2 Tawarikh 10:4 - Eipomek

⁴ “Ani Salomo bira, nunti ikin ning pia weik arye delilamsuke. Weik ikin pil weik arye aruklamsukba, kanye imun ulamsuke. Bukni wini talak ara, ance kanam kib deipsiminyakarye, nun kanye imun usilye ning nirya, kum kipdeipnamsiminyeura, an amu tam ubirye, ance nyasiminye touk wininamabe,” nyabik.

2 Tawarikh 10:4 ပူးပေါင်းရင်းမြစ်များ

1 Raja-Raja 12:4

“An ni koprop Salomo birye nunti ikin ninguk delilamsuke. Ikin pil weik dilamsukba, ikin kanye weik bobuka ulamupu. Bukni, wini talak ara, ance kanam kipdeipsimince, kanye ikin usilye ning kum kipdeipsiminyopura, an nyapsiminye touk wininamabe,” nyabik.

1 Raja-Raja 4:20

Atalak ara, Yehuda yala ninye ap, Israel ninye ap, yupa pia weik, mek dala arye mek wininga ulamle touk ulamik. Sik nirya din ap, mek ap, dilamikce teleb kanye uk bobuka ulamik.

1 Raja-Raja 4:25

Ton ning ara, Yehuda yala ninye ap, Israel ninye ap, amutuku noutamak pia ulamikce, Salomo tuba ulamuk talak ara, Dan yala nang ap, Bersyeba mutuku nirya anggur tapu ap, Arah yo ap, amu tam yuk-yuk ulamik.

1 Raja-Raja 5:13

Raja Salomo birye, ‘Na pil donamniak’ tenen, yupu nyapdeibukba, pil dopmanto nang yupa weik 30 ribu nang bulubik.

1 Raja-Raja 5:15

Tonda anyaik dona ati ara, Raja Salomo birye pil dona kel nang ton, yuk wibuka deiamuk. Ikin ning bolsusun nang ati ara, ninye yupa weik 70 ribu nang wibuka dopdeibuk. Ton nang ara, ‘Urasin teleb keil sekuka kintinipnamak’ tenen, ninye yupa weik 80 ribu nang ton wipdeibuk. Anang ara, mutuku dup deice pil dolbalamik.

1 Raja-Raja 9:22

Bukni, Raja Salomo birye, Israel yala ninye koprop ara, ikin pil ton dipnaba, asik dona ati pil kum dolamik. Aning ara kum bukni, sik Israel yala ninye koproba ara, yin talen nang kina ap, yin talen nang yupa yuk-yuk ati deiyok kina ap, sik ayin talen nang nirya, sik deiyoknye kina ap, tonda mal olalbana ati, perang kin talak kuda kereta talena deiyok nang ap, kereta talen nang, sik deiyok nang ap, Raja Salomo taleamuk mutuku nirya dina ap, kalekina ap, ‘Winipnamlume,’ nyana deiyok nang ap, pil dona ati, Israel yala ninye koprop wililamukba, apiluk talibuka dolamik. Sik ti ara, ikin pil kum dilamuk.

2 Tawarikh 10:3

Yerobeam tamubuka yayukopura, sik Israel mutuku ulamik nang arye, Yerobeam biti yukubikba yayuk. Yayukopura, Yerobeam ap, sik Israel ninye ap, nirya ansinibuka, Rehabeam dam biyik. Biyikura, sikce Rehabeam biti nyabik.

2 Tawarikh 10:5

Nyabik bukni, Rehabeam birye sik anang ati tamubuka nyabuk. “Wini talak tamubuka binmamunya ani, like winilye sum mapmunyakarye, osum ara tonap tamubuka, na dam yanamlume,” nyabuk. Nyabukura, sik aninye nirya tamubuka bindobik.

Keluaran 2:23

Atalak noutamak ara, keting tamun weik, Israel ninye ap, neika amutuku daulamika ani, aminyan talak Mesir mutuku ninye deiyoknye, Firaun dibuk. Tonda, atalak noutamak ara, Israel nang keting tamun deice arye, ikin pil pia talye urdem pil dolamikce, weik mambul kanye bobuka engelamik. Sik ikin pil dona ap, mambul kanye bona ap ati engelamikce, “Se, nun ni Allah melibuka lyepsilyame,” nyabuka morolamikba, Allah arye kekelamuk.

Yesaya 47:6

Minop talak ara, na mapu Israel nang arye, malye un ning weik tonun ulamika ani, na Allah arye sik wenena ati, yu upnukba, sikti, pia ikin weik ning sik deice deiamse. Ara, narye dobuka, sik Babel mutuku nang taruk deice deiamsiba, sik Babel nang arye, Israel nang obuka pia malye weik kibik. Winipse bukni, anggun Babel mutuku nang arye, ‘Naʼ tenen, nang, Israel yala nang ati, bico kum tenelamlume. Anggun yu upnaba, Israel nang nirya bukni, sik pia wise-wise nang babye ati, weik ikin ning sik nong deice deibuka daralongolamlume.

Matius 23:4

Sik Farisi nang ap, Musa sekamuk yupu peterena deiyok nang ap, sik bidamnye kanye tenena deice aryuk tabakuka, “Winipnamlulume,” nyabuka peterenyak ning arye, ninye nirya sik nong deice ikin ning weik delinyake. Ninye nong deice ikin ning weike delinyak bukni, ninye ikin uplye ning ara, ‘Nunce ton melipnusiabe,’ tenebikirye, tonok mitik pil babye, sikce ton pia kum melinyake.

1 Yohanes 5:3

Dipkoprop Allah ati kanye delinyaba ara ani. Ara elce, “Wininamlulume,” nyasilye yupu nirya ara, ‘Diba’ tenen, kekebuka dobolbanyabe atia. Yuk ning ton kume. El yupu kekebuka dobolbalamtibya deice aryuk, “Allah ati kanye delinyabe,” nyaptibye.