3 Yohanes 1:9 - Eipomek

⁹ Ara, yuk ning ton nyapnune. ‘Anggun Allah diba tenelulum ninye nirya kekepnamlum’ tenen, surat sekeipsise bukni, tonoknye el si Diotrepes ara, yuk nang arye nati, ‘Elda pia weiknye ulule tenepnamniake’ tenen, pia patalibuk, nun yupu kum kekesulule. Elce nunti, ‘Sik yuk,’ tenesulule.

3 Yohanes 1:9 ပူးပေါင်းရင်းမြစ်များ

Matius 7:8

Aning ati ara, na dipkoprop nyapsine. Yata nang do nirya, Allah ati morolamak nang ara, Allah kekeplirye, arepliba dolonamake. Elkirikilulnye bira, Allah arye melipliba eipnamle. ‘Anyaik wekuka bitinye’ tenen, bisik lourum-lourum abuka, pitin-pitin ululnye bira, Allah arye abuplan kukeipliba weknamle.

Markus 9:34

Yesus arye asipdeyuk bukni, sikda bisik yanganmek talak ara, sik kan-kan arye, ‘Yatanye tiklirye, nun deiyoknye unamsil do?’ tenen, yupu kan-kan nyaldanmekce yupu talipmeka ati, alye ubukura, tunim abik.

Markus 9:37

“Yatanye do, yata kil do, amitik mi atonun ninye ati, bico tenebikirye, na si deice arye, telebe nyabuka melilamikcopura, nati melinamniyake. Nati, melinamniyak nang, natibuk kume. Nati, melipnikcopura, na dopdeipnuknye Allah ap, ati melinamake,” Yesus arye nyabuk.

Lukas 9:48

“Yatanye do, yata kil do, amitik mi atonun ninye ati, bico tenebikirye, na si deice arye telebe nyabuka mililamicopura, ara nati melinamniyake. Nati, melinamniyak nang ara, natibuk kume. Nati, milipnicopura, ara na dopdeipnuknye, Allah ati melinamake. Yatanye do, yata kil do, ‘Na weiknye upnamne,’ tenenyak nang ara, ninye amu tam unyakce, yuk ninye nirya ati, bico tenebuka melinauk unamake. Atouk uplinye bira, Allah el kanye ara, ‘Anye bira pia mambulnye,’ tenelule,” Yesus arye nyabuk.

Roma 12:10

Anggunce, yuk ninye nirya ati, ‘Na weit yapu atonun unyake’ tenen, kanye talima deipdamunce, unamlulume. Pia kum batakalanamlulume. Yuk nang ati, ‘E, sikda mambul weik bukni, nara mitik mambulnye unune,’ tenemunce, yuk ninye sik amu tam umunce, aninye ati erepdeipmunce, si erenamlulume. Anggun nirya arye, anggun kayapu nirya ati, kanye deibuka si erelanamlulume.

Kolose 1:18

Tonda, Allah arye el mapu kwepdeipsuk ninye nirya ara, Yesus talisilirye, nun Weik Deiyoknye usulule. Ara, winipmanto ara, nun kisok upsuk ning nirya deice arye, aning-aning nirya tenebuka unyap touk, Yesus el babye, Allah el mapu nirya ati, Weik Deiyoknye usilirye, talisulule. Tonda, Allah arye, ‘Yesus ara, aubuk ning nirya deice tam kibuka, weik mambulnye unamle,’ tenebuka ati, Allah arye tenyamuk touk, Yesus dibuk bukni, Allah arye Yesus tamubuka kam bukeibuk. Wini talak ara, yuk ninye ton deiamik bukni, Allah arye aninye kam bulilamle bukni, minop kam bukibuknye bira, el Mi Koprop Yesus el uka. Allah arye Yesus minpola kam bukdeibuka deiyok ara, ‘Yesus ara, aning-aning nirya deice tam ulirye, weik mambulnye unamle’ tenen, winibuke. Yuk ning nirya ara, Yesus el amutamuk ulule. Elda deice tam ululnye uka.

2 Yohanes 1:9

Yata nang do, nirya, sikce, Yesus Kristus elce peterelamuk yupu batakuka, elce kum peterelamuk ning bukni, yuk talye yupu dukdongobuka peterenyak ninye nirya ara, Allah sik talima ak kum ulule. Aning kumopura, yata nang do, nirya, Kristus peterelamuk yupu uk talibuka, dobolbanyak ninye nirya ara, nun ni Allah ap, el Mi Koprop Yesus ap, anggun talima ak ururake, nyapne.

3 Yohanes 1:8

Aning ati ara, ‘Aning nirya nun ap, arye, ansinibuka pil melibuka doptibnyopura, yuk ninye babye ton, Allah el dipkoprop yupu kekepnamak,’ tenena ati, ato nang melinamabe. Anang ara, sik pataplye ning nirya ati, melinauk unamabe. Ara, din ning do, aik manak do, aning nirya ati, melinauk unamabe.