk kibuka, ‘Allah arye nati, yupu melibuka sisikamnutum’ tenen, patanulule. Aning atonun, im deicenye birye, na melina ati, atalak aryuk, Allah el damuk binuka, na malye kum winilamse ning lak nyaptuba, ‘Allah aryuk nati, teleb yupu nyapdeipnuturye, kanye arye tonap teleb kipdeipnutue’ tenen, patapnile.”

Ayub 16:4

Dipkoprob anggunda, na ikin unye touk winilamtum toura, anggunce nati nyanululum yupu nyapsitinye. Tonda, nara anggun atonun ulamtininye toura, Anggunce, wenen yupu nyalulum atonun nyapsitinye. Tonda, narye ‘Moubuka ikin unamak’ tenen, dipkoprob na kisok kwakdu-kwakdu nyapnirye, narye wenen yupu weika arye, anggun dam nyapdeipsitinye.”

Ayub 16:7

“Bukni wini talak ara, Allah elce na deice ikin weik tonun akunum deipnuba, na nong ara, pia namin upnuka ati, pia kum winipmanto unune. Aninguk kum bukni, Allah arye na mapu silip nirya ara, akunum obuka, kum kipdeipnuke.

Ayub 17:2

Tonda, na dana-dana tam nirya ara, sik yuk nang arye nati, malye yupu weik nyaninyake. Ara, “Elda malye ululnye ati, mereukuka ikin weik ukulule,” nyabuka, nalipnikirye, akutuninyake. Anggunce nati, ‘Winilulnye,’ nyabuka, luluninyak ning ara, ‘Yata yupu ton tabakuka nyapnamniak do?’ tenen, akunum narye moubuka, eipnirye kekenune.

Ayub 17:7

Wininyaka ati, na kanye imun unilyeba, ikin kanye bobuka unirye, engenuna deice arye, na asing ara kupnuke. Tonda, na nong bol nirya ara, malye bol bopse ati, na nong ara, kanya atonun unulule.

Ayub 19:13

Tonda, Allah arye ikin ning na deice deipnuka deice arye, na kwit capu ap, na du yapu ap ati ara, Allah arye yuk nang atonun updeipnuke. Ara, na kwit capu ap, na du yapu ap, na kayapu nang, yuk nang nirya ara, sik nirya arye bataknikba, na yuk ninye asiknye atonun unune.

Ayub 23:3

Se, ‘Allah el ululak ara dan do?’ tenen, na kel bikamtinye toura, na kanye deipnutue. Tonda, ‘Na adiparyuk el ululak kel biktinirye, el dam bitiniba epdatinimnye,’ tenenune. Utenenuna deice arye, elti, weik tonun patanulule.

Mazmur 109:4

Na ning ara, aning ati, bico tenebuka telebuk unun bukni, sikce nati, minin yupu weik arye nyaninyake. Tonda, sik ikin uplye talak ara, narye, ‘Anda Allah arye, anang melipnamlam’ tenen, sikti, Allah moronune.

Mazmur 142:2

Na weik yupu deice arye, “Na ni Allah Yahweh ati, “Melipnilyame,” nyabuka moronune. Moronirye, na nyanun yupu deice arye, “Se, Yahweh, ance melibuka lyepnilyame!” nyabuka moronune.

Ibrani 5:7

Yesus ara, tukwak mutuku noutamak ulamuk talak ara, elce el dipnamuk ning ati tenebukce, el lyepmantonye Allah ati morobuke. Elce morobuka ara, “Naie, ance melipnilyame,” nyabuka, asing maka deice ap, weik malye nyana ap deice arye morobuke. Morobukce, el Yesus ara, ‘Allah ara, weik mambule anya arye, elti, si kipnirye, el amutamuk pia unamne,’ tenelamukce, talima naminye ulamuka ati, Allah arye, Yesus morobuk yupu kekebukce melilamuk.