2 Tawarikh 24:2 - Eipomek

² Imam Yoyada, kam tuba ulamuk talak ara, Raja Yoas birye, pil yala-yala nirya talebuka dolamuk ning ara, Allah arye, ‘Aning ara, teleb,’ tenelamuk touk, dipkoprob uk ulamuk ati, Allah Yahweh el kanye teleb ulilamuk.

2 Tawarikh 24:2 ပူးပေါင်းရင်းမြစ်များ

2 Raja-Raja 12:2

Ninye deiyoknye Raja Yoas bira, Israel tam taleamuk keting tamun nirya ara, teleb ubuka ulamuk. Ara, Allah Yahweh, el kanye arye, ‘Aning ara, telebe,’ tenelamuk ning ara, imam Yoyada birye, Raja Yoas biti moubuka peteryamukba, bikamukce, teleb ubuka ulamuk.

2 Tawarikh 24:3

Imam Yoyada birye, Raja Yoas dopnamuk kilapu ara, bitinye wipdeibukura, Yoas birye akilapu bitinye dobukce, sal mapu ap, kilmapu ap, deiamuk.

2 Tawarikh 25:2

Amazia birye, Yudea tam talebuka pil dolamuk ning ara, Allah Yahweh arye, ‘Aning ara telebe,’ tenyamukce, el kanye teleb tenelamuk ning ulamuk. Bukni, Amazia birye, el kanye talima noutam arye, aning nirya teleb piluk kum dolamuk. Ton talak wilibuka teleb pil dolamuk, bukni ton talak ara, wilibuka malye ning ton, pil dolamuk.

Yesaya 29:13

Aning-aning nirya ati, Pia Mikip Weik ulye deiyoknye Allah arye, na Yesaya biti nyapnuk. Sik Israel nang ara, yupu deice aryuk, na si ereninyake. Bukni, dipkoprob ara, sik kanye talima noutam arye, nati pia moubuka kum teneninyake. Nati, walwal nang unyaka ati, sikda pia pera ninye asik nang atonun unyake. Tonda, sikce talibuka, si erenyak ning ara, talye nang sik kanye aryuk, ‘Aning-aning talibuka, si erenamlume,’ nyanyak ninguk, sik asok deice deilinyak bukni, sik talima noutam ara, nati moubuka kum tenepnikirye, na si dipkoprob kum ereninyake.

Yehezkiel 18:24

Bukni, ninye ton teleb ninguk, winipnin balamlya ani, aminyan talak ara, aning nirya batakuka, malyeuk uplyopura, kam pia unamle do? Kume, elce diksukum ninguk, winilamlye bukni, aning nirya bataklirye, elda pia malye-malyeuk, unyak ninye winilamak touk, pia winiplinye bira, dipkoprob kam unamle do? Kume, elda kam kum unamle. Teleb ulamlye bukni, tuba tamubuka, malye winin ninguk, deiyok kouplirye, tabakuka weik arye, malye upnin balyopura, min arye teleb winilamuk ning ara, tuba kum tenenamne. Aning kum bukni, malye-malye un ning, yala-yala weik winipnin balye ning ap, nati, ‘Se, na ni koproba, an amu tamuk, pia unamkine,’ nyapnuk bukni, bataknilye ning ap ati, wenebuka opnyopura, dipnamle.