3 Yohanes 1:3 - Eipomek

³ Allah diba tenena ati, nun ap, du weit atonun unyak nang arye, an ulalum ning ati yanuka laka nyapnike. Sikce nyapnik. “Gaius bira, Allah el dipkoprop yupu pia batakna kumce, talinauk ulule. Tonda, Allah yupu nyasilye touk, Gaius moubuka kekelirye, aninguk talibuka telebuk ulule,” nyabuka anti nyapnikba, na weik kanye deipkise.

3 Yohanes 1:3 ပူးပေါင်းရင်းမြစ်များ

Mazmur 119:11

Na ni Allah, ance peteresilyam yupu nirya ara, na kanye noutamakuk, pia moubuka deipnirye, aninguk tenebuka wininune. Winibuka unyopura, narye an dam ton, malye ubuka kum kilinamne.

Rasul 1:15

Winilamika ani, atalak noutamak arye, Yesus dib tenelamik nang, yupa weik 120 nang, sik wekmek kan-kan ak Peterus tikuk akarye ayupu nyabuk.

1 Korintus 13:6

Yuk ninye ati bico tenebuka melilamak nang ara, yuk ninye arye, sik malye wininyak ning ap, malye tenenyak ning ap, ati, kanye deibuka kum unyake. Bukni, pia diksukum teleb winin ning ati, sikce kanye deibuka unyake.

Galatia 6:10

Aning ara, lo tuba upmasilye talak ara, yuk nang sik patan ning do, ikin uplye talak do, eibibyopura, aninye ati bico tenebuka melinamabe. Ninye nirya ati bico tenebuka melinamap bukni, pia weika arye bico tenebuka melinamap ninye ara, Yesus ati diba tenenyak ara, nun du weit atonun kipdeipsuk ninye ati, bico tenebuka melinamabe.

Pilipi 1:4

Narye anggun nirya ati, Allah morosunun talak nirya ara, weik kanye deibuka, anggunti Allah morosunune.

2 Yohanes 1:2

Allah el dipkoprop yupu diba tenebuka talimunya arye, el yupu, nun talima noutam tuba usulule. Usilye ati, el yupu diba tenebuka, pia talinauk ulamibyopura, el yupu nun talima ak pia unamsile. Anggunti kanye delina ara, naryuk kume. Aning ati, anggunti kanye delina ara, na babye, ninye mutuku-mutuku nirya babye, Allah yupu diba tenebuka talinyak ninye nirya babye, nun nirya arye sikti, kanye delinyabe.

2 Yohanes 1:4

Yuk nang arye, anggunti nyapnike. “Nun ni Allah arye, ‘Wininamlulume,’ nyapsuk touk, anang nirya kum bukni, anggun kan-kan noutam arye, ton ninye ara, Allah el dipkoprop yupu kekebuka diksukumuk unyake,” nyapnike. Nyapnikba, kekepsa ati, na kanye pia teleb deipse.

3 Yohanes 1:10

Aning ati ara, narye an dam yatinye do, el Diotrepes ati, “El ulul ning nirya ani,” nyabuka lak akarye nyapnamne. Ara, elce nunti, ‘Yuk nang arye Yohanes ap, el mapu silip ap ati, malye tenepnamak’ tenen, elce yu ubuka, minina yupu nyasulula ati, nyapkine. Tonda, aninguk kume. Diotrepes arye, nun du weit atonun unyap ninye ati, “Telebe,” nyabuka, pia kum yuk ululce, tonda pia kum melisulule. “Na kume, Yesus diba tenenyak ninye ara, narye kum melinamne,” nyalule. Tonda, yuk nang arye, ‘Kume, anang ara, nun du weit atonun unyaka anya arye, nuncuk, “Telebe,” nyabuka melipnamabe,’ tenenyak nang ati ara, Diotrepes arye, ‘Na mutuku nang arye, yukubicak’ tenen, “Anggun bataklulume,” nyabuka yupu sekelongolule. Winilirye, “Allah yupu aik tonap, kum wekenamlulume,” nyabuka, nunti melipmanto unyak nang ati, batakalulce yupu sekelule.

3 Yohanes 1:2

Na kwito, Allah diba tenepluma ati, an talima ap, an kanye ap, teleb-teleb kibuka ukilye touk, ‘An nong babye, kipe lopdop asa uminyeura, aning-aning nirya, teleb kibuka wininamlyam’ tenen, Allah moronauk unune.

3 Yohanes 1:4

Na Yohanes arye, peterelamsibuk, diba tenebik ninye ati, “Aninye ara, Allah yupu nyasilye touk, moubuka kekenyakce, pia teleb ubuka unyake,” yuk nang arye, nyapkikbuk kekenun ara, pia kanye teleb delinune. Yuk teleb kanye delinun ning ara, mitikuka. Weik ning ara, atonoka.

3 Yohanes 1:5

Na kweito, na kanye delikunune. Ara, sik diba tenebikce, nun du weit atonun unyak nang ara, an ton minopce kum elilyame. Tonda, anang kum kel kiyamlum bukni, sik anang melina ati, batakna kumce, pil tuba dominya ara, telebuk winilyame.