2 Timotius 1:11 - Eipomek

¹¹ Ara, ninye lyena ati, Yesus el laka teleb yupu ara, Allah arye, ‘Paulus ara, ayupu bobuka peterelbana ati, deiyoknye, tonda Rasulnye ulirye, ayupu minop talak arye, kum kekelamik mutuku ninye minopce laka nyalbinamle. Tonda, Allah yupu peterena deiyoknye unamle,’ tenyamnukce, wibuka deipnuke.

2 Timotius 1:11 ပူးပေါင်းရင်းမြစ်များ

Rasul 9:15

Ananias arye ayupu nirya nyabuk bukni, nun deiyoknye Yesus arye tamubuka nyabuk. “Kume. An bilyame. Anye bira narye wipdeipse. Ati, na si dobuka, yuk-yuk mutuku ninye, Yahudi yala kum ninye ap, sik deiyok nang ap, ton Israel ninye ap ati, peterelbinamla deice arye, ‘Na pil donamle’ tenen, narye anyup wipdeipse.

1 Korintus 9:1

Ara, yuk yupu ton nyapnusine. Nara, yatanye birye, tapu koubuka talipnuka ati, na tenepnye touk kum winiptinye do? Kume, narye, ‘Winipnune,’ tenepnye touk wininune. Allah arye nati, ‘Na yupu peterelbana ati, deiya kouna deiyoknye, Rasulnye unamle’ tenen, Wibuka kum deipnukbuk, pil kum donun do? Wibuka deipnukbuk, el piluk donun do? Kume, elce wipdeipnukba, apiluk talibuka donune. Tonda, nun Deiyoknye Yesus na asing arye, kum eiyamse do? Kume, na asing arye, eiyamse. Yuk nang arye nati, “Kume, elda talinye,” nyaninyak bukni, anggun Korintus mutuku ninye tenipdelulume. Yesus ap kanye talima dukdongobuka pil dolamsibuk, apil dolamsa nong ubuk ning ara, anggun dib kum teneplum do, kum do? Kume, na wa wiamsa nong ara, anggun akunum dib teneluluma ati nyapne. Na wa wiamsa nong ubuk ning ara, anggun uka.

1 Timotius 1:7

Anang ara, utenenyake. ‘Kume, Allah arye, “Wininamlulume, aning ton kum wininamlulume,” nyapdeibukura, Musa sekeiyamsuk yupu ara, nunce peterena deiyok nang atonun unamabe’ tenen, wininyak bukni, dipkoprop ara, sikce, ‘Dipkoprop deiyok ara, ani’ tenen, mikip arye peterenyaka deiyok yupu ap, talye sisiklamak yupu ap ara, sik babye, ton pia walwale. ‘Deiyok ani’ tenen, moubuka kum tenenyake.

1 Timotius 2:7

Allah arye, ‘Ninye mutuku-mutuku nirya noutamak, kili sal weik arye lyeptinye’ tenen, patalula anya arye, ‘Paulus arye ninye lyena ati lak teleb yupu deiyok kounanye, Rasulnye kiplirye, peterepra binamle’ tenen ati, wipdeipnuke. Tonda, ‘Yahudi yala kum ninye babye, Allah el dipkoprop yupu kekebuka, dib tenepnamak’ tenen, peterena deiyoknye kipdeipnukura, unune. Ayupu ara, tilila kum nyapne. Dipkoprop nyapsine.