Ayub 14:19 - Eipomek

¹⁹ Aning atonun, mek tuba-tuba balirye, keilak ngiklamliba, korokolsaklamlya ani, mitik kililamle ning ap, weik mok ceplye talak, mek oplirye, tuku nirya bobuka balolamle atonun ning ap, ninye arye, ‘Se, aning winiptibye,’ tenenyak ning ara, ance kum kilisilyame.

Ayub 14:19 ပူးပေါင်းရင်းမြစ်များ

Kejadian 6:17

Nyabukopura, ayupu ton dukdongopbuka nyabuk. “Ura, weik mekwen deipnyopura, im noutam eitam bukni, im amu tam tukwak mutuku im sirya, mutuku sirya nirya noutamak, kam ulye ning aning-aning nirya mekwen dipliba, dipnamake. Yata yala ning do nirya, kam ulye ning nirya ap, isin ulye ning nirya ap dipnamake. Tonok ning babye, kum bataknamne.

Ayub 14:18

Tukwak ninye nirya arye, ‘Se, aning winiptibye’ tenen, pia kanye deibuka, dinauk unyak ning nirya ara, ance aning nirya, kum kilisilyame. Winipmanto ara, weik mok ceplirye, tokna pakuka balamle touk, tonda, mutuku lulukna luluklirye, keil lukuka saklamliba, amutuku mitik kipnin balamle touk, tukwak ninye arye, ‘Se, aning winiptibye,’ tenenyak ning ara, ance kum kilisilyame.

Ayub 17:15

Bukni, anyapmasin yupu nirya, dipkoprob akunum tenipdetinirye, nyaptinyopura, narye, ‘Aning ara, winipnamne,’ tenen, weik tonun patapnil ning ara, dan sukum ulul do? Ayupu akunum nyapnyopura, nara pia kanye deibuka, pin-pin asa arye, ‘Winipnamneʼ',’ tenyamsirye, patalamnuk ning ara, yatanye birye aning nirya eipnamle do? Kume, winipmanto nyapne.

Ayub 19:10

Winipnuk ning ara, bisik dana-dana nirya arye, na damuk yayukba, pia ikin weik ning arepnuka deice arye, pia kanye imun unulule. Winipmanto ara, aik ulunmace talak, aik abilinga dana-dana tam nirya, ululolamak atonun, tonok talak aryuk, teleb ulamnuk nirya, akunum dopropnukba, kum danuke. Tonda, ninye arye koulamap ning talibuka, kwinipdobipyeba, kolulamle tonun, ‘Na winiptinye,’ tenelamse ning nirya ara, akunum kum daneipnuke.

Ayub 22:16

Sik anang ara, sik dibin talak min kum upmalyebuk, Allah arye anang ara mikip arye libuka, doprobukba, kum dayuk. Winipmanto ara, ninye arye aik domikce bukni, talye karin arye weik mok ceplirye, mek obuka yangalirye, aik ap, anyaik ayukumna yo ap nirya ara, bobolamle touk, Allah arye anang nirya ara, minopce akunum kum kipdeibuke.

Ayub 27:8

Tonda, sik malye winin ninguk talibuka wininyak nang ara, Allah arye anang ati, weneplirye, malye kibuka oblyopura, akunuma. Ati, sikce “Se, ‘Aning ton winiptibyeʼ tenen, patapsile,” nyabuka tuba teninibikirye, kum nyanamake. Adiparyuk dipnamaka ati, sikce aning pia kum winiptinge.

Ayub 7:6

Na kam unye talak ara, ‘Baju win nang arye, baju win ning deibuka, minop wilongolamaka atonun, minop adiparyuk dipnamnarya,’ tenenune. ‘Wininamne, wininamne,’ tenena ap, ‘Se, winiptinyopura, telebuk uptinye,’ tenena ap, pia kumce, ‘Talye unun ning ara, adiparyuk, sirya daktue,’ teninauk unirye, malye kanye bobuka, engenauk unune.

Yehezkiel 37:11

Winibik talak ara, Allah arye nati nyapnuk. Se, anda ninye sirika arye deiamkiknye bira, na yupu kekepnilyame. Aning ara ance moubuka biknulyame. Apun danamuk ninye yok nirya ara, an kayapu Israel yala ninye nirya daunyake. Israel ninye ayala-ayala nirya unyak ninye arye nyanyake. “Se, nun yok ara, akunum pun dasuke. Allah arye akunum luba kipsuke ati, dorupnin banamle talak nirya ara, yatanye birye lyepsuturye, lopdeipsutu do? Kum ati ara, nunda talyeuk unamabe. Yo mungkaba dakaltaklamak atouk unamabe. Tonap, ‘Yatanye birye lyepnamsil do?’ tenen, pia kum tenenamabe.” Israel ninye arye nyanyake.