2 Tawarikh 13:2 - Eipomek

² Abia birye, ninye deiyoknye kibuka, Yerusalem mutuku noutam ulamik nang nirya ati, taleamuk keting tamun ara, winilye (3) ulamuk. Abia el lin koprop, el si ara, Mikhaya ulamuk. Mikhaya bira, Uria el kilmu ulamuk. Akil ara, Gibea mutuku kil ulamuk. Atalak noutam ara, Yudea tam taleamuknye Abia ap, Israel tam taleamuknye Yerobeam ap, bokukaprikce, olalamdik.

2 Tawarikh 13:2 ပူးပေါင်းရင်းမြစ်များ

1 Raja-Raja 14:19

Yerobeam el taleamuk ning ap, tonda ninye olamuk ning ap, nirya ara minop talak arye Israel ninye sik talina deiyok nang nyabuka, Buku si ara, Raja-Raja nyabuka sekeibik.

1 Raja-Raja 14:20

Yerobeam bira keting tamun yupa weik dua puluh dua tahun deice ulamukce Israel ninye taleamuk. Winipnin balamuka ani, sirya talak ara, el li yapu diplamik touk el babye dibuk. Dibukopura, el pununa ati el mi koprop uk Nadab, ninye deiyoknye tikuk.

1 Raja-Raja 15:2

Abiam birye, ninye deiyoknye kibuka, Yerusalem mutuku ninye taleamuk keting tamun ara, kipna winilye ulamuk. Abiam el lin si ara, Maakha ulamuk. Ara Raja Daud, elce deiamuk mi, Absalom birye deiamuk kil ulamuk.

2 Tawarikh 11:20

Aminyan talak ara, aning atouk, Rehabeam dobuk kil, Absalom el kilmu Maakha dobuk. Dopdarikura, sik mapu ara sal uk dumbarye deipdik. Ara, Abia ap, Atai ap, Ziza ap, tonda Selomit ap deipdik.

2 Tawarikh 12:15

Ninye deiyoknye Raja Rehabeam, el pil deiyok kibuka dolamuk ning nirya ara, asukum arye dipdongobuka sirya dakuk ning ara, elce deibukba, deipdanin balamik nang ap, aning nirya kel bikna ati, nabi Semaya birye sekamuk buku noutam arye sekeiamukak, wini talak noutam nirya babye, tuba aulule. Tonda, elce pil dolamukce, winilamuk ning nirya ara, aminyan talak winipnamuk ning lak nyananye, el si Ido, elce sekuka deiamuk buku ara, asukum ton sekuka deiamuk. Ati, sikce sekeiamdik buku noutamuk, Raja Rehabeam pil dolamuk ning babye, sekuka deipdik. Raja Rehabeam ap, Raja Yerobeam ap, sik ulamdik talak noutam ara, olana uk ulamik.

2 Tawarikh 13:3

Yudea tam ninye deiyoknye Raja Abia birye, el yin talin weik kel nang ara, yupa pia weik, empat ratus ribu (400.000) nang kintinibuka deibukce, olbalamuk. Atonun ton, Israel tam taleamuknye Raja Yerobeam babye, el yin talin nang, yupa pia weik delapan ratus ribu (800.000) kel weik bikamik yin nang arye, kintinibuka deibukce, ‘Abia ap, el tam nang ap, opnamneʼ tenen, binuka kintinibuk.

Yosua 18:28

Zela mutuku ap, Elef mutuku ap, (ara Yebus yala nang ulamik sukum atia. Amutuku si ton Yerusalem nyalamik.) Tonda, Gibea asik ap, tonda Kiryat-Yearim asik ap doprobik. Amutuku nirya ara, Benyamin yala nang, sik duweit nirya, pia talibuka ulamik mutuku ati, bokuka arebukba doprobik.

Hakim-Hakim 19:14

Ati ara, sik adiparyuk dukdongobuka banmeka ani, Yebus mutuku dikdik, ton kum sebik. Abanauk unmeka ani, Gibea mutuku bukni, sik Benyamin yala nang ulamik mutuku noutam banmek talak ara, keting adiparyuk akunum kumubukce inibuk.

Hakim-Hakim 19:16

Abukmek bukni, inibuk talak ara, sik amutuku asik dam lilun tam tuba bukmek. Abukmek bukni, wisinye tonok, el wa wilamukak arye, wa winmoka ani yayuk. Dipkoprob el deilin mutuku ara, iknapye tam bukni, Efraim mutuku noutam deiamik. Bukni atalak ara, tiya ati Gibea mutuku noutam ulamuk. (Atalak ara, Gibea mutuku noutam ulamik nang ara, sik Benyamin yala deiyok nanguk ulamik.)

1 Samuel 10:26

Nyabukura, aninye nirya, akunum sik mutuku tamubuka, bindobikopura, Saul babye adiparyuk, el mutuku Gibea mutuku tamubuka biyuk. Ara, el melina ati, ilil tenena kum, mikip weik yin talen nang ap, neika Gibea mutuku tamubuka biyik. Aning ara, Allah Yahweh arye, sik talima noutam pil dopmok nanguk, Saul ap neika biyik.