2 Tawarikh 27:2 - Eipomek

² Yotam birye, el li koproba, Raja Uzia bira, Allah Yahweh arye, “Aning ara wininamlame, aning ara pia kum wininamlame,” nyapdeiamuk ning ati, talibuka ulamuk touk, Yotam babye aninguk talebuka pil dolamukce, teleb ulamuk. Allah el kanye ara, ‘Aning ara telebe,’ tenelamlum ninguk, Yotam birye aninguk talebuka winilamuk. Bukni, Raja Uzia birye, Allah Yahweh, el si eren aik pum tam talye lukdanuka wekuk touk, Yotam birye, aning atouk pia kum ulamuk. Elda teleb winilamuk bukni, elce taleamukak, amutuku noutam ulamik nang arye, malye un ning tuba talibuka ulamik.

2 Tawarikh 27:2 ပူးပေါင်းရင်းမြစ်များ

2 Tawarikh 26:4

Ura, el li koproba Amazia birye dipkoprob uk winilamuk atonun, Uzia babye, elce amutuku talebuka ulamuk talak nirya ara, pil teleb kibuka dolamuk ning ati, Allah el kanye teleb ulamuk.

2 Tawarikh 28:1

Ahas el keting tamun 20 tahun akunum kibuk talak ara, ninye deiyoknye Raja kibuk. Winibukce, Yerusalem mutuku talebuka ulamuk keting tamun nirya ara, 16 keting tamun deice arye mamuk. Elda ninye deiyoknye Raja Daud, el deipkirikdopnye birye, pia teleb ulamukak, Allah Yahweh arye Daud biti, kanye pia deiamuk touk kum ulamuk. Ahas el ulamuk talak ara, malye ning ton talebuka ulamuk ati, Allah Yahweh arye, el kanye tenina ara, ‘Na like,’ tenelamuk.

Mazmur 119:120

Tonda, ance ninye tukwak nang nirya ati, moubuka dipdesimince, ninye yupu bokeipsimince, wenebuka menenga ning arepnamsilama ati, narye anti, pia ilil weik unulul ati, na nong nirya ara, birbir abuka, sirim talinulule.

Keluaran 32:7

Wininmekba, Allah el si Yahweh arye eibukce, Musa biti, nyabuk. “An Mesir mutuku arye boyanamlum ninye, sik unyakak ara pia malye-malye akunum wininyaka deice arye, malye winililanmak ati, anda min pola amutuku dup arye, sik unamakak kouluka bilyame,” nyabuk.

Yesaya 1:4

Ati, sik malye wininyak ninye ara, bicoe. Sik donirye deipdanin yangalamik ninye arye, malye ning weik tonun winipra yangalamikce, na yupu yaniltalamnike. Aning atonun, sik mapu babye, malye-malyeuk wininyake. Na Allah Yahweh, aning-aning nirya talibuka, deice tam Weik Eitam Ununye birye, na nyanun touk unune. Nara, pia telebnye, malye una kumnye birye, Israel ninye ati, pia kalikuka melinun bukni, sikce batakaninyake. Sik nirya ara, na dam kum unyakce, nati donga aninyakce, yuk pera sukumuk unyake.

Rasul 5:13

Yuk nang nirya arye, Yesus diba tenebik nang ati, ‘E anang teleb nang,’ tenelamik bukni, Ananias ap, Sapira ap, dipmarika ati, ilil unmoka ati, ‘Yesus dib tenelamik ninye dam bibirye neika kum unamabe,’ tenelamik.