2 Tawarikh 29:4 - Eipomek

⁴ Tonda, Hizkia birye, “Winida anggun bulubuka weknamlume,” nyabukura, Allah el si eren aik bukni, keting panalyangan tam anyaik damuk, sik imam-imam nang ap, sik pil melina ati Lewi yala nang ap, sik nirya bulubuka weikikce, el yupu kekebik.

2 Tawarikh 29:4 ပူးပေါင်းရင်းမြစ်များ

2 Tawarikh 29:3

Hizkia birye, ninye deiyoknye kibuk talak ara, keting tamun tonok kubukbuk, wala babye tonok kibuk talak aryuk, elce Allah si eren aik bublan nirya tirikdongamik ning ara, kukeibukce, anyaik noutam malye uamuk bublan nirya ara, “Wini talak arye, moubuka dopnulume,” nyapdeibuk.

2 Tawarikh 29:5

Bulubikopura, Hizkia birye sikti, nyabuk. “Ura anggun Lewi yala nang, anggun nirya ara, ‘Allah el piluk teleb kibuka dopnamapʼ tenen, anggun malye winin ning nirya batakmunce, pia teleb kililanamlume. Tonda, anggun apu yapu arye si erelamik Allah, el si Yahweh, el si eren aik babye, pia mingne kipdeipnamlume. Nun ni koproba Allah arye, ‘Na lik,’ tenelul malye ning ara, anyaik pum tam ton awamlye ning ara, nirya dobuka donoknamlume. Anyaik babye, ‘Allah el ning ululeʼ tenen, apil doprumunce, anyaik kintinipnamlume,” nyapdeibuk.

2 Tawarikh 32:6

Winibukopura, amutuku ulamik nang nirya ati, ‘Sik yupa yuk-yuk deiyok kibuka talipnamakʼ tenen, yin deiyok nang ton wipdeibuk. Winibukopura, Raja arye sik nirya ati, amutuku asik dolamik wekelyangan bisik, weik bublan tam ara, “Anyaik noutam weik lo uamukakuk, bulubuka yamunyakarye, na dam wekelyamunce, na yupu kekepnamlume,” nyabukba, sik nirya bulubuka yana wekik. Wekikopura, Raja Hizkia birye sikti, nyabuk.

Nehemia 3:29

Asukum ara, ninye si Imer el mi Zadok birye, acang keil poka el aik dam arye, dukdongobuka domuk. Abinuka dopnin balamuka ani sukdongamukak ara, yuknye ton el si Sekhanya, el mi Semaya birye, dukdongobuka dopnin balamuk. Semaya bira, keting yangan tam botopdeiamik bisik bublan dam, kalikina deiyoknye ulamuk.

Yeremia 19:2

Ara sik ap, an ap, neika Hinom birye deibuk mi, el lyu weik mutuku si ati, Ben-Hinom mutuku nyabuka, si nyalulum mutuku lyuak binamlulume. Bimunyopura, weik cang keil poka, bublan botopdeibikba, bai tam bakirye, kiri tuku dobuka, memelinyak mek makau colopmalye ning dobuka, donokolbalamak bisik, wekuka binamlulume. Akunum wekuka bimunyopura, narye nyapnamkin yupu nirya ara, sik anang dam nyapnalyame.

Imamat 14:42

Winibuka adakuka dopkwetepmunye keil, winiryuk abilinga pununa ati ara, adiparyuk winiryuk keiluk punupnamlulume. Anyaik abilinga taram winiryuk keil deipmamunye ning nirya ara, taplakne ning, el si pelester winiryuk ninguk tapdeipnalume. Ara, ‘Aik taram urasin teleb upnamleʼ tenen, taplakne ning, el si pelaster ati nyapneʼ tenen ati nyapne.