2 Timotius 4:21 - Eipomek

²¹ Timotiuso, arukna wala li upnamle dam akunum ubuka ati, aning min kum upmalye talak, ‘Minop na laka nyalyanutume’ tenen, moropkine. Na ap, unyak ninye arye anti, “Telebe,” nyalikinyake. Sikda, Ebulus ap, Pudes ap, Linus ap, Kelaudia ap, amutuku diba tenenyak nang nirya ap ati, narye nyapkine.

2 Timotius 4:21 ပူးပေါင်းရင်းမြစ်များ

Lukas 12:58

Nyabukopura, ayupu ton nyabuk. “Anggun deresice nang arye dobuka bobisikce talak ara, minopce anggun adiparyuk yupu talimunce, telebuk ulinamlulume. Dobuka bobasikce talak bisik noutamak arye, teleb kum kipdeipmunyopura, derepsilinye birye, yupu bokolina deiyoknye arepsilyeura, anye birye wenebuka, yin talin nang arepsikcopura, wenena aik dongopnamsile.

1 Korintus 16:20

Na unyak Efesus mutuku dib tenekirye, nun weit yapu atonun ninye, sal babye, kilapu babye, sik nirya arye, anggun Korintus mutuku ululum ninye ati, “Telebe,” nyalisinyake. Nun dib tenenyap ninye nirya arye, yuk dib tenenyak ninye ati eipdabirye, ‘Na kwit koprop’ tenen, talima melisiliba, si erebuka mutulanyap touk, anggun Korintus mutuku ululum ninye babye, yuk dib tenenyak ninye nirya ati aning atonun wininamlume.

2 Korintus 13:13

Tonda, Allah ati akunum dib tenebikce, na unun mutuku unyakce anggun Korintus mutuku dib tenelulum ninye ati, “Telebe,” nyasinyake.

Pilipi 4:22

Tonda, na aunman mutuku unyakce, Yesus diba tenebuka diksukumuk unyak ninye nirya arye, anggun Pilipi mutuku ninye ati, “Telebe,” nyasinyake, nyapsine. Tonda, Roma mutuku nirya talilya, weik ninye deiyoknye, Raja Kaisar, el pil don nang ap, el asik nang ap, unyak bukni, sik kan-kan Yesus akunum diba tenebik nang arye, anggun Pilipi mutuku nang ati, “Telebe,” nyasinyake, nyapsine.

2 Timotius 1:4

An ap, na ap, neiktoto pil dolamnumu bukni, yuk-yuk binumu talak ara, ance engeplum ning ara, ila tonap tenekunune. Ati, ‘Na kanye deibuka pin-pin arye unamne’ tenen, ‘Se, na mi Timotius ap, eipdatinimirye, neiktoto utinimnye’ tenen, pia patanulule.

2 Timotius 4:13

Ura, Teroas mutuku noutam na ka Karpus ap, neika ulamnumu talak ara, na deice ongon cang bupu baju, el si jaket luba kipsirye, batakse. Timotius ance na dam yanamlam talak ara, aongon cang baju ap, na buku ap, surat ap, libuka boyanamnilyame. Na batakse buku-buku nirya boyanamnilam bukni, ‘Weik mambul,’ tenenye ning ara, kam uning obukabikce, bola koplobuka ketingak mikikbuk, sisal lebukura, abola deice Allah yupu sekik ning ara, luba kina kume. Aning babye, boyanamnilyame.

2 Timotius 4:9

Winira Timotiuso, ‘Paulus dam minop binun’ tenen, pia piripdenamlyame.

Titus 3:12

Ura, ‘Na Nikopolis mutuku arukna li talak unamne’ tenen, akunum tenepsa anya arye, narye nun kwit yapu, Artemas ap, Tikikus ap, dopreibnibuk, an dam yarikcopura, anda minopce na dam Nikopolis mutuku yandenamlyame.

2 Yohanes 1:13

Ati asukumuk deipne. Allah arye, melyamsukba, Allah diba tenebuka, amutuku ubirye, el yupu kekenyap nang, nunce anggun nirya ati, telebe nyapsiabe. Nunce anggunti, ‘Nun weitcapu atouk unyake,’ tenesinyabe. Telebe, na Yohanes arye akunum nyapne.

3 Yohanes 1:14

Deiyok ara, ani. ‘Anggun dam yanirye, sik nong ton eipnamsine,’ tenebuka patanulul ati, anggun dam yanamne talak ara, neika bukibirye yupu sisikinamabe.