Ayub 16:15 - Eipomek

¹⁵ Allah arye na yanuka, pia olyangana uk unilya ara, narye, ‘Se’ tenen, pia malye kanye bopnarye, ‘Yuk nang arye, na ikin unilye ning biknamak’ tenen, lakina ati, malye baju, el si karung koni baju, wibuka ongopnarye, sice buta deice uk, bai tam banune. Nara mikip namin akunum unune.

Ayub 16:15 ပူးပေါင်းရင်းမြစ်များ

Kejadian 37:34

Yakub engenmokce, mambul kanye bopmukce, el baju kwiliklobukce, ‘Na mi Yusup akunum dipmale’ tenen, atalak weika arye engena ap, malye kanye bona ap, pia unmok. Tonda, amutuku ninye arye, ‘Yuk nang eipsikirye, ‘Se, sikda ninye dipmaka ati engenmake,’ tenenamsiyak’ tenen, ongolamik baju ton, Yakub birye ongobuk.

1 Raja-Raja 21:27

Ura, Elia birye, Raja Ahab biti, Allah arye nyapdeipmok yupu laka nyanmok talak ara, anang nirya kekenmekbuk, Elia birye akunum nyapdeibukopura, Ahab kekebukce el baju ongopmok ning kwiribuka batakukce, pia malye baju dobuka, el nong deice kalupdayuk. Winibuka deiyok ara, ‘Na akunum malye upse,’ tenen, ilil kanye bobuka lak kibuk. Winibukce, malye kanye bobuka, din dina kumce, din bulung uk unmok. Tonda asum arye deiyok koubuka, bisik banmok talak babye ara, malye baju aryuk ongopdongobuka, ‘Nara dipkoprob pia malye ulamsinye’ tenen, ilil unmokba, bouku sukubukba unmok.

Ayub 19:9

Winipnuk talak ara, na bolamse ning ap, talilamse ning nirya ara, Allah arye dopropnuke ati, yuk nang arye na si erelamse ning ara, akunum bataknike. Allah arye winipnuk deice, na si babye malye updeipnuke. Ati wini talak ara, yuk nang nirya arye nati, ‘Elda mambulnye,’ kum teneninyake.

Ayub 30:19

Allah el mikip arye na dobuka, donoknukba, bental pum bisik wekse. Nara talye bama bataklamaka atonun winipnuke! Tuba buta ap, uku sice buta ap, batanyaka atonun, akunum winipnuke!

Mazmur 69:11

Nara, Allah antibuk, din dina kum deice arye, engenauk unirye, an si erenauk unune. Bukni, wininye talak ara, sik malye wininyak ninye nirya arye, “Anye bira, yata ning ati ulul do?” nyabuka, akutupnikirye talak, doninyake.

Mazmur 7:5

Atonun, na ni Allah, an minop tikuka kintinipmince, nati melibuka kalikinamnilyame. Ance, ‘Aning ara, wininamlume, aning ara, pia kum winipnamlume,’ nyapdeipsulum yupu deice arye, na ikin unilye ning ati, yupu lipsisikuka bokeipnamnilame. Atonun, na kwit koproba arye, teleb kipdeipnuk bukni, narye tamubuka elti, malye wamtinyetopura, nati wenepnamnilame. Tonda, deiyok kum wamtu buk, na mal olan nang, sik talilamik ning, narye akunum alubuka dolamtinye toura, nati wenepnamnilame.

Mazmur 75:10

Bukni, na aMazmur yupu sekman anye bira, nun ni koproba Allah arye, apil donamle ning ati, weik yupu deice arye, ‘Anda pia telebe. Ati, pia mambul pil dosulule,’ nyabuka, tuba-tuba el siuk erenamne! Diba, nun apu koproba Yakub birye, si erelamuk Allah ati, narye ton, ‘Anda pia telebe,’ nyabuka, el siuk pia erenamne.

Mazmur 75:5

Tonda, na Allah arye, sik mandipna kanye bobuka, kwalinyak nang ati, “Anggunda mania kanye bona ap, maknya kintinin yupu nyana ap, pia meme. Aning ara, tuba kum nyanamlume,” nyapse. Tonda, narye, ‘Aning wininamlume. Aning ara, pia kum wininamlume,’ nyapdeipsise yupu yanibikce nang ati ara, narye nyapse. “Anggun babye, anggun mamun atibuk, ‘Nunuk ara, mikip weik nang unyabe,’ nyabuka, kanye kum erepdanamlulume.

Yesaya 22:12

Allah Yahweh, aning-aning nirya talibuka, deice tam erebuka, mikip weik ulul nye, elce im deice yin talin malaikat nirya talilule. Atalak ara, Allah arye anggunti nyapsuke. Ara, “Engepnulume, weik arye ngalukmunce, engepnamlume. Tonda, engepnamluma ati, anggun kisok potong koplulume! Koplopmunye ning ara, anggunce ikin kanye bopmunyakarye, malye baju el si karung koni ongopnamlume. “Aning nirya ara, ‘Se, nun babye malye ulamubuʼ tenen, bikilina ati aning winipnamlume,” Allah arye nyapdeipsuke.

Ratapan 3:29

Ura, nun talima amu tam kibuka unyapce, ikin weik unyap talak ara, winipmanto, nun tuku deice mabibirye, si bam bol ara, butbuta deiceuk deiptibirye, ‘Kume, aminyan talak ara, Allah aryuk yanuka, melibuka lyepdopnamsile,’ tenenauk unamabe. Ara, nunce, ‘Aning nirya ara, Allah aryuk winiptu ati, elcuk melinamsile,’ tenebuka, tenenauk unamabe.

1 Samuel 2:1

Ura Hana bira, Allah ati morobukce, nyabuk. Allah Yahweh elcuk, na kanye pia teleb kipdeipmanilba, na talima pum tam kanye deipmane. Apil elce dopmanila deice arye, na kanye malye ulamnuk ning ara, teleb kipdeipmanile. Adeice arye, na kanye deipnarye, na tenepmana ara, ani. Na kanye ara, ‘Allah Yahweh elce, mikip kipdeipmanil,’ tenepmane. Adeice arye, yu teneninyak nang ati, malye nyapnamne. Na mal olan nang ati, na si bambol deice arye, malye nyapnirye, ‘Na lik,’ tenepne. Deiyok ara, na akunum bikmane. Dipkoprop Allah arye nati, akunum melipmanile.

1 Samuel 2:10

Allah Yahweh ati, ‘Nun like. El yupu kum kekenamabe,’ tenebikirye, el yupu yaninyak ninye nirya ara, elce obuka, atu atonun kinamle. Aninye sik ilil una ati, im deice arye, weik liman nyaplirye, lelim pia weik tonun nyalamle touk, el yupu nyanamle. Allah Yahweh elcuk, mutuku-mutuku unyak ninye nirya ati, aning ara, “Teleb ning ara ani, malye ning ara ani,” nyabuka, lipsisiklirye, bokdeiplirye, wenepnamlarya. Winiplyopura, Allah Yahweh elce, ninye deiyoknye Raja una ati, wipdeibuknye biti, mikip weik arepnamle. Tonda, awipdeiplye ninye deiyok Raja ati, weik tonun mikip kipliba, mikip weik ton ap tabakuka upnin banamle. Hana elce ayupu nyabukce, akunum nyabukopura, yupu ton nyana kumce bukuk.