2 Tawarikh 8:4 - Eipomek

⁴ Winibikopura, weik buta mutuku noutam bukni, amutuku si ara, Tadmor mutuku, el yin talin nang arye mikip kibuka olamikce, amutuku noutam uamuk weik asik ara, el pil don nang arye lipsisikuka domik. Winibikura, anyaik cang weik keil poka dobuka antanapdongobikce, pala weik keil taplakuka yangabuka deibikce, cang keil poka domik. Aning atonun, weik keil poka ton, bona ning ati kintinibuka delina ati, Hamat mutuku noutam uamuk asik dana-dana tam nirya ara cang weik keil poka dobuka antanapdongamik. Tonda, Salomo birye nyapdeibukba, el pil don nang arye, Hamat tam noutam, ninye arye wa wibuka kouamna ani libuka dilamik, ning nirya dobuka, aning-aning nirya dokola delinak ati, deiyok mutuku kiamik.

2 Tawarikh 8:4 ပူးပေါင်းရင်းမြစ်များ

2 Samuel 8:9

Aminyan talak, ninye arye, “Raja Daud birye, Damasyik tam taleamuknye, Raja Hadadezer ap, el yin talin nang ap nirya ara, akunum obukabukce, sirya dakuk ning,” lake nyabikura, yuk ninye deiyoknye, Raja Tou ara, Hamat mutuku taleamuknye arye kekebuk.

2 Tawarikh 17:12

Ati, anoutam ara ninye deiyoknye Raja Yosafat birye, teleb kibuka amutuku talibuka bukamukce, ninye deiyok kinanye mikip weik kiptabaknin balamukce, mikip arye talebuka ulamuk. Yehuda mutuku noutam nirya ara, ‘Yu nang arye olyasicak tenen, weik asik dana-dana tam, kat keil arye cang poka dobuka, antanapdongamikce mikip kipdeibik. Tonda amutuku noutam ara, sik aminyan talak dipnamik ning ap, dekna teleb bona ap, teleb tenen aik pum deilin ning ap, anirya dobuka aik domikak bobinuka delilamuk.

2 Tawarikh 8:3

Tonda, ninye deiyoknye Raja Salomo birye nyabukba, el yin talin nang arye binuka Hamat-Zoba mutuku opyakikce, amutuku nirya dalubuka binuka doprobikce, anang ara Salomo el amu tam ulamik.

2 Tawarikh 8:5

Ati ara, sik anang aryuk, Bet-Horon mutuku eitam ap, tonda Bet-Horon mutuku utam ap, mikip weik arye, cang weik keil poka dobuka antanapdongobikce, akeil poka noutam wekelban bisik bublan ton, poka dobuka tirikdongamik. Tonda, ‘Anyasik ara, malye nang arye talye lukdanuka kum weknamtingeʼ tenen, abublan mikip arye tirikilongona ati, kat ning el si besi arye, cang yo urasin atonun memebuka, abublan-abublan deice domik.

Keluaran 1:11

Mesir mutuku winiryuk Raja, Firaun arye nyapdeibukba, el mapu arye, pil dona deiyok nang, yu nang dobuka kintinip deibik. Ara, ‘Sik Israel ninye kalikikirye, ikin ning, sik nong deice deipnamak’ tenen, wipdeibik. Winibikba, ayu nang arye, Israel ninye mikip arye talibukabikce, sik nong deice, ikin pil pia weik deibikba, ikin kanye bobuka, weik ikin piluk dolamik. Ara, Israel ninye arye, Firaun el ‘Na’ tenen ning delinak ati, kota si Piton mutuku ap, Ramses mutuku ap, pia ikin pil dolamika deice arye, akota bitinye pil dolamik.