2 Tawarikh 4:21 - Eipomek

^21-22 Tonda, keit ning bunga-bunga ap, yuk weisa-weisa upna lampu ap, tonda aweisa upna arye, ‘Uku buk teleb lapnamleʼ tenen, seken ning el si sumbu ap, mek din makau cangkir ap, weisa upna tangan ning ap, mek makau mangkok ap, nintong teleb len ning deilin piring ap, uku kalum deilin piring ap, Allah el Pia Teleb Lek Aik pum noutam bisik bublan trikilongon ning ap, Allah Yahweh el aik bai tam arye, aik bisik bublan wekenak ati, abisik bublan trikilongon ning ap nirya memepdeibikura, dekna weik ning emas arye taplak deibikce, memebuka deibik.

2 Tawarikh 4:21 ပူးပေါင်းရင်းမြစ်များ

1 Raja-Raja 6:18

Tonda anyaik pum noutam nirya ara, nintong teleb yo, kepyal yo lilibukabikce aik abilinga pibik. Winibikopura, ‘Urasin teleb upnamle’ tenen, bukmebuk urasin atonun gambar kibuka puturubuka delilamik. Tonda, bunga kait obuka lalamle touk gambar kibuka puturubuka delilamik. Winibikopura, anyaik abilinga urasin pia teleb ubuk. Anyaik noutam ara kepyal yo laka ubuk bukni, keil ara laka ton kum ubukba kum eibik.

1 Raja-Raja 6:29

Allah el si eren aik pum tam abilinga urasin nirya ara, Kerub gambar puturubikce kweirya dopdeibik. Tonda korma yo ap, bunga urasin teleb ning ap, aning urasin atonun ning puturubik. Ara, abilinga urasin deice arye puturupdeibik.

1 Raja-Raja 6:35

Abublan bitinye deice babye, ‘Urasin teleb upnamle’ tenen, Kerub gambar ap, korma yo gambar ap, bunga kait lalamle gambar ap puturupdeibik. Agambar deice nirya ara emas dobukabikce taplak dongobuka deibik. Urasin pia teleb ubuk.

2 Tawarikh 4:20

Tonda, Salomo birye, “Winipnamlume,” nyabuk touk, sikce weisa deilinak ap, aweisa amu tam el yan dam moron ning ap, dekena weik kat ning, el si emas pia talin ning arye memebik. Aweisa ara, Allah Yahweh el Pia Teleb Lek Aik dam bukni, bisik dam binuka deibik.

2 Tawarikh 4:5

Weik mek makau ato ning, el si bak nyanyak ning, bol bukam ara, 75 milimeter, ninye taruk tatang atonun ubuk. Amek makau bak kup-kup tam ara, ninye arye mitik mek dilamak makau kup-kup tam ulamle touk kibuk. Tonda, el kup-kup tam ara, teleb keit ning, kisok bukuka bisik botolilamikce, kintinilamikba, uamuk. Amek makau pum noutam ara, mek lina el ikin ara, winipmanto enam puluh (60.000) liter mek dikdongobik.

Keluaran 37:20

Alampu weisa kwa lekuk ning dam ara, bunga badam atonun ning, dumbarye kintinibuk ning ara, el kait popnulya ati, irin ning yoklamle ning ap, el irin ning ap, kintinibuka deibuk.