Wini talak ara, Amon mutuku nang ap, Moab mutuku nang ap, Edom mutuku nang ap, sikce nunti, olyanmasiake. Nun apu yapu Mesir mutuku arye amutuku dam yayik talak ara, ance sikti, Amutuku nang ulamik mutuku ara, kum olbinamlume nyapdeiamsulume. Ati nun apu yapu arye, sik Amon mutuku ulamik nang ap, Moab mutuku ulamik nang ap, Edom mutuku ulamik nang ap, amutuku-amutuku noutam ulamik nang ati, ton kum olbinamike. ‘Daunamakʼ tenen, batakamikba tuba ulamuk touk, tuba aunyake.
Amos 1:11 - Eipomek11 Allah el si Yahweh arye, ayupu nyabuk. Sik Edom mutuku ninye arye, tuba-tuba weik arye malye wininyaka ati, dipkoprob narye, sik amutuku ninye ati, wenebuka opnamne. Minop talak, sik malye winilamik ning ara, namin kiamsirye, minopce wenebuka kum oplopse bukni, wini talak ara, sik malye winin ning weik wininyaka ati, aninye opnamne. Aninye ati opnamne ning ara, pia dipkoprob kum bataknamne. Deiyok ara, sik Edom mutuku ninye arye, sik mining yala nang, na mapu Israel nang, weik arye olamika ati, kwang dakuka opnamne. Ara, sik kayapu koprop ati, bico tenena kum arye, Israel ninye atibuk mal pilamikce olamika ati, sik Edom ninye wenebuka opnamne. Edom nang arye Israel ninye ati, kum namin kilamikce, pia yu ulamukba, tuba-tuba tenipna arye, olyangalamik ning ati, opnamne. အခန်းကိုကြည့်ပါ။ |
Amos 1:11
28 ပူးပေါင်းရင်းမြစ်များ
Bukni, wini talak ara na nio, sikce nunti malye wininamsiak ara, dinamsilyame. Sik amutuku unyak nang arye, nunti ikin ning deipnamsiyake. Ara, ance nunti areamsulumak tuba asukumuk unyap mutuku noutam arye, sikce nunti, ‘Israel yala nang ara, amutuku noutam arye yakdonoknamapʼ tenen, yanuka warikmasiake.
Diba, nun ni Allah, ance Edom mutuku ulamik ninye, sik malye winilamik ning ati, luba kina kume. Pia teninamlyame. Sik Edom mutuku ninye arye, pia malye ulamik ning ara, kum luba kinamlame. Ara, sik Edom yala ninye arye, Yerusalem mutuku noutamak dobuka ulamupu aik, uku dongopnuyik talak, malye nyanmek ning ara ani. “Anyaik nirya batakana kume. Asik-asik nirya dakuka bataknulame. Daknin banmamunya ani, aning nirya babye batakana kume, akunum nirya daklopnamlume,” nyapdeiamuk. “Anyaik-anyaik nirya ara, dakuka uluplobibiba, keil pala deice deibik ning ara, lakak upnamle. Anyaik nirya dakuka uluplobibiba, aik oldem upnamle,” nyalamik. Nyabikba, aik deiya deibuka domupu ning nirya dakuka uluplobik. Winibika ati, aning ara, Allah ance pia kum luba kinamlame. Nun ni Allah, anda awinibik ning ati, weik arye wenenamlyame.
Ati ara, moubuka teninamlulume. Anggun talima noutam ara, minopce derena ap, yu tenina ap ara, meme. Deiyok ara, sik walwal kanye bobuka, malye unyak nang arye, sik talima noutam teninyaka ara, yu weik upliba, pia malye ning teninyaka ati nyapsine. Sik talima noutam ara, yu weik tenen ninguk tenebikirye, walwal un ninguk wininyake.
Ayupu nyapmasina ara, talye ati kume. Deiyok ara ani. Ara, narye na mapu, anggun dam ati, “Anggunda pia malye ululum nang,” nyabuka, pia ati kum wenepnamsine. Tonda, narye sik malye unyak ning ati, tuba-tuba yu upnilyeba, anggunti kum wanamsine. Deiyok ara, ‘Na yu tuba upnilyeura, anggunti pia wenepsinirye, ikin ning anggun deice pia deipsinyopura, na mapu anggun imun kanye bobuka, talima daksaknul’ tenen, tuba tonap kum wanamsine. Narye anggun nirya ara, memepdeiamsak umunya ati, aminyan talak naryuk, anggunti, kanye tonap teleb kipdeipnamsine.
Bukni, aning nirya winipnamle talak ara, Mesir mutuku nirya ara, mutuku patauk kiploplirye, tuku nirya babye, mikdopnamle. Tonda, Edom mutuku nirya babye atonun, tuku sesal leplirye, mutuku patauk kiplibuk, pia malye mutuku kipnamle. Amutuku bitinye noutamak ara, ninye ton pia kum unamake. Ara, urdem ati kume. Sik amutuku ninye arye, Yehuda yala ninye nirya ati, yanuka olyangalamikba, sik ining talye saklamuka, dekna ati wenepnamne. Ara, malye winin ning ton, kum winilamik touk, Mesir mutuku nang ap, Edom mutuku nang ap arye, Israel ninye nirya olamika ati, wenebuka opnamne.
Nabi Mika birye, Allah ati nyabuk. Se, na ni Allah. An uminye Allah atonun, ton pia kum ulule. An tonok ulyame. Ati, Allah Yahweh ance wipdeiamsulum ninye, mitik anun sirya tuba aunmab ninye ara, nun malye wininyap ning nirya, namin kipsimince, lyepsilyame. Anda ninye tukwak nang ati, pia ton kum deresilyame. Nun malye wininyap ning dekna ati, adiparyuk wenebuka opsutum bukni, aning kum winimince, nunti tamubuka bico tenesimince, melibuka lyesilyame. Ance ninye ati, weik arye bico tenesilyame. Ance nun tukwak ninye ati, kanye delisilyame. Winibuka ulyamnye ati, moropkine.
Tonda, nara sik yuk-yuk mutuku nang, pia dakeiam asa arye, nimalyap asa mutuku-mutuku nirya unyak nang nirya ara, ‘Nunda pia telebe,’ tenen, maknya kintinibuka, kwalinyaka ati, narye sikti, pia lik ubuka, malye kanye bopse. Deiyok ara, mince na mapu koproba, sik Israel nang arye malye winilamik ning ati, na mitik tonun talima noutam yu upnukba, ‘Anang wenepnamne,’ tenepse bukni, nati diba kum teneninyak nang, yuk-yuk mutuku unyak nang arye, na mapu koproba Israel nang ati, pia weik tonun yu ubukba, ikin ning pia weik tonun dobuka, sik nong deice delilamik. Na mapu koproba deice arye, kanye imun weik ning, pia weik tonun boyanuka delilamika ati, narye sikti, malye kanye bonune. Ati, anang wenepnamnarya!
Allah Yahweh arye, el mapu Israel ninye nirya ati nyabuk, “Narye anggun nirya ati, bico tenesunune. Bukni, anggun Israel ninye arye tamubuka, Allah nati nyanululume. ‘Kume, Allah Yahweh anda nunti yata ning winisiminya deice arye bico tenebuka melisilyam do?’ nyabuka asinululume. Bukni, na Allah Yahweh arye tamubuka nyapsine. Ara, Esau elda Yakub el weit koproba ulamuk do? Narye Yakub elti, weik arye se bicoe tenelamsirye, weika arye melilamse do, kum do? Kume, weika arye melilamse.
Nyabukce, ayupu ton nyabuk. Winilamsibuk, Esau el tam nang Edom mutuku unyak ninye arye, “Kume, nun ulamupu asik mutuku ara, dakuka uluplopsik bukni, nun babye tuba tamubuka lipsisikuka dopnamapca,” nyabuka yupu talinyake. Nyabuka yupu talinyaka ati ara, sik aninye arye, tamubuka dobica babye, na Allah Yahweh arye aning-aning nirya talibuka, im deice yin talin malaikat sik, weik deiyoknye ununa anya arye, narye ila tamubuka, sik mutuku asik dopnamaka nirya ara, dakuka uluplonamne. Winipniba, yuk mutuku ninye nirya arye aning eibikirye, sik Edom yala nang ulamik mutuku ati ara, ‘Se, amutuku ara, malye winin ning deiyok talibuka, ulamik mutuku,’ nyanamake. Tonda, Edom ninye ati ara, ‘Se, Allah Yahweh arye sik Edom mutuku ulamik ninye ati, pia yu ulule,’ nyanamake.
Bukni, anggunce Edom mutuku unyak nang ati ara, ‘Sikda talye nang anya arye, malye wininyake, nun like,’ pia kum tenenamlume. Deiyok ara, sik amutuku nang ara, sik kayapu nang, Israel yala nang arye deibikba, dadeipdanin balamika ani, Israel yala nang noutam unyak nang unyaka atia. Tonda, Mesir mutuku unyak nang ati, ‘Sikda talye nang unyaka anya arye, nun like,’ kum tenenamlume. Deiyok ara, min talak anggunda, Mesir mutuku noutam ninye asik nang, tikilyangan nang atonun kibuka winilamluma atia.
ကြော်ငြာတွေ