2 Tawarikh 6:3 - Eipomek

³ Atalak aryuk, sik Israel nang nirya anyaik dam atikmeka ati, atalak aryuk, ninye deiyoknye Raja Salomo birye, ‘Sik Israel nang pia teleb unamakʼ tenen, sik timekak eibukce, sik deice teleb yupu nyapdeibuk. Ninye deiyoknye Raja Salomo birye nyabuk yupu ara ani.

2 Tawarikh 6:3 ပူးပေါင်းရင်းမြစ်များ

1 Raja-Raja 8:14

Ura, sik Israel ninye nirya mining dam tuba tikmek talak ara, Salomo birye ‘Israel nang teleb upnamak’ tenen, teleb yupu nyapdeibuk.

1 Tawarikh 16:2

Atalak ara, Daud birye domba ato ning nirya obuka, uku dongobikce, yuk teleb arin ning akunum arebuka sirya dakdongobikopura, el adiparyuk Allah ati morobuk. Ara, “Nun Israel mutuku noutam unyap nang nirya ap, nun mutuku ap, na ni Allah, ance teleb kipdeipsimince melipsutume,” nyabuka morobukce, Allah el si deice arye, ‘Israel nang nirya ara telebuk unamakʼ tenen, elce teleb yupu nyabuk.

2 Tawarikh 31:8

Arelyangalamik ning ara, pia weik kibukba, Raja Hizkia ap, el amu tam pil dona deiyok nang ap, sik nirya arye eibuka bikikce, Allah ati, “Telebe,” nyabuka, el si erebik. Tonda, Allah el mapu, Israel mutuku ulamik nang nirya ati, ‘Allah arye Israel nang ati, teleb kipdeipnamleʼ tenen, teleb yupu nyapdeibik.

2 Tawarikh 6:2

Bukni na ni koproba Allah, wini talak ara, ‘Allah ara anyaik noutam unamleʼ tenen, narye anti, pia teleb aik akunum kintinibuka dopmakine. Anyaik dopsa deiyok ara, ‘Ance anyaik wekmince, asukumuk pia unamlamʼ tenen, dopkise,” Raja Salomo birye nyabuk.

2 Tawarikh 6:4

“Nun ni koproba Allah Yahweh, ancuk nun Israel nang ati, pia kalekuka melisilyam touk, tuba melinamsilame. ‘An si ati pia telebe,’ nyabkiyabe. Anda, nun ni koproba Allah tonok ulyame. Na ni koproba ance, na ni koproba Raja Daud biti nyamlum yupu ara, anyapdeiamlum touk wini talak an taruk aryuk akunum winipmasilame. Ara, nong akunum upmasile. Nun ni Allah ance nyapdeiamsulum yupu ara ani. Allah arye nyapdeiamuk.”

Yehezkiel 46:10

Sik ninye deiyok nang Raja, Allah Yahweh el aik wekelbinukce talak ara, sik talye Israel nang babye, amutuku noutam unyak nang ap, Raja ap, neika wekenamnyake. Winipmaca ani, tamubuka binukce talak nirya babye, neikto touk tamubuka binamnyake.

Matius 13:2

Peterenmok bukni, el dam yanuka wekmek nang ara, yupa pia weike bulubuka yanmeka ati, Yesus ara mekwen deice kup-kup ak, mek lia yo deice bukmokce, amekwen lilkwa koprop tikuka wekmek nang ati, el yupu peterenmok.

Yosua 22:6

Yosua birye, sik anang ati, teleb yupu nyabuk. Ara, ‘Allah arye anang ati, melipliba sikda, pia telebuk unamakʼ tenen, teleb yupu sik deice nyapdeibuk. Tonda, sik anang ati, “Teleb aryuk, Kanaan mutuku batakuka, tamubuka sik mutuku, Yordan mek koubuka, otam keting panalyangan tam, dabinuka unamlulume,” nyabukopura, sik nirya ara, sik unamik mutuku koproba biyik.