Ati ara, Salomo bira akunum wisi danin balamuk talak ara, isa si eren kilapu dolamuka anya arye, el talima ara pia lipdomikba, el kanye nirya ap, el talima nirya ap ara, Allah el si Yahweh deice pia kum deiamuk. Mitik tonunuk Allah deice deiamuk. Winibuka ati ara, el li koprop Daud, teniltona pia kumce, el kanye talima nirya Allah el si Yahweh deice deibukce, Allah ap dukdongobuka ulamuk touk ara, Salomo bira aning kum winilamuk.
2 Tawarikh 15:17 - Eipomek17 Yehuda tam ninye deiyoknye Raja Asa bira, el kam ulamuk talak nirya ara, el kanye talima nirya deice arye, Allah el si Yahweh ati, pia talebuka ulamukce, el siuk erelamuk. Winibuka ulamuk bukni, Israel nang ulamik tam noutam ara, ton nang ara, isa-isa si erena ati, mutuku kon deice bobuka deiamikak ara, elce aning nirya ton kum uluplomuk. Aning ara, teleb kum uamuk bukni, yuk pil dolamuk ning ap, winilamuk ning ap, teleb ulamuk. အခန်းကိုကြည့်ပါ။ |
2 Tawarikh 15:17
15 ပူးပေါင်းရင်းမြစ်များ
Yosafat ulamuk talak nirya ara, el babye el li koproba Asa winilamuk touk winilamuk. Ara, el li koproba arye winilamuk touk, Allah el si Yahweh arye, ‘Aning teleb,’ tenyamukce nyapdeiamuk ning ara, aninguk talibuka ulamuk. Malye ning pia ton kum winilamuk. Bukni, sik Yehuda tam ninye arye, mutuku deice binuka kam ning obuka, Allah ati arelbalamik ning nirya ara tuba awamuk. Aning ara, Yosafat birye, kum uluplomuk anya arye, aninye tuba mutuku deice binuka kam ning obuka arelbalamikce, Allah el si erena ati, nintong teleb ning uku dongolamikce morolamik.
Bukni, ninye deiyoknye Raja Yoas, el babye isa si erena ati, domba ato ning obuka boyana arye, uku dongobuka, erelamik aik nirya ara, ulubuka kum daklomuke. ‘Amalye ning nirya, kum daneipnamne,’ kum tenelamuk anya arye, sik Israel mutuku noutam ulamik ninye nirya ara, isa si erena ati, tuba opnarye, uku dongobuka arena ap, ‘Isa arye, nun moron yupu kekenamsiyakʼ tenen, siltong teleb ning uku dongona ap, tuba arelyangalamik.
Amazia elce, isa si erena ati, dobuka deiamikce, isa si erelamikak nirya ara, ulubuka kum batakamuk anya arye, Yehuda tam ulamik ninye, sik nirya ara, aisa si erena ati, domba ato ning obuka, arelbana ap, siltong teleb ning dobuka uku dongona ap, tuba winilamik. Ara, talye isa si eren aik, dobuka deiamikak arye, aninguk arelamikce, isa si erelamik.
Aning-aning nirya akunum winibikura, anyapce dikdongobuka, ninye deiyoknye Raja Asa birye, el lu kil Maakha biti, “Weik deiyok kil, Raja kil tuba kum unamlyame,” nyabuka, dobukce el amu tam deibuk. Ati, akil el pil dona kum kipdeibuk. Adeiyok kil Maakha, amu tam deibuk deiyok ara, ani. Ara minop talak akil Maaka birye, isa si Asyera, si erena ati cang weik yo tikdeiamuka deice arye, pia malye weik ulamuk. Winyamuk ati, el wenena ati ara, Asa birye akil bobuka, amu tam kepdeibuk. Winibukopura, aisa si erena ati cang yo iklamuk ning ara, kwinibukce, loklobuka bataklobukce, mutuku si Kidron mek duman bukni, Kidron Banak bobinuka, uku dabukba, uku arye dibuk.
Tonda, teleb arye ulamuk ning ara, el li koproba Abia ap, tonda el babye Asa ap, sik bitinye arye, Aning ara Allah el si erena ati, el ninguk pia aunamle tenen, dekna weik ning emas nirya ap, perak nirya ap, anyaik pum tam pil dona ati yala-yala ning nirya ap, Allah Yahweh el si erena ati, aning nirya bobuka, Allah si eren aik pum tam boyanuka deibuk.
Mikip deice arye el kanye tenen ning ap, el talima pum ap, Allah Yahweh deice deiamukce, Allah arye, “Aning ara wininamlume, aning ara pia kum wininamlume,” nyapdeiamuk ning ati, moubuka kekebukce, talebuka ulamuk. Tonda, Yehuda mutuku noutam isa-isa si erena ati, mutuku kon deice kintinibuka deiamikak nirya ulubuka bataklobukce, Asyerah si erena ati, cang weik yo arye ikdeiamik ning babye, kwinibuka bataklobukce, aning nirya kum kipdeibuk.
Yosafat el babye teleb ulamuk bukni, el taleamuk tam noutam ulamik nang, sik kan-kan arye, ton nang arye isa si eren ati, mutuku deice kintinibuka delilamikak ara, “Kum kipdeipmunce,” ulubuka bataklulume kum nyalamik. Tonda, amutuku noutam ulamik nang babye, sik apu yapu nang arye si erelamik Allah ati, Dipkoprob tenebuka, el siuk kum erepnarye, sik kanye talima nirya el deice uk kum delilamik.
Tonda, Ahas birye isa si erena ati, domba ato ning obuka, uku dongona ap, tonda siltong teleb nyan ning uku dongona ap ara, el taleamuk mutuku noutam bukni, mutuku deice ap, tonda weik yo tikamuka amu tam ap ara, domba basam ato ning obuka boyanarye, siltong teleb nyan ning ap, uku dongon pil dolamuk. Winibuka malye ulamuka ati ara, Allah Yahweh arye, anye biti ikin ning arebuk.
Raja Manasye birye nyabuk ati, Allah el si eren aik damuk, kam ning obuka, uku dongopting bukni, sikce mandipna kanye tuba bolamik ati, amutuku ninye ara, sikce yuk tam mutuku kon deice kintinibuka, yuk mesba deiamikak ton, kam ning obuka, Allah si erelbalamik. Aning ara, kum winipting bukni, sikce aning arelbalamik ning nirya ara, sik si erelamik Allah, el si Yahweh tonok, tenelamikce winilamik.
ကြော်ငြာတွေ