2 Tawarikh 10:2 - Eipomek

² Winibik talak uk, ninye si Nebat, el mi Yerobeam bira, Se, Raja Salomo birye opnilyak tenen, minop talak Mesir mutuku binuka, dungnubuka ulamuka ani, tupa amutuku unmok. Amutuku uk unmok bukni, sik yuk nang arye, ‘Rehabeam bira ninye deiyok talebuka Raja unamsilʼ tenen, “Erepdeipnamap,” nyabik ati, el kekebuk. Ayupu akunum kekebukura, el adiparyuk Mesir mutuku batakuka, Israel mutuku noutamuk yayuk.

2 Tawarikh 10:2 ပူးပေါင်းရင်းမြစ်များ

1 Raja-Raja 11:26

Ura yuknye ton, Salomo el yupu bisibuka yanibukce, ‘Naryuk amutuku taliptinye,’ tenelamuk. Anye bira Salomo el melinanye ulamuk. El si ara Yerobeam. El li koproba Nebat. Yerobeam bira Efraim yala nang arye deiamikba, mutuku si Zereda mutuku noutam ulamuk. Tonda Yerobeam el lin bira yuwak kil el si ara, Zerua ulamuk.

1 Raja-Raja 11:28

Yerobeam biti ara, amutuku ulamik nang arye, ‘Elda weik mambulnye,’ tenelamikce, el yupu kekelamik. Yerobeam babye, anyaka uk ulamukce poka pil teleb ubuka dolamukba, Salomo birye eibukce bikuk. Bikukce, Yerobeam biti nyabuk. “Na kwito, Yusup birye deibukba, dadeipkirikdanin, balamikce, Yusup el yala ninye nirya ati, ancuk talipmince sik anang ati sik pil deiyoknye unalame. Pil dipminba donamake,” nyabukba ati winilamuk.

1 Raja-Raja 11:40

Nyabukopura, aminyan talak ara, Yerobeam birye, ‘Amutuku nirya na uk talipnamne,’ tenelamuk bukni, Salomo aning kel bikukce, yu ubukba, ‘Yerobeam piribuka opnun,’ tenebukce, Yerobeam oplobuk bukni, Yerobeam adiparyuk bikbik abuka, Mesir mutuku biyukba, Salomo birye anye kum obuk. Yerobeam bira, Mesir mutuku biyukce, ninye deiyoknye el si ara Sisak ulamukak biyukba, sik neika ulamdik ani, aminyan talak ara Salomo dibuk.

1 Raja-Raja 12:2

Tonda atalak uk Nebat el mi Yerobeam bira, ‘Salomo birye opnilyak’ tenen, Mesir mutuku binuka ulamuk bukni, tuba asukumuk ulamuk. Yuk nang arye, ‘Rehabeam erepdeipnamake,’ nyabikba kekebuk. Kekebukopura, Mesir mutuku batakuka, tuba tamubuka Israel mutuku noutamuk yayuk.

2 Tawarikh 10:3

Yerobeam tamubuka yayukopura, sik Israel mutuku ulamik nang arye, Yerobeam biti yukubikba yayuk. Yayukopura, Yerobeam ap, sik Israel ninye ap, nirya ansinibuka, Rehabeam dam biyik. Biyikura, sikce Rehabeam biti nyabik.

2 Tawarikh 9:29

Ura, ninye deiyoknye Raja Salomo, el kam ulamuk talak ulamukce, pil dolamuk ning ap, weik arye biklamuk ning ap nirya ara, Allah el yupu lak nyalamuk nye, nabi Natan winilamuk ning ati, sekeiamik buku noutam ap, Silo mutukunye nabi Ahia winilamuk ning sekuka deiamik buku noutam ap, tonda, aminyan winipnamuk ning ati, yupu lak nyalamuk nye, nabi Ido ap, el ulamuk ning ati sekeiamik buku noutam ton, Salomo ulamuk ning ton bulubuka tonok sukum sekeibik. Aminyan talak winipnamuk ning ati lak nyalamuk nye, el si nabi Ido, elce, ninye si Nebat birye deiamuknye, Raja Yerobeam birye el ton ulamukce, sekeiamuk.