2 Tawarikh 20:4 - Eipomek

⁴ Nyapdeibukura, Yehuda tam noutam ulamik mutuku-mutuku nirya ap, sikce dolamik weik asik nirya ap, mitik asik ap arye, amutuku noutam ulamik nang nirya ara, Yerusalem mutuku binuka bulubikce, sik nirya ara, “Se, nun ni koproba Allah Yahweh, ancuk melipnusilyame. Nunda yata wiripnamap do?” nyabuka moronmek.

2 Tawarikh 20:4 ပူးပေါင်းရင်းမြစ်များ

2 Tawarikh 11:16

El Yerobeam birye, aning pia malye ninguk winilamuk bukni, sik Israel tam noutam ulamik nang, yala nirya noutam arye, sik yuk ninye ara, pia dipkoprob pi dobuka, Allah Yahweh atibuk si erelamik nang arye, Kume, nunda, ‘Nun ni koproba Allah Yahweh arye, Israel yala nang nirya ati melilamuknye, el siuk erenamap tenen, panabuka Yerusalem mutuku biyik. Ara, sik Lewi yala nang arye, Yerusalem mutuku biyik talak ara, anang babye melibuka biyikce, Allah Yahweh el si eren ati, ining ning obuka, uku dongolamik. Ara, sik apu yapu arye si erelamik Allah atibuk, si erelamik.

2 Tawarikh 19:5

Tonda, el amutuku Yehuda mutuku noutam nirya ara, ‘Yuk mutuku nang arye olyasicak tenen, weik asik domikce, anyasik dana-dana tam, cang keil arye poka domikak binuka, sik amutuku ulamik nang melina ati, binuka yupu tanah deiyok nang erepdeibuk.

2 Tawarikh 20:5

Yehuda mutuku noutam ulamik sukum arye bulupmek nang ap, Yerusalem weik asik noutam ulamik nang ap, Yerusalem mutuku bulubikce, Allah el si erena ati winiryuk domik aik dam bukni, anyaik urasin tam binuka bulubuka wekik. Awekmek nang urasin tam ara, Raja Yosafat nebuka tikukce, Yupu nyapnun tenen, kintinibuk.

2 Tawarikh 7:14

Akanye imun ning areptinyeura, yuk nang arye, ‘E, aninye ara, Allah Yahweh, el mapu unyake nyabuka, na mapu koprop sik Israel ninye, na si deice sinyak nang ara, sik kanye amu tam kebuka uptingura, nati, ‘Naio melibuka lyepsutume,’ nyabuka, pia moropnamnitinge. Tonda winiptingce, sikce malye unyak ning nirya dipkoprob bataknamake. Winiptingopura, na im deice ununak arye, sikce nati moronamniyak ning ara kekenamne. Akekelamnirye, sik malye unyak ning ati ara, narye namin kipnirye kilipnamne. Tonda, sik unamak mutuku nirya ara, pia tamubuka teleb kipdeipnamne.

Esra 8:21

Na Esra birye, Ahawa mek kup-kup tam unmapu talak aryuk, narye nyapse. “Ara, na ap, anggun amutuku yanmalum nang arye, din dina kumce, si tebuka Allah dam ati, talima lamapdongobuka ubibirye, Allah ati, ‘Nun kalikuka melipsilyame,’ nyabuka, moronamabe. Morobibiba, Allah arye, bisik banmapyak ara, melibuka basilirye melinamsile. Ara, nun ap, nun mapu ap, nun nirya arye talinyap ning nirya ara, elda kalikuka melinamsile.

Mazmur 50:15

Tonda, na Allah arye nyapsine. “Ikin weik upsilye talak ara, anggunce nati, ‘Naio melibuka lyepropsilyame!’ nyabuka, moropnumunyeura, dipkoprob narye yanuka, lyepropnamsine. Akunum lyepsiminyeura, anggunce na si erebuka kina ati, “Nun ni Allah, pia teleb ulule,” nyabuka, yuk nang kekenak, lakak arye nyanamlume.

Mazmur 56:4

Ilil weik unilye talak ara, narye anti, ‘Elce lyepnamnil’ tenen, diba tenepkinirye, na talima, an deiceuk deilikunune.

Mazmur 69:35

Na ni Allah, antibuk, im deice ubuk ning ap, tukwak mutuku ubuk ning nirya ap, tonda weik laut mekwen amu tam ulul ning ap, tuku deice noutamak ulul ning ap nirya arye, ‘An tibuk, si erebuka kinamkiyak’ tenen, ‘Se,’ tenenune.

Yoel 1:14

Ati, sik Israel ninye nirya ati nyapminyeba, din dina kumce, si tebuka ukirye, ‘Dipkoprop asum ara, weik mambul sum’ tenen, ninye weik bulubuka yakirye, yupu talipnamake. Atalak ara, amutuku ninye deiyok nang ap, wisi-wisi nang ap, tonda Yehuda yala nang ap nirya ati, yukupmunyeba, sik nirya arye, Allah el si eren aikuk bulubuka yakirye, Allah Yahweh el tibuk, ‘Se, nun ni Allah Yahweh, ance melipsilyame,’ nyabuka moronamake.

Amos 5:4

Na Allah Yahweh arye nyapsine. Se na mapu, Israel yala nang, anggunda, ‘Naʼ tenen, ninye ululuma anya arye, anggun malye ululum ning batakmunce, anggun tamubuka, na damak yamunyeura, anggunda pia kam unamlume.

Zefanya 2:1

Allah Yahweh arye, nabi Sefanya dam yanuka nyabukba, nabi Sefanya birye nyabuk yupu ara, ani. Se, anggun amutuku noutam ululum nang nirya ara, anggun malye winimunye ning ati, alye dakalana ap, ilil tenen ning ap ara, pia kum usulul nang ululume. Anggun nirya ara, neika bulupmunce, ayupu kekebuka nimalyap arye, moubuka biknamlume!