Ayub 15:19 - Eipomek

¹⁹ Min talak ara, Allah arye amutuku dobuka, nun apu yapu ati arebuka ati, sikce amutuku taleamik. Amutuku noutam ara, yuk ninye asik nang ton yanuka, sik neika pia kum ulamik ati, sik ninye asik nang arye, malye winilamik ning ara, nun apu yapu arye eibuka kum bikamik. Ati, sik ninye asik nang, Allah diba kum tenelamik nang arye, nun apu yapu ati, tilila yupu nyabuka, Allah dam arye, nun apu yapu nang bobuka, yuk bisik leibuka kum bolamaka ati, Allah kum yanilamik.

Ayub 15:19 ပူးပေါင်းရင်းမြစ်များ

Kejadian 10:25

Eber birye, mapu bitinye deibuk. Sik si ara, Peleg ap, Yoktan ap ulamrik. Peleg el si nyabuka deiyok ara, ninye lipsisikuka bokolina ati nyamuk. Ara, el deibuk tam ara, Allah arye, ninye tukwak nang nirya bokukapna arye, yuk-yuk wilibuka sik mutuku yuk-yuk binuka ulamik talak ati, el si ara, Peleg nyabuk.

Kejadian 10:32

Ayupu nirya nyapmasina ara, weik mekwen akunum ceprobukopura, Nuh birye, deiamukba, el mapu ton, sikce deiamikba, dadeipdanin balamik nang arye, bokuka yala yuk-yuk wilibuka deipnin balamik touk, nyapmane. Aninye sik yala arye, deiyok kouamikba, bokukabikce, tukwak mutuku im sirya, mutuku sirya nirya binuka ulamik. Ninye tukwak nang nirya, sik apu yapu ara, aninye uka.

Ayub 15:18

Ara, naryuk kum tenepse. Aning kum bukni, nun punun nang arye, weik bikamik nang, nunti nyapdeiamsikba, sik anang arye, na ni yapu koproba ap, na Elifas dam nyapdeipnikba, kekepse yupu ara, an Ayub dam ati nyapnukine. Tonda, nun punun nang arye, ayupu kum duknyamik. Nun punun nang arye deibikba, dukdongobuka nun apu yapu ton deibikba, deipdanin yangalamik nang nirya ap, nun atam unyap nang ap ati, lak nyapdeiamsik ning ara, anti lak nyapnukine.

Ayub 15:20

Aning ara, na akunum bikamse. Sik malye un ninguk talibuka wininyak nang ara, kanye ikin ninguk bobuka, yuk nang deice deilinyake. Bukni, sik kam unyak talak nirya ara, ‘Se, aminyan talak yata wiripnamsil do?’ tenen, teniltonauk ukirye, ilil weik unyake. Anggunce, yuk nang ati, bico tenena pia kumce, anggun nong deice, teleb ning ton kum deilinyake. Ato nang ara, sik kam unyak talak ara, ‘Se, yata wiriptinye do?’ tenen, kanye bokoltonauk unyake.

Yoel 3:17

Allah arye nyabuk. “Se, anggun Israel ninye ara, anggunce atalak ara. na wininamne ning nirya, lakak eipnamluma ati, anggunda moubuka kel biknamlume. Ara, nara, anggun ni koproba Allah Yahweh unune. Nara Sion mutuku deice uk unune. Aununa ati amutuku ara, narye wibuka deiamsa ati, amutuku noutam, na dirina pia weika arye unamle. Tonda, Yerusalem mutuku noutam babye, ‘Naʼ tenen, mutuku ulula ati, narye teleb kipdeipniba, malye un ning tonok babye, amutuku noutamak ara, tonap pia kum unamle. Diksukum ninguk unamle. Ati, amutuku noutam ara, yuk ninye ayala-ayala nirya, narye wibuka kum deiamse ninye ara, ninye asik nang atonun ninye anya arye, amutuku noutam ton, pia kum weknamake.

Ulangan 32:12

Israel ninye tuba-tuba melibuka bobalamuknye bira, yuk talye Isa arye kume. Allah el dem arye kalikuka melilamukce, neika ulamik. Yuk mutuku ninye arye, si erelamik isa arye kume.

Ulangan 32:8

Atalak ara, mikip ning nirya deice tam ululnye Allah ara kwelinanye, ninye yuk-yuk aulamik touk, sik talipnamik ning nirya bokuka areamuk. Tonda, sik apu koproba Yakub bukni, el si ton Israel, el mapu aulamik touk, nukukabukce, sik talibuka unamik mutuku babye, yuk-yuk bokeibuk.