2 Timotius 2:17 - Eipomek

¹⁷ Winipmanto yupu nyapnukine. Butbutukne suse deiyok kibuka disilye talak ara, mitikuk usululbuk, pia dilamsilya ani, weik upnin balyopura, weik barye suse disulule. Aning atonun, apia malye yupu nyanyak nang, peterenyaka deice arye, ninye weik arye tonap, malye winilinyake. Aning atonun peteren nang ara, Himeneus ap, Piletus ap, ururake.

2 Timotius 2:17 ပူးပေါင်းရင်းမြစ်များ

Nahum 3:15

Yata ning do nirya, anggunce wininamlum ning nirya ara, talye-talye ninguk wininamlume. Deiyok ara, aning nirya winipnamaluma babye, anggun mal olan nang arye, yanuka opnamsiak talak ara, dipkoprob uku arye dibuka, sirya daklamle touk, upnamsiake. Tonda, aning kumopura, anggun mal olanamlum talak arye, anggun mal olan nang arye, anggun ninye ona ati, yu parang ya arye, opsikirye, sirya dakanamsiake. Anggun tam nang ara, weik tonun dipnamlume. Winipmanto ara, kwising arye, ninye wa wibuka kouamikce ning dilamlirye, sirya daklamle touk, anggun mal olan nang arye, anggun tam nang obuka, sirya dakanamsiake. Wini talak ara, anggun Niniwe mutuku nang ara, minop arye kwising nebuka weik ulamikiba, nukman kumto ulamak touk, unamlum bukni, aminyan talak ara, anggun mal olan nang arye, weik tonun obuka, sirya dakanamsiake.

Rasul 14:2

Sik diba tenebik bukni, yuk Yahudi yala nang arye, ara, Yesus ati diba kum tenebik nang ara, ‘Paulus ap, Barnabas ap, nun lik ati, yuk nang anyak malye yupu nyaptibyeura, abitinye nang arye sik petererurak ning ati yanipnamak,’ tenebikce, Yahudi yala kum ninye ati minina yupu nyalamika deice arye yu kililamikak Yahudi yala kum ninye arye Paulus ap, Barnabas ap, ati, yuk anye bobik.

1 Timotius 1:20

Amalye wininyak nang atonun, urikce nang bitinye, sik si ara, Aleksander ap, Himeneus ap, winirudake. ‘Isa Mutuku Dongonye birye anang ati, malye kilibuk, weik kanye imun kanye bonamrak’ tenen, narye anang ara, Isa Mutuku Dongonye biti akunum arepse. ‘Allah elda talinye’ tenen, ‘Yesus ati malye yupu nyana ara, pia malye winin ning ulule,’ tenebuka, ‘Kel biknamdak’ tenen, narye anang ara, Isa Mutuku Dongonye ati akunum arepse. Na Paulus arye sekeibkine.

Yakobus 5:3

Anggun dekna weik ning sisilya ubuka deice arye, “Anang ara malye nang,” nyabuka, sisekipnamsile. Tonda, uku buk arye ngelum-ngelum abuka dilamle touk, asisilya atonun ubuk ning arye, anggun nong pia, uk dinauk unamsile. Winira sirya daknamle talak noutam arye akunum unyabe. Awinipsilye talak noutam arye, anggunce, ‘Aning nirya, na uk talipnamne. Aning ara, na ning’ tenen, moubuka deililamlum ning ara, pia malye ululume.