2 Tawarikh 8:10 - Eipomek

¹⁰ Tonda, Raja Salomo el pil anirya dolamik nang, yupa pia weik ulamik ati ara, anang sik deiyok nang ara, yupa weik dua ratus lima puluh (250) nang ton webuka deiamukak, sik anang arye, Salomo el pil yala-yala nirya dona ati wibuka deiamukak dolamik nang ati kaliklamikce pia ikin pil dilamikba dolamik.

2 Tawarikh 8:10 ပူးပေါင်းရင်းမြစ်များ

1 Raja-Raja 5:16

Ura, apil don nang ara pia weik ati ara, anang sik pil deiyok kin nang ati ara, Raja Salomo birye yuk nang ton wipdeiamuk. Ara, 3300 nang wipdeibukba, anang arye sik yuk talye pil don nang ati, ‘Wininamlume, wininamlume,’ nyabuka, yupu bokolilamikce kaliklamik.

1 Raja-Raja 9:23

Bukni, Raja Salomo birye, anyasik-anyasik tamubuka lipsisikuka dona ati ara, apil eibikirye, ‘Winipnamlume, aning ton winipnamlume,’ nyana deiyok nang ati, Israel yala ninye koproba ton, wipdeibukba, apil talibuka dolamik. Salomo el pil yala-yala nirya dona ati wipdeibukba, deiyok nang kibuka, pil dolamik nang ara, yupa weik lima ratus lima puluh (550) wipdeibukba, apil ati kaliklamik. Sikda deiyok kibuka ulamikce, ikin pil dilamuk ninye, yuk mutuku ninye ati, “Wininamlume,” nyabuka, pil dolamik.

2 Tawarikh 2:18

Sik anang kan-kan bukni, ton yupa tujuh puluh ribu (70.000) nang ara, anyaik don ning bolsusuna ap, boyangana ap ati, anang ati apil arebuk. Atonun delapan puluh ribu (80.000) nang ara, ‘Urasin teleb keil memebuka deipnamakʼ tenen, mutuku kon keil teleb uka boyanganamak tenen wipdeibuk. Tonda, tiga ribu enam ratus (3.600) nang ara, ‘Apil winibuka dopnulume,’ nyana deiyok nang ap, tonda apil deiyok kibuka donamakʼ tenen, wipdeibuk.

2 Tawarikh 8:11

Ninye deiyoknye Raja Salomo, Mesir mutuku arye taleamuk deiyoknye birye deiamuk kil, Salomo birye domuk. Domokba, akil ara, minop talak Salomo el li Daud, elce domuk pia teleb aik pum tam ulamuk bukni, Salomo birye, Kume akil ara, Daud el weik aik pum ulamuk bukni, Allah arye nyapdeiamuk yupu dobuka teleb yo deice pum tam dongobik ning, el si Peti Perjanjian, aning ara Daud el aik tia talak ati, deiamik ati ara, anyaik akunum pia lek atonun ulule. Ati ara, narye Mesir mutuku arye domse kil ara, tuba Daud aik kum unamle tenebukce nyabuk. Ati akil dobuka, yukak deibuk. Ara, Salomo birye akil ati, yukak, aik dobuka kintibukura, akil asukumuk ulamuk.

2 Tawarikh 8:9

Bukni, Raja Salomo birye Israel yala ninye ati ara, ikin pil ton dipneura, kum dolamik. Aning kum bukni, Raja Salomo birye sik Israel nang ati, yin talin nang kilina ap, yin nang yupa yuk-yuk ati deiyok kin nang ap, sik ayin talin nang nirya ninye deiyoknye kin nang ap, tonda kereta perang ning deice tikuka ban nang, sik deiyok kin nang ap, tonda kuda basam balye deice bukuka, ninye olban nang ap, apil don nang uk, Israel yala nang webuka delilamukce, apil arelamukba, talebuka dolamik.