2 Tawarikh 11:21 - Eipomek

²¹ Ura atalak ara, Rehabeam el domuk kilapu nirya ara, kilapu delapan belas (18) domuk. Tonda, kilapu enam puluh (60) ton el domuk kilapu melina ati tabakuka ton dobuk. Akilapu ara, el melina ap, mapu delina ap ati domuk bukni, sikda el kilapu koprop kum ulamik. Tonda, akilapu nirya ap neika ulamik anye, elce deiamuk mapu nirya ara, dua puluh delapan (28) deiamuk. Tonda elce deiamuk kilmapu ara, enam puluh (60) deiamuk. Tonda, elce dipkoprob domuk kilapu ap, talye el kilapu melina ati domuk kilapua ap nirya ara,kanye mitik tonun delilamuk bukni, tonok kil el si ara, Maakha bira pia kanye weik deiamuk.

2 Tawarikh 11:21 ပူးပေါင်းရင်းမြစ်များ

Kejadian 22:24

Tonda, Nahor birye, yuk kil ton dobukura, akil el si ara, Reuma arye mapu ton deiamuk. Akil el mapu si ara ani. Tebah ap, Gaham ap, Tahas ap, Makha ap deiamuk.

2 Samuel 5:13

Daud min yuma ulamuk mutuku, Hebron mutuku batakuka, Yerusalem mutuku akunum yayukopura, Israel mutuku ulamik kilapu, weik tonap tabakuka dolamuk. Dolamukce, neika daulamika ani, el mapu ap, kilmapu ap, weik arye tonap delilamuk.

1 Raja-Raja 11:3

Salomo birye tenelamukce dopromuk kilapu ara, tujuh ratus kilapu. Akilapu nirya ara, sik ni yapu ara yuk Raja nang ulamik. Tonda talye kilapu bukni, yuk kilapu yupa ara, talye kilapu tiga ratus domuk. Akilapu domokba, sikce talilamik Isa ara, Salomo babye deiyok kibuka aning talilamuk.

1 Raja-Raja 15:2

Abiam birye, ninye deiyoknye kibuka, Yerusalem mutuku ninye taleamuk keting tamun ara, kipna winilye ulamuk. Abiam el lin si ara, Maakha ulamuk. Ara Raja Daud, elce deiamuk mi, Absalom birye deiamuk kil ulamuk.

2 Tawarikh 11:23

Ninye deiyoknye Rehabeam, kel weik bikamuk deice arye, el mapu nirya ati, pil dona deiyok ning arebukce, el taleamuk mutuku nirya dopdeibukba, ninye deiyok nang ulamik. Ara, Yehuda tam mutuku noutam ap, Benyamin yala nang ulamik mutuku noutam ap, ‘Yu nang arye yanuka opsicak tenen, kat keil arye cang poka dobuka domik mutuku nirya ap ati, anang erepdeibuk. Erepdeibuk ning ara, sik din ning yala-yala nirya ara, pia weik arye memebuka deiamuk. Atonun, sik anang el mapu kil dopnamak tenen ati, kilapu weik arye, dopdeiamukba el mapu dolamik.

Ulangan 17:17

Tonda, anggun ninye deiyok Raja kipdeipnamlumnye bira, kil weik tonun dona kume. Tonda, aning atouk, dekna weik ning emas ap, perak ap, weik tonun kum dolonamle. Aning tenelamlinye bira, wilina kume. Deiyok ara, aning patana ap, dolona ap uplya deice arye, ‘Anggun ni Allah el si yaniplirye, bataklyakʼ tenen ati nyapsine. Yuk talye ning pataplya deice arye, Allah ati bataklyake.

Ulangan 21:16

Winiplyopura, sik akanye birye, elce taleamtu ning nirya bokuka, el mapu ati arepnutopura, yata wiripnamtu do? Ara, anye el kanye deiamlye kil arye, deiamlye mi tamuk kum kilule. Dipkoprop min yuma mi deiamlye kil, el kanye kum deiamlye kil bukni, el deiamlye mi ara, dipkoprob min yuma mi ulula anya arye, amiuk el li birye, el talilamle ning noutam, weik tonun ton bokuka, ami atibuk arenamlule. Ara, el kanye deiamlye kil arye deiamlye mi, el bataklya deice arye, kanye kum deiamlye kil arye, min yuma deiamlye mi, el talilamlye ning, mitik tonun kililule. Winina ara malye ati, aning ara, kum wininamlume.

Hakim-Hakim 8:30

Gideon el kilapu weik domuk anya arye, elce deiamuk mapu nirya ara, yupa bitinye keba nakub dikin, (70) mapu deiamukba ulamik.