2 Tawarikh 8:18 - Eipomek

¹⁸ Tirus mutuku taleamuk ninye deiyoknye, el si Raja Huram birye, el amu tam pil don nang, laut kwen deice weik mek bukna yo, el si kapal bukuka bana ati, pia weik kel bikamik nang el Huram mapu ton wibuka doprobuk. Winibuka ura, Raja Salomo el mapu ap, sik neika amek bukna yo, el si kapal uk dobuka balamik ani, otam pera omutuku si ara Ofir mutuku biyik. Ofir mutuku akunum binuka, sik anang arye dekna weik kat ning, el si emas, el ikin ara, lima belas ribu (15.000) kilo gram, bobiyikce dobuka ninye deiyoknye Raja Salomo el un dam tamubuka boyayik.

2 Tawarikh 8:18 ပူးပေါင်းရင်းမြစ်များ

1 Raja-Raja 10:22

Ara, Salomo el Tarsis mekwen deice kapal ap, Hiram mutuku deiyoknye mekwen deice kapal ap, keting tamun winilye noutam bukni, like tonok kat keil urasin teleb ning el si ara emas ap, tonda kat ning urasin teleb ning bukni, mitang ning ap, tonda gaja basam atonun ning ap, bai tam ulamlanye el si kira ap, merak maka ap, bobuka yangalamuk.

2 Tawarikh 9:10

Tonda, Raja Huram el mapu ap, Raja Salomo el mapu ap nirya arye, laut kwen deice balamik ning, el si ara kapal laut, libuka dekna pia weik ning el si ara, emas teleb ning, Ofir mutuku arye boyanuka libikopura, akapal deice arye boyayik. Tonda, urasin pia teleb yo lakase, el si ara cendana yo (keipyal yok atonun) lakase ap, tonda urasin teleb, dekna pia weik keil ton pia weik arye boyayik.

2 Tawarikh 9:13

Keting tamun, aketing tamun nirya bukni, tonok keting tamun noutamak ara, yuk mutuku nang arye Raja Salomo biti, bulubuka arelyangalamik dekna weik ning emas ara, pia weike. Ara aketing tamun nirya ara, duapuluh tiga ribu (23.000) kilo gram dekna weik kat ning emas dobuka arerilyangalamikba, dololamukce ‘Naʼ tenen, delilamuk.

2 Tawarikh 9:21

Tonda, Salomo birye, ‘Nara yuk pera mutuku binuka, teleb ning deknamne. Opera mutuku ninye ap, na ap, dekelanamapʼ tenen, el mekwen deice bana ati kapal ara, kapal laut, weik memelamik. Akapal laut ara, mikip weik arye pera Tarsis mutuku binmanto kapal laut uk memamuk. Huram mutuku deiyoknye, Raja arye nyapdeibukba, el mutuku kel nang arye, mekwen deice ban ning, kapal laut memebuka domik. Memebuka deiamika ara, keting tamun winilye akunum upneura, akapal arye like tonok karin aryuk pera mutuku arye, Salomo un dam berekelyangalamik. Akapal pum tam ara, teleb ning emas ap, kat ning urasin pia teleb ning, kat ning perak ap, weik gaja basam yang belyamuk ning ap, tonda maka si merak maka ap, dopnarye, Salomo biti arelyangalamik.

Penghotbah 2:8

Tonda, na taleamse mutuku noutam, Provinsi deiyok nang ap, tonda, yuk karin mutuku talibuka ulamik nang, Raja-Raja nang arye, na dam bobuka arelyangalamnik teleb dengna weik ning ara, emas ap, perak ap arelamnikba, narye aning nirya bulubuka delilamse. Tonda, na kanye delilana ati, mot nyan nang sal ap, kilapu ap, dopdeipsiba, sikce mot nyalamika deice arye, nati kanye teleb kililamnik. Aninguk kum bukni, tonda na patalamnukba, naryuk tenelamse touk, kilapu babye, yupa pia weik arye dolamse deice arye na kanye delilalamse.