2 Tawarikh 28:1 - Eipomek

¹ Ahas el keting tamun 20 tahun akunum kibuk talak ara, ninye deiyoknye Raja kibuk. Winibukce, Yerusalem mutuku talebuka ulamuk keting tamun nirya ara, 16 keting tamun deice arye mamuk. Elda ninye deiyoknye Raja Daud, el deipkirikdopnye birye, pia teleb ulamukak, Allah Yahweh arye Daud biti, kanye pia deiamuk touk kum ulamuk. Ahas el ulamuk talak ara, malye ning ton talebuka ulamuk ati, Allah Yahweh arye, el kanye tenina ara, ‘Na like,’ tenelamuk.

2 Tawarikh 28:1 ပူးပေါင်းရင်းမြစ်များ

1 Tawarikh 3:13

Amazia birye, Raja kin ning sirya dakukopura, el mi Yotam birye, ninye deiyoknye talibuka, Raja kibuka daulamuka ani, el mi Ahas deibuk. Yotam birye, Raja kin ning sirya dakukopura, el mi Ahas birye, ninye deiyok talibuka, Raja kibuka daulamuka ani, el mi Hizkia deibuk. Hizkia birye, Raja kibuka daulamuka ani, el mi Manasye deibuk.

2 Tawarikh 17:3

Yosafat kabunye tuba ulamuk talak ara, el apu koproba Daud birye diksukum kibuka ulamuk touk, el babye teleb kibuka ulamuk ati, Allah Yahweh arye, Yosafat biti pia melilamuk. Tonda, Yosafat elda, isa si Bahal, atalye ning ati, Yata wiripnamle do?’ tenen, elti, morobuka, si ton pia kum erelamuk.

2 Tawarikh 27:2

Yotam birye, el li koproba, Raja Uzia bira, Allah Yahweh arye, “Aning ara wininamlame, aning ara pia kum wininamlame,” nyapdeiamuk ning ati, talibuka ulamuk touk, Yotam babye aninguk talebuka pil dolamukce, teleb ulamuk. Allah el kanye ara, ‘Aning ara telebe,’ tenelamlum ninguk, Yotam birye aninguk talebuka winilamuk. Bukni, Raja Uzia birye, Allah Yahweh, el si eren aik pum tam talye lukdanuka wekuk touk, Yotam birye, aning atouk pia kum ulamuk. Elda teleb winilamuk bukni, elce taleamukak, amutuku noutam ulamik nang arye, malye un ning tuba talibuka ulamik.

2 Tawarikh 27:9

Aminyan sirya talak ara, Yotam bira el li yapu diplamik touk, el babye dibuk. Winibukopura, Raja Daud birye, minop talak taleamuk mutuku uk binuka, el nong weibik. Yotam dibukopura, el mi Ahas birye, el apu yapu pununa ati, ninye deiyoknye Raja kibuk.

2 Tawarikh 28:19

Aning winibika deiyok ara, Yehuda mutuku talebuka ulamuk ninye deiyoknye Raja Ahas elce, Allah nyabuk ning ara, moubuka kum kekebukce, batakuk. Tonda, elce, ‘Yatanye birye nati wenepmantonye, ton kum ulule. Ati, nara talye malye winin ninguk, luparabuka wininamne,’ tenelamukce, Yehuda mutuku noutam ara, pia malye weik winilamuk. Tonda, Allah ati batakuka, yuk talye ning talebuka, talye isa si erelamuk. Tonda, elda diksukum pil ton kum dolamuka ati, Allah Yahweh arye, Yehuda mutuku noutam ara, kanye imun weik ning weika arye, areamuk.

2 Tawarikh 29:2

Hizkia birye, Yehuda tam talebuka ulamuk talak ara, pia teleb kibuka pil dolamuka deice arye, Allah el kanye teleb tenelamuk. Ara, el apu koproba Raja Daud birye, diksukum talebuka ulamuk touk ulamuk.

Yesaya 1:1

Abuku sekamuk ning deiyok ara, Yehuda yala ninye ap, Yerusalem mutuku ulamik ninye ap arye, winilamik ning ati, Allah arye el yupu lak lena deiyoknye, nabi Yesaya biti, nyabuk. Yesaya el li bira, el si Amos. Anyabuk ning ara, Yesaya lengdar malamuk ning ap, Allah arye el talima pum tam yupu nyalilamuk ning ap ati, Yesaya birye sekuk. Atalak ara, Yehuda yala ninye, sik ninye deiyok nang, sik si ara Uzia ap, Yotam ap, Ahaz ap, Hizkia ap, ulamik talak noutam, Allah arye Yesaya el talima pum tam, laka len yupu nyalilamukba, ayupu nirya kekelamukce seklamuk. Ayupu ara, Yehuda yala ninye ulamik ning ap, aminyan talak winipnamuk ning ap ati seklamuk.

Hosea 1:1

Yehuda yala ninye ulamik mutuku talibuka ulamik ninye deiyok nang, sik si ara, Uzia ap, Yotam ap, Ahaz ap, Hizkia ap, sik anang arye, Yehuda mutuku noutam ulamik nang nirya taleamik talak ara, Allah Yahweh arye, nabi Hosea biti yanuka, yupu nyalilamuk. Atalak noutamuk, Israel ninye talina ati, sik ninye deiyoknye bira, Yoas el mi Yorebeam birye, Israel yala ninye taleamuk. Winibuka taleamuk talak ara, Allah Yahweh arye, ninye si Beri, el mi Hosea biti nyalilyangalamuk. Israel ninye ap, Yehuda tam ulamik ninye ap arye, Allah el yupu nyapdeiamuk atonun, kum winilamik ati, Allah Yahweh arye, Hosea biti anyuk nyabuk.

Mika 1:1

Minop talak ara, Yehuda tam nirya ap, Yerusalem mutuku noutam ap, Samaria mutuku ap, winilamik ning nirya ati, Allah Yahweh arye elilamuk. Elilamukce, ninye tonok, mitik mutuku, el si Moresyet mutuku arye, deiamiknye el si ara, Mika ulamuk. Anye el dam, Allah Yahweh yangalamukce, el yupu laka nyalilamuk. Ayupu yanuka laka nyalilamuk talak noutamak ara, Yehuda yala ninye tam talina ati, sik ninye deiyok, Raja nang wibuka deipra balamikba, sikce ninye deiyok kibuka, talipra balamik nang, sik si ara, ani. Ara, Yotam ap, Ahaz ap, Hizkia ap, sik anang arye, ninye deiyok nang Raja kibuka, Yehuda tam ninye talipra balamik. Allah arye, nabi Mika biti, laka nyalamuk yupu ara, lengdar mapna deice arye laka nyalamukba, Mika birye eipman ning ap, kekepman ning ap ati, laka nyabuka sekelilamuk. Ara, Samaria tam ap, tonda Yerusalem mutuku noutam ulamik ninye ap ati, Allah arye laka nyalilamukba, Mika kekelamukce, seklamuk.

Matius 1:9

Uzia el mi ara, Yotam. Yotam el mi ara, Ahas. Ahas el mi ara, Hisikia.