Samuel birye, Saul inibuka asukumuk tikeibukce, nyabuk. “Israel ninyeo, anggun ni koproba Allah, el si Yahweh arye, wipdeipmasilanye bira, eipmalum do? Israel ninye noutamak ara, el urasin atonye, tonok babye ton kum ulule. Pia telebnye bira, el uka,” nyabuk. Nyabukura, sik Israel ninye nirya arye, “Naie, ‘Elda keting tamun yupa weik pia kam unamle’ tenen, nun kanye deipnuyabe,” nyabuka, kanye deibikce, weik yupu deice arye nyabik.
2 Tawarikh 23:11 - Eipomek11 Aning-aning nirya akunum winipmekce, kintinipmek ning ara, imam Yoyada birye, Raja Ahasia, el mi Yoas bobuka, bai tam yayukce, awekmek nang urasin tam deibuk. Winibuk ning ara, Yoas el kisok deice ara, ninye deiyok nang, Raja nang galulamik topi, el si ara mahkota, kalupdeibuk. Tonda, Allah arye sik Raja nang ati, ‘Aning wininamlume, aning kum wininamlume,’ nyapbukba, sekamuk yupu ton dobuka, Raja Yoas biti arebuk. Winibuka deice arye, Yoas bira Israel nang nirya, sik ninye deiyoknye kina ati, erepdeibukba tikuk. Erepdeibukura, Yoyada ap, sik deiyok-deiyok nang arye, ‘Yoas bira, nun Raja unamsilʼ tenen, lakakin ning ati, Yoas el kisok deice minyak zaitun mek dikilin pil dobik. Atalak ara, sik awekmek nang nirya, weik yupu deice arye, “Telebe, anda nun deiyoknye Raja, keting tamun yupa weik arye, kam unalame!” nyabuka, si kinmekce nyanmik. အခန်းကိုကြည့်ပါ။ |
2 Tawarikh 23:11
34 ပူးပေါင်းရင်းမြစ်များ
Ura, aning nirya akunum winibikce, kintinip deibikopura, imam Yoyada birye, Raja Ahasia, el mi Yoas bobinuka, anyaik pum batakuka, bai tam boyayuk. Yoas boyayukopura, Yoyada elce, ‘Anye nun deiyoknye, Raja kipnamsilʼ tenen, pia urasin teleb ning, sik Raja-Raja nang arye, kisok deice kalulamak ning, el si mahkota boyanuka, Yoas el kisok deice kalupdeibuk. Winibukopura, adiparyuk Allah arye, “Aning ara, wininamlume, aning ara, pia kum wininamlume,” nyabuka peteren yupu, sekamik buku dobuka, Yoas biti arebuk. Winibukce, ‘Yoas bira, nun deiyoknye Raja unamsilʼ tenen, laka bikilina ati, minyak mek ton, mitik anun bobinuka, el kisok deice dikeibukura, Yoas bira Raja tikeibukce, “Wini talak ara, anye Yoas, elda nun deiyoknye Raja unamle,” nyabuk. Winibukopura, awinipmuk ning ati, amutuku noutam bulubuka wekmek ninye nirya kekebikce, ‘E, aning ara, pia telebeʼ tenen, sik taruk bokukabikce, kanye pia deibik. Aninye nirya arye, taruk bokukabikce, kanye pia deibikce, sik nirya tonok kanye bobuka, “Nun deiyoknye Raja ara, keting tamun yupa weik, kam pia unamle,” nyabik.
Ance dekuka lyeplum ninye nirya ara, “Nun ni Allah el amu tam bukuka, elti, pil donyaka deice arye, yuk ninye im sirya, mutuku sirya nirya, ‘Allah el yupu kekenamak’ tenen, teleb kipdeiplume. Teleb kipdeiplumba, Allah arye, ‘Sikda na tenen ninye’ tenen, aninye nirya talilule. Talilirye, sik dobuka, ‘Weik ninye deiyok nang unamak’ tenen, ninye deiyok kina ati deiyok ning areplumba, tukwak mutuku nirya talibuka unamake,” nyabuka mot nyanmekba, kekepse.
Sik nirya arye Allah el urasin tam bukni, el si erena ati, tuku deice gutam tuku dipdongobikirye, el si weik arye erenyake. Amambul bun ning deice bululnye Allah ara, pia kamuk unamle. El pia min kum kum danamle. Sik 24 deiyok nang arye, sik kisok deice koupdongamik emas ning kwiribuka el bun dam tuku deice deibikirye, ayupu nyanyake.
Apia mambulnye bukmokak, dana-dana nirya ara, im deice ninye deiyok nang bun ning ton, yupa weik 24 ubukba, eipse. Abukmok ning deice ara, sik talima wisamukba, Allah kum batakmanto nang, weik deiyok nang, 24 nang bukmekba, eipse. Adeiyok nang nirya ara, pia teleb kurun baju ongopmekce, sik kisok deice ara, emas ato ning el si ara mahkota, kalupdongopmekak, eipse.
Ura, na kayapu, na nyapnusin yupu moubuka kekeplulume. Aning kum tenipmalum do? Sik diba tenena kum arye, talye tukwak ninye nirya arye, ‘E, anang ara, pia talye kankan ninye anya arye, sikda mambul pia kume,’ tenelamsikce nang ara, Allah arye akankan unyak ninye ara, kunum wipbuke. Allah arye wipsuka ara, ‘Dib tenena deiyok ning ara weik arye arepnamne’ tenen, anang wibuk. Deiyok ara, anang ara na Allah ati, ‘Weik arye diba tenenamniyake,’ tenepsuke. Ura, yata winin ning do nirya, Allah elda ikin kum uptue. ‘Aning-aning nirya kanam aniryuk ulule’ tenen, Weika arye diba tenenyaba anya arye, bona weik kum talinyab bukni, bona weik talinan nye atonun akunum kipdeipsuke. Tonda, Allah arye, ‘Na ti, kanye deibuka ulamice nang ara, na im deice talibuka unye ning ara, sirya talak arepnamsine,’ nyapdeiamsuk touk, arepsilibuk dolonamabe. Ati, talye kankan ninye wipsuka ara, kum tenipmalum do?
Kanye imun ning uplirye, winilelye talak kum batakalirye, pia palibuka pil dolamlenye bira, kanye deibuka telebuk unamle. Ara winildena talak noutam nirya arye, ikin ning weik ulamlye bukni, elda pia darapdongobuka ulamlyopura, el dekna ning dopropnamle atia. Amenenga ning dopropnamle ara, Allah arye, “Na ti kanye deipnice nang ara, winibuka arepnamsine,” nyapdeibuk touk, pia kam una deiyok ning dopropnamle.
Aning ara, min kum ululba kum dibinyap bukni, Yesus elda akunum kel bikupe. Allah arye tia talak ati, malaikat deice tam deibukba, daulamika ani, Yesus dobuka, mitik anun sik amu tam deibuk. Min arye, mitik anun arye amutamto deiyamuk bukni, Yesus dibuka anya arye, wini talak ara Allah arye Yesus ati, ‘Weik mambulnye unamle’ tenen, erepdeibukba, ninye nirya arye, elti, weik arye si erenamake. Yesus dibuk ning deiyok ara ani. Ara, Allah el kanye aryuk ninye ati, bico tenyamsukce melipsuka deice arye, ‘Ninye nirya dibikceba kum dakcak’ tenen, nun pununa ati, Allah arye Yesus arepsukba, Yesus arye nun malye winin ning ati kilipsukce, dibuka deice arye lyepsuke.
Yesus banmokak menekuka banmek ninye ap, aminyan yanganmek ninye ap, ‘Yesus ara nun weik ninye deiyoknye Raja upnamsile’ tenen, Allah yupu laka nyalamik nang, nabi nang arye minop talak sekamik yupu dobuka, ayupu weik arye nyapra banmek. Nyapra banmek yupu ara ani. ‘Daud el yala nang arye deibiknye bira, el pia telebe. Hosana. ‘El si erebuka gisal dobabe. Allah el mikip ap, el si ap deice arye yanmasilnye bira, Allah weik arye melipliba, telebuk ulule. Elda weik mambule. Allah anda, im deice umince, weik mikip ulyamnye bira, an si weik arye erepmakiyaba ati, hosana nyababe.’ (Mazmur 118:26) Nyabuka Allah ati weik arye si erenmek.
Yuk mutuku ninye arye, sik mapu ap, sik kilmapu ap dobuka delilyanganamak talak ara, yuk pera mutuku, sik ninye deiyok kibuka taleamik Raja nang arye, Israel yala ninye sik mapu ati, melibuka kalikinamake. Tonda, aRaja nang sik kilapu, weik deiyok kilapu kibuka ulamik bukni, wini talak ara akilapu arye, Israel yala ninye sik mapu ati, melibuka kalikinamake. Sik yuk mutuku Raja nang ap, sik kilapu ap, sik Israel yala ninye sik amutuku tam uk unamake. Winipsikirye anggun, Israel ninye si erena ati, anggun dam yakirye kanupdongobuka si erenamsiake. Sik yuk mutuku weik deiyok ninye, mambul nang ulamik bukni, wini talak ara, talye ninye uk unamake. Anggun Israel ninye dam yakirye, anggun si erena ati, kisok kanupdongobuka tuku deice mabikiba, anggun yan deice upmalye tuku butbuta sik sitang deice palinamle. Sik ninye deiyok nang arye anggun Israel ninye ati, anggun amu tam ubikirye, si erenamsiake. Aning winipsikca deice arye, anggun Israel ninye ara kel biknamnulume. Ara, na si Allah Yahweh nati kel biknumunce, ‘Se, dipkoprob Allah el dem arye apil dopmasile,’ tenenamnulume. Tonda, ‘Allah elcuk melinamsile,’ tenen, natibuk moropnikirye, na si ereninyak ninye ara, malye kanye kum bonamake. Narye aninye ati, dipkoprob melipnamna anya arye, alye kum dakdanamake.
Anggun ton moubuka tenipnululume. Allah arye, nati nyapnukba, sekeipmasin yupu atonun, tenibuka kum nyanyak nang nirya ara, talye nong yokuk unyake. Dan nang do nirya, na sekeipmasin yupu atonun tenebuka, kum nyanyak nang nirya ara, aminyan talak sikda dirina ak kum unamake. Sik nirya ara, dipkoprob kum winipnamake.
Nyabukura, nabi Yesaya birye, ayupu nyabuk. “Allah Yahweh arye, wininamsil ning nirya ara, ‘Moubuka kel kipnamlum’ tenen, sekeipnusine. Ayupu sekdeipnirye, na yupu moubuka talinyak nang arepneba, anggunce, anggun Israel yala ninye ap, Yehuda yala ninye ap arye deipmunyeba, dadeipdanin banamak ninye nirya, kel biknamaka ati, peterelbanamake.
Daud biti, ‘Anye nun lik’ tenen, mal pinamak nang nirya ati, na Allah arye, wenebuka, sik anang nirya, amu tam kipdeipyeura, sik pia alye weik dakdanamake. Bukni, narye wipdeipsinye Daud bira, el ninye deiyoknye kina ati, lak kin ning, el si mahkota ara, ninye arye aning dobuka, Daud el kisok deice deibikceura, el mahkota deice ara, dirina pia weik upnamle! Allah arye ayupu nirya nyabukba, sik mot nyana deiyok nang arye sekik.
Minop talak an yupu lak lena deiyoknye tonok ati, lengdar mana deice arye, yanuka nyapdeiamlume. Ara, “Talye daunmace ninye kan-kan arye, tonoknye ton, narye wipdeipnirye, narye nyapniba, anda na yupu lak lenanye birye, el kisok deice minyak mek dikeipminba, Israel ninye sik deiyoknye Raja unamle,” nyapdeiamlume. “Anye Daud bira, ninye noutamak daulamlya ani, narye erepdeipniba, ninye deiyoknye kiplirye, Israel ninye talibuka unamle,” tenen, nyapdeiamlume.
Ton ning ara, ani. Allah arye, nun apu Yakub biti, “Aning wininamlume. Aning ara, pia kum wininamlume,” nyabuka, mem yupu nyapdeiamukba, Yakub birye kekebuk. Kekebuka ati, nun Israel ninye, yuk-yuk nang nirya ara, Allah arye, amem yupu nyapdeiamsukba, “Wininamlume,” nyabuka ati, ayupu tuba aulule. Minop talak ara, Allah arye, nun apu yapu nirya ati, “Aning wininamlume. Aning ara, pia kum wininamlume,” nyapdeiamuk. Tonda, “Amem yupu ara, anggunce deipnin banamlum mapu ati, ayupu laka nyanauk wininamlume,” nyabuk.
Ninye deiyoknye Raja bira, el kanye talima noutam, weik tonun patanulul ning ara, na ni koproba Allah, ance akunum arenilyame. Tonda, Raja birye, ‘Na ni Allah melipnimince, aning ton arepnilyame,’ nyabuka, morolul ning nirya ara, kum bataklume. Adiparyuk arenilyame. Atonun tonda, ‘Kume,’ kum nyalyamce, “El morolul touk arepnune,” nyalyame.
Winilamik bukni, Raja Yehoram birye deibuk kil, ara Ahasia el makal kil tonok, el si Yoseba ulamuk. Tonda, Allah el si eren aik pum tam pil dolamuknye, imam Yoyada birye, akil domukura, akil Yoseba birye, Ahasia deibuk mi, el si Yoas dobukce duknubuk. Ara atalak, Yehuda yala nang arye, deiamik mapu, Raja kipmanto mapu nirya ara, Atalye birye nyabukba, el tam nang arye wibuka olamik ati, ‘Ami Yoas ton obicak,’ tenebukce, Yoseba birye, sal mi nyana kumce, Ahasia deiamuk mi Yoas doprobuk. Yoas doprobukce, el ap, el kalekuka melin kil ap, tonok man aik noutam arye, dungnubuka daulamdik. Winibuka ati, Allah el si eren aik noutam ara, tonok aik noutam koprop arye, dungnubuka deiamukba, aulamdik. Yoseba birye, ami lyepdobuk deice arye, Atalye birye, ami kum obuk.
Akunum biyikopura, Allah el aik pum tam pil donanye Zadok birye zaitun yo duk minyak mek, teleb cang makau arye libuka, Allah el yupu nyan aik deiamika arye dobuka, Salomo kisok deice dikeibuk. Winibuka deiyok ara, ‘Salomo nun Raja unamsil’ tenen, ‘Wipdeibabeʼ tenen ati, winibuk. Winibukura, ton nang ara, pong-pongan ning, el si terompet pong-pong anmek. Pong-pong anmek talak ara, awekmek ninye nirya arye, “Nun Raja Salomo pia tuba kam unamle,” nyabuka, weik yupu arye, nyanmekce winilinmek.
Gihon mutuku bimunyopura, Allah el aik pum tam pil donanye Zadok ap, Allah el yupu lak nyananye Natan ap arye, Salomo bira Israel ninye sik ninye deiyoknye kina ati, minyak mek kwebuka el kisok deice likeipnamake. Winibuka akunum erepdeipdicopopura, sik yuk nang arye pong-pong ana ning el si terompet pong-pong nyanamake. Winibikiba, sik nirya arye, ‘Nun Raja Salomo bira, kam pia tuba unamle,’ nyabuka, elti, wipnamlume.
Nyabikopura, amutuku-amutuku nirya, sik wisi nang ara, sik deiyok-deiyok nang nirya, Daud dam Hebron mutuku dam yayik. Akunum yayikopura, Daud birye ayanmek nang ati, Hebron mutuku dam arye, Allah kekena ak, lak nyabuk. “Anggunda winibuka-winibuka unamlulume. Nara, anggun ninye deiyoknye Raja unamsine,” nyapdeibuk. Nyabukopura, anang arye Daud biti, “Anda Israel mutuku nang, nun ninye deiyoknye Raja unamsilame,” nyabuka wipdeibike.
Nyabukce, ayupu ton tabakuka nyabuk. “Saul birye nyapnukba, akunum kekebuka bikse. Sikce, Saul akunum opmakba, tukwak sakmo talak ara, dipna dam akunum upmala ati, ‘Tuba kam kum buktue’ tenen, kel kipse ati, el dam yasirye oplopse. Ati opmance, sik Raja weik nang ongolamak ning, el kisok deice kalulamuk ning, el si ara mahkota ap, tarukak dongolamuk ning, el si ara, toupne ap ara, aning dobuka na ni, an dam boyanmakine,” akamnye birye, Daud biti nyabuk.
‘Ninye deiyoknye, Raja unamle’ tenen, Samuel birye Saul biti, wipdeibuk. Tonda, atalak sik Israel ninye ulamik touk, Samuel birye, zaitun yo duk, mek teleb cang makau arye, libuka deiamika dobukabukce, Saul kisok deice dikeibukce, Saul biti, taruk talibukce, ‘Telebe, akunum teleb kipdeipkine,’ nyabukce, amutuku nang ulamik touk, Saul mutubuk. Samuel winibukce nyabuk. “Allah el si Yahweh arye, Israel ninye, sik ninye deiyoknye kina ati, akunum wipdeiamkuke. Ance Israel ninye ati, sik ninye deiyoknye, Raja kipmince, talipnamlyame. Aning ati ara, aminyak mek an kisok deice dikeipmakina ara, Allah arye bikilina ati, narye an kisok deice dikeipmakine,” nyabuk.
Ayo marikna, Peti Perjanjian, el tam bublan, el si ‘Penutup Perdamaian,’ akunum memepmunyopura, deipnamlume. Tonda, amarikna pum peti deice tam bublan min kum tirikdongopmamunyopura, apeti yo pum bisik ara, keil pala bitinye dobuka deipnamlume. Ara, narye, “Aning ara, wininamlume, aning ara, pia kum wininamlume,” nyapdeipsirye, keil pala deice sekuka, deipsise ning ara, anggunce akeil bitinye dobuka, apeti yo pum bisikuk dongobuka deipnamlume. Winipmunce, amarikna pum deice ara, adiparyuk moubuka, el bublan Penutup Perdamaian dobuka, apeti deice tirikdongopmunyeba, daupnamlule.
‘Raja obicakʼ tenen, kalikna ati ninye on ya parang ap, ninye on tombak ap, bopmek nang ara, Allah si eren aik dam bukni, urasin tam ap, tonda Allah arena ati, kam ning obuka, uku dongona ati kintinibik ning, mesba deice tam ara, imam Yoyada birye, aLewi nang bobuka wipdeipmokba, sikce kalikmek. Sik nirya ara, dungnubuka tikmikce, dabu tam, arah selatan arye, dipdongobuka iknapnye tam, arah utam tikmikce, kalikmek.
Asipdeyukce, tonap nyabuk. “Asipdenmakina ara, talye ati kume. Asum ara, Adonia elce, Allah si erena ati, domba basam ap, sapi basam yim ap, sapi mi teleb nebuk ning ap, weik tonun obuka arenmalce, si erenmale. Winipmalce, Adonia elce el kwitcapu, ance deiplum nang nirya ap, tonda, Raja an yin talen nang, sik deiyoknye Panglima Yoab ap, imam Abyatar ap ati, yukupmaue. Yukupmalba, wini talak sik Adonia ap, neika weik yuna kwalepmak ning dinmak talak ara, elti, si erenmakce nyanmake. Ara, ‘Raja Adonia anda pia talepnamsilama ati, anda kam pia unamlame,’ nyanmake.
ကြော်ငြာတွေ