Ayub 15:14 - Eipomek

¹⁴ Anda moubuka tenipnalyame. Ance, ‘Nara, malye pia kum upse. Diksukum unanye unune,’ tenepdalum bukni, aning ara winipmanto. Kume, nun tukwak unyap nang tonoknye babye, malye kum wininyak do? Tonda Allah el dam yanuka, el si erena ati ara, talye nang arye deiamsik nang unyap nang arye, el dam talye lukdanuka yatibye do? Atonun, tukwak mutuku kilapu arye deilinsik nang unyaba ati, Allah arye, “Aning wininamlume, aning ara, pia kum wininamlume,” nyapdeiamsuk yupu ara, malye winina pia kum arye, diksukumuk wininyap do? Kume, nunce kum winiptibye. Ati, nun nirya arye, “Nunda teleb nang unyabe,” nyapmanto kume.

Ayub 15:14 ပူးပေါင်းရင်းမြစ်များ

1 Raja-Raja 8:46

“Bukni, an mapu Israel ninye, aminyan talak malye winin ning an dam wininamkiyake. Ara, ninye tonoknye babye ton, telebnye ton kum unyabe. Ati malye ubikcopura, ance anang dobuka sik oldan nang deice deipminba, ayu nang arye an mapu tongobikirye wenen aik yukak do, dam do, delilbinamake.

2 Tawarikh 6:36

Bukni, an mapu sik Israel nang arye, aminyan talak an dam malye winipnamake. Nun kele, dan tam nang do nirya, ninye deiyok nang babye, teleb nang ton kum unyabe. Ati malye ubicopura, yu upliba, ance anang dobuka, sik mal olan nang deice deipmin buk, ayu nang arye an mapu malye kibicak arye, Israel nang tomobikirye, sik babye yuk mutuku bobicak arye, wenen aik dongobiceura, amutuku ara pera mutuku do, dam mutuku uk do, delilbinamake.

Ayub 14:1

Ayub birye Allah ati, nyabuka morobuk yupu ara, ani. Nun nin yapu arye, deipsice talak arye diprongobuka dotalak babye, mikip kum usulule. Tonda, ouku mitik tonun dem unamap talak ara, kanye ikin weik ning unmasilye diparyuk, minopce dibinyabe. Keting tamun pia weik arye kum unyabe. Tonda, kam unyap talak noutamak nirya ara, ikin ninguk yangasulule.

Ayub 14:4

Ninye malye wininyak nang arye, teleb winin ning ton winipting do? Aning ara, tonoknye babye ton kum winiptinge. Malye un ning noutamak ara, yatanye birye, pia teleb ning doproptu do? Aning ara, kum winipmanto.

Ayub 15:13

Winibuka teneminyopura, an kanye talima noutam arye Allah ati yu upkilye uplyeba, uaplirye, elti, ance malye yupu nyalyam do? An si bam bol arye, pia malye yupu nyabuka, Allah ati, malye kibuka, elce nyalul yupu nirya ara, yaniltaknauk ulyame. Aning nirya ara, yata ati do?

Mazmur 14:2

Allah el si Yahweh, im deice arye, ninye tukwak mutuku unyak ninye ati, ‘Diksukum teleb kibuka, natibuk eninyak do? Na wininye ning ap, narye nyanye yupu ap ati, moubuka kel kinyak do?’ tenen, disulule.

Mazmur 14:3

Bukni, mutuku-mutuku nirya, unyak ninye nirya ara, pia ton diksukum kibuka, teleb ton kum wininyake. Tonoknye babye, teleb kum winilule. Ninye nirya ara, malye ninguk tenebuka, pil donyake. Allah ati, balye tam kibuka batakikirye, yuk talye ninguk dobolbanyake.

Mazmur 143:2

Na nio, tukwak mutuku noutam kam tuba unyap nang nirya ara, pia diksukumuk kum unyaba ati, yatanye birye, ‘Nara telebnye unune,’ tenepturye, an dam talye mangkau asa, yanuka tiktu do? Kume, aning ara, kum winipmanto. Nara, an amu tam unirye, an piluk donuna ati, ‘Ance na malye wininun ning ati, namin kipnutumopura, aminyan talak ara, yupu lipsisikuka bokeipnimince, kum wenepnamnilam’ tenen, moropkine na nio.

Mazmur 51:5

Na nyapmakin yupu ara, talye ati kum nyapne. Na malye winipse ning ara, narye akunum kel kipmana ati, laka arye, lak nyapkine. Tonda, na malye wininun ning ara, pia tuba tenenauk ununa anya arye, mambul kanye bonune.

Amsal 20:9

Yata ninye do nirya, ninye tukwak mutuku unyak ninye noutamak ara, tonoknye birye mikip asa yupu nyapturye, ‘Se, nara, pia telebuk unirye, na talima pum tam nirya ara, malye ning tonok babye pia kum unune. Na tuba kam unamne talak nirya ara, malye un ning ap, yuk malye winin ning ayala-ayala nirya ap, pia kum unamne. Nara, kanye talima diksukum telebuk kibuka ununye,’ tenebuka kum nyaptinge. Ninye tukwak unyak kili sal nirya ara, pia teleb ninye ton, pia kum unyake. Aning ati, sikce, ‘Nara dipkoprob teleb kibuka unune,’ nyan yupu ara, kum nyaptinge. Ayupu nyabica babye, tilila yupu uk nyanyake.

Penghotbah 7:20

Tonda, narye bikse. Tukwak mutuku im sirya, mutuku sirya nirya ara aunyak nang kan-kan arye ton nang ara pia teleb ubuka unyak nang ton unyake. Bukni, ateleb unyak nang babye sikda ton talak ara, malye ton wininyake. Tukwak mutuku noutam ara, malye ning tonok babye, kum upmanto ning ara, pia kum ulule. Ninye tukwak nang nirya ara, malye un ning pia wiminyake.

Penghotbah 7:29

Bukni, tonok ning kel bikamse ning ara, laka nyapnusine. Ara, ani. Nun ni Allah arye kwepdeipsuk talak ara, Diksukum unamakʼ tenen, pia teleb kibuka, kwepdeipsuke. Bukni nun tukwak nang ara, nun talima deice aryuk, ‘Yata wiribuka, nunce malye ninguk taliptibirye, malye un ninguk winiptibye do?’ tenen, malye kanye bobuka, talye-talye pil dobuka, malye winin bisikuk banyabe. Ati ara, malye ninguk talibuka unyabe.

Yohanes 3:6

Ninye arye delinyak ning ara, talye ninye nonguk delinyak bukni, Allah El Dib Kanye el mikip deice arye, ninye dib kanye ati, kam una deiyok ning arisilirye, winiryuk ninye atonun kilisulule.

Roma 7:18

Na akunum kel kiyamse. Nara, talye tukwaknye ununa anya arye, na kanye talima pum tam nirya ara, diksukum una deiyok ning tonok ning babye kum unulule. Ayupu nyapmasina deiyok ara ani. Ara, na kanye tenenuna deice arye, ‘E, diksukum winin ninguk talibuka wininamne’ tenen, patanulul bukni, dipkoprop ning ara na mikip deice aryuk teleb un ning ara kum winiptinye.

Galatia 3:22

Diksukum ulisulul ning ara, mem yupu dobolbanyaba deice arye, diksukum kum kilisulul bukni, Allah yupu noutamak sekamik ning deice arye kel kinyabe. Kel kinyap yupu ara, tapu koubikirye, wenena aik dongobikiba, kum loplopmanto ninye ulamak touk, ninye im sirya, mutuku sirya nirya ara, malye una ap, malye tenena ap deice arye, tapu kouamsukura, kum lopdanmanto ninye unyabe. Allah arye ayupu nyabuka deiyok aranda? Ara, Allah arye, “Diksukum una deiyok ning arenamsine,” nyabuka, nyalilamuk yupu ara, ani. Ara, Yesus ati diba tenebibya deice aryuk, diksukum una deiyok ning doproptibye. Talye un ninye kum bukni, Yesus ati dipkoprop diba tenenyak ninyeuk dopropnamake. Ara, Allah arye nun diba tenenyaba deice arye, ‘Aninye ara, diksukum ninye unyake,’ nyabuka, teleb kilisulule.